范子睿黑超上陣Rap到眼鏡起霧
在隊伍落後的情況下，原定壓軸出場的「頭號殺手」范子睿決定提早應戰，他戴上型爆黑超，使出渾身解數大晒Rap功，以極具動感的演出燃爆舞台。由於跳唱過程太過落力，子睿唱畢後仍氣喘吁吁，身心未能平復，鏡片上竟瞬間佈滿霧氣，完美重現當年吳業坤的經典場面，畫面非常搞笑。最終他憑藉這次破格演出，斬獲全晚最高的90分，成功撼贏對手許美琪。
范子睿坦言臨時決定搏一搏
對於提早出戰的決定，范子睿在台上坦言是意料之外的策略，全因戰況告急，迫不得已才出此下策。他直言：「完全估唔到呢個戰況，所以臨時決定搏一搏！」由於他同時使用了隊伍唯一的「王牌」機會，勝出後成功為隊伍一口氣奪得兩分，將比數追至2：3，大大提升了全隊士氣，為之後的賽事挽回一線生機。
評審激讚Rap功穩陣咬字清晰
范子睿的驚喜表現亦獲評審肯定，谷婭溦大讚他Rap得非常有驚喜，完全超出預期。她詳細點評：「我估唔到你嘅Rap可以咁穩陣，因為我知道快嘴你唔單單要咬字清晰，你嘅氣要跟得上之外，仲要一路連得住，咁呢樣嘢你做得非常之好」。不過，張佳添則認為演出仍有進步空間，指出歌曲中段流暢度稍有不足：「未夠爽，仲差少少！」
網民熱議坤哥2.0誕生
節目播出後，網民對范子睿的演出反應熱烈，尤其對「眼鏡起霧」一幕印象深刻。不少網民留言大讚：「估唔到佢識Rap！好有型！」、「眼鏡起霧嗰下笑死，即刻諗起坤哥！坤哥2.0誕生！」、「90分實至名歸，完全係王牌救駕！」、「雖然張佳添話差少少，但我覺得喺中年好聲音舞台見到Rap已經好驚喜！」、「佢真係好有隊長擔當，肯為隊友搏盡！」。
