婆媳關係向來是家庭中最難解的課題，尤其在育兒方面更容易引爆衝突！近日，一位人妻在網上大呻，每次帶僅1歲半的女兒回婆家，奶奶總愛對著孫女講一句說話，令她極度難受。即使老公出面阻止，奶奶一句「佢又聽唔明」輕鬆帶過，令事主心灰意冷，怒言考慮以後不再回去！事件引爆一眾媽媽共鳴，群組瞬間被洗版！

奶奶對1歲半孫女狂講「媽媽唔要你」挑撥離間

事主在討論區發文怒訴，指自己大約每兩星期就會帶女兒回婆家，非常感激奶奶幫忙湊孫，讓自己有喘息空間。豈料，奶奶竟多次對著年僅歲半的孫女說：「嫲嫲帶你出去玩，你媽媽不要你了。」事主老公聽到後即時喝止，但奶奶總是以「佢又聽唔明」為藉口笑著敷衍。事主大感無奈兼心痛：「如果你真係覺得BB聽唔明，點解唔講『爸爸唔要你』？BB黐媽媽係好正常㗎！」她慨嘆自己已盡力製造機會讓婆孫相處，卻換來這種挑撥離間的說話，令她萌生減少回婆家的念頭。

事件曝光後網民鬧爆奶奶大搞情緒勒索

帖文一出，大批網民替事主不值，紛紛留言鬧爆奶奶行為極之可惡！「呢句說話真係好乞人憎，根本係向小朋友灌輸負面情緒」、「BB全部聽得明㗎！只係未識講嘢反駁你」、「最憎啲老人家對住個孫講呢啲，擺明就係想挑撥母女感情」、「呢種嫲嫲第日一定會變本加厲，小心！」網民直斥奶奶的說話根本不是開玩笑，而是赤裸裸的「情緒勒索」，旨在破壞事主與女兒的關係，用心極度險惡。

網民獻計3大絕地反擊金句KO心機奶奶

除了圍爐取暖，不少身經百戰的媽媽更向事主獻上「絕地反擊」的錦囊妙計，教她如何大快人心又不失霸氣地回應！有網民建議：「下次叫你老公回佢：『BB聽唔明，所以你係特登講俾我老婆聽嘅？』」亦有人提議直接向奶奶攤牌：「下次直接同奶奶講，如果再開呢種玩笑，以後就唔會再帶個女返嚟。」更有網民教路，下次回家時可以拉著老公說：「走啦走啦返屋企啦，你阿媽唔要你喇！」用同樣的邏輯反擊，讓奶奶親身感受一下有多難受！