哥斯拉續集預告震撼曝光！片尾1秒畫面嚇呆全球影迷：今次唔係東京？

續集預告揭驚人細節哥斯拉竟衝出日本

今次預告片風格極度懸疑，開頭就以英文獨白「如果佢哋行動失敗，或者我哋終於可以用到佢」掀開序幕，配上字幕顯示故事設定於1949年，即上集大戰後嘅兩年，一句「新嘅絕望，正喺兩年後逼近」已經令人不寒而慄！最嚇人嘅係，預告片最後一幕，哥斯拉竟然唔係出現喺銀座或者新宿，而係企正喺美國紐約自由神像旁邊！呢個畫面徹底顛覆咗東寶版哥斯拉主要喺日本本土活動嘅傳統，暗示今集破壞力將會衝出國際，蔓延到美國本土！

粉絲洗版瘋狂猜測劇情或涉美軍秘密武器

事件曝光後，大批影迷替紐約「捏一把冷」，同時亦化身偵探瘋狂洗版討論！預告中嘅英文對白，令唔少人猜測美軍喺上集哥斯拉襲日時，可能已經秘密部署咗某種「最終武器」，但因為日本仲喺美軍佔領時期而未有動用。今次哥斯拉直搗美國心臟，係咪就係為咗迫使美軍亮出呢張終極底牌？唔少網民都大呻：「今次真係玩到咁大？」、「難道要上演美日聯手打哥斯拉？」、「哥斯拉終於拎到Passport？」，各種劇情猜測令期待值瞬間爆燈！

官方公佈上映日期粉絲撲飛要快手

雖然預告片揭示咗紐約呢個全新戰場，但片中亦不乏日本場景同角色，作為超過20年嚟首部日本哥斯拉電影嘅直接續集，相信《Minus Zero》亦會交代返上集結局留低嘅種種謎團。官方亦同步公佈，電影將於今年11月3日率先喺日本上映，而美國就會緊隨其後喺11月6日首映。各位哥斯拉粉絲睇嚟要mark實日子，準備撲飛見證呢場史無前例嘅跨國災難！