廣州長隆旅遊度假區：一卡暢玩廣州四園
如果要揀一張最精明嘅年卡，廣州長隆四園年卡絕對係性價比之選！一卡在手，全年暢玩四大園區：長隆野生動物世界、長隆歡樂世界、長隆水上樂園同長隆飛鳥樂園，平均一年去夠三次就已經回本，CP值爆燈。
更抵玩嘅係，你可以按季節安排：
🌸 春天 → 去長隆飛鳥樂園賞鳥賞花，感受大自然春日活力
☀️ 夏天 →長隆水上樂園清涼狂歡，玩埋水上派對就最 Chill
🍂 秋天 → 長隆野生動物世界近距離睇小動物，親子秋日必到
❄️ 冬天 → 長隆歡樂世界坐過山車，冬天刺激取取暖
廣州長隆旅遊度假區：2026必玩新項目亮點，啱曬「膽大黨」
彈射過山車： 一瞬間直衝天際，最高時速飆到 97.2km/h！衝上最高點嘅那一刻，心跳加速到極限。玩完仲會忍唔住話：「再來一次！」——絕對係 2026 年最刺激嘅過山車。
超級海盜船 ：一次過可以坐 100 人，全場一齊尖叫！船身左右大幅度搖擺，好似要將你拋上半空再急速墜落，心跳加速到爆！
超級激流：螺旋設計直上 21.5 米高空再急速落嚟，真係勁刺激！落到嚟嗰一刻，全身都會濕晒！記得提早準備雨衣啦。
以上新項目都係長隆歡樂世界2026新項目，仲有更多驚喜等你親身發掘！
廣州長隆旅遊度假區年卡詳情：
- 平日卡 ¥998 (標準)
- 平日卡 ¥698 (未成年/長者)
全年有 280+ 日可以入園，除咗春節、五一、國慶同暑寒假高峰日之外，基本上周末快閃都冇問題。
- 通玩卡 ¥1598 (標準)
- 通玩卡 ¥1118 (未成年/長者)
全年 365 日任玩，所有節日都通行，話走就走全無限制。
💎 年卡專屬禮遇*：
- 演藝馬戲團門票半價
- 酒店住宿半價
- 餐飲 85 折
- 快速通關證，玩機動遊戲快人一步
*禮遇內容以官網資料為準
💡 GOtrip編輯小貼士：高鐵去最方便
約埋老 best 搭高鐵去廣州長隆，坐過山車尖叫到失聲 ; 夏天去埋水上樂園玩水，再用埋年卡優惠去食自助餐 🍴，玩到盡興、食到飽飽，星期六日就係咁樣 enjoy！
👉 即睇 #精明遊 教你點享受假期： https://www.instagram.com/p/DVfstDeDSjf/
橫琴長隆旅遊度假區：親子性價比之選
橫琴長隆旅遊度假區兩大園區 —— 長隆海洋王國同長隆飛船樂園真係親子性價比之選！海洋王國係全球級海洋主題樂園，入面有鯨鯊館 、震撼煙花巡遊同多元海洋動物展館，娛樂、教育、度假一次過齊晒；至於飛船樂園更加係 2023 年先開嘅新園區，仲係全球最大室內主題樂園，結合沉浸式遊樂、科普教育同互動科技，全年齡段都啱玩，落雨又得、天氣熱又得，365日完全無阻玩到盡興！
橫琴長隆旅遊度假區：小紅書爆紅必玩
【長隆飛船樂園】百慕大歷險：一場沉浸式航海探險，觀眾仿佛登上巨型遊輪，隨住海浪、風暴、火焰、蒸汽等特效，置身驚險刺激嘅海洋冒險。
【長隆海洋王國】水上過山車：結合傳統過山車同水上設施，乘客會經歷高速俯衝、旋轉，再衝入水花區。夏天炎熱之選！
【長隆海洋王國】海底互動船：真真正正「走入海洋」，感受被海洋生物包圍嘅奇妙體驗。無論係親子家庭定情侶，都會覺得超靚啊 !
橫琴長隆旅遊度假區年卡詳情：
- 平日卡 ¥1098 (標準)
- 平日卡 ¥768 (未成年/長者)
全年有 280+ 日可以入園，除咗春節、五一、國慶同暑寒假高峰日之外，基本上周末快閃都冇問題。
- 通玩卡 ¥1798 (標準)
- 通玩卡 ¥1258 (未成年/長者)
全年 365 日任玩，所有節日都通行，話走就走全無限制。
所有票價、優惠、專屬禮遇等資訊，一切以官網公佈為準。
💎 年卡專屬禮遇*：
- 演藝馬戲團門票半價
- 酒店住宿半價
- 餐飲 85 折
- 快速通關證，玩機動遊戲快人一步
*禮遇內容參考官網資料為準
💡 GOtrip編輯小貼士：預約成功後，可通過人臉識别通道便捷入園
小朋友假期多，想玩得開心又避開人潮？建議揀平日日子入園！人流少啲，排隊快啲，心情自然好啲～玩得盡興又舒服，年卡用得更抵！
清遠長隆旅遊度假區：追求新鮮感之選
清遠長隆係長隆集團最新打造嘅大型度假區，2025 年先正式開放，2026 已經成為必去親子旅遊熱點！呢個度假區主打 「森林野趣＋動物互動＋酒店度假」，一個地方就有齊：
- 森林王國：沉浸式動物探險，近距離睇獅子、長頸鹿、犀牛，仲有研學互動，寓教於樂。
- 主題酒店：以長頸鹿做主題，房間設計超可愛，部分仲可以望到動物區，親子家庭一定鍾意。
最大特點「新＋大＋齊」：設施新淨、動物互動真實、度假配套完整，無論家庭、情侶定朋友，都可以玩到盡興。
清遠長隆旅遊度假區：必去打卡項目
【森林王國】餵餵長頸鹿：長頸鹿作為「動物世界嘅明星」，高高瘦瘦又溫馴，最啱小朋友近距離接觸。呢個體驗不單止好玩，仲好有教育意義，小朋友可以從中學到長頸鹿嘅生活習性，又可以影相打卡。
立即睇清遠長隆園區介紹
清遠長隆旅遊度假區年卡詳情*：
- 平日卡 ¥698 (標準)
- 平日卡 ¥488(未成年/長者)
全年有 280+ 日可以入園，除咗春節、五一、國慶同暑寒假高峰日之外，基本上周末快閃都冇問題。
- 通玩卡 ¥998 (標準)
- 通玩卡 ¥698 (未成年/長者)
全年 365 日任玩，所有節日都通行，話走就走全無限制。
💎 年卡專屬禮遇*：
- 酒店住宿半價
- 餐飲 85 折
- 快速通關證，玩機動遊戲快人一步
💡 GOtrip編輯小貼士
森林世界真係好吸引！ 一於住返晚慢慢玩，用埋年卡專屬酒店住宿半價優惠入住埋全新長頸鹿城堡酒店，玩完動物互動再返酒店休息，舒服到爆～一年去幾次清遠度下假，真係正到唔想返屋企！
一卡在手，全年抵玩，長隆精彩等你開展！
長隆三大度假區一年四季都有精彩玩法 ！想追求刺激坐過山車、親子樂欣賞海洋生物，定係近距離親親小動物，都有得揀～一卡在手，全年任玩仲享酒店、餐飲、快速通道等專屬優惠。你揀好邊張年卡，準備開展 2026 抵玩行程未呢！
*所有票價、優惠、專屬禮遇等資訊，一切以官網公佈為準。
