香港慶祝餐廳推薦目錄
喜歡到世界各地歎美食的Nicole，平日都會在港發掘餐廳。一提到香港米芝蓮餐廳，Nicole分享了想起以下經常回訪的香港高級餐廳，到底哪間值得大家一試？想知道更多詳細分享記住Follow IG @gogo.eating.around 同GOtrip的Facebook啦！
香港慶祝餐廳推薦｜港日法Omakase「Thomas & T’s」
主廚Thomas Tam 有超過20年廚齡，曾於米芝蓮二星「壽司芳」工作。Thomas & T’s的菜式結合港式元素、法式技巧、日本精緻工藝，是Nicole光顧了幾年的餐廳。午市套餐有前菜6道及壽司8貫，價錢$880起。
單憑食物的外表未必估到這是什麼菜式。這個蘋果其實是鮟鱇魚肝，是Nicole最喜歡的菜式：「呢個做法令到我聯想起，西餐會食到嘅鵝肝，不過呢個用咗鮟鱇魚肝，比西餐的鵝肝更加好食」。
「海鮮茶碗蒸，除了海鮮之外，加咗羊肚菌，令到成道菜鮮味提升咗不少」；「白子豆腐芝士蛋糕，做法比較Refreshing，都幾特別，好有記憶點」。
Nicole期待有新菜式：「一直好欣賞主廚Thomas對食物嘅研究同尊重，餐廳主打日法fusion ，每次去都有驚喜同特色，期待下次再去試新嘢。」
香港慶祝餐廳推薦｜香港皇朝會懷石料理「秋(Aki)」
香港頂級私人會所皇朝會，近期推出首間日本餐廳「秋（Aki）」，是皇朝會首間日本菜館，由曾經於Azito擔任主廚的Tomi Yoshi主理。菜單融合京都料理哲學，追求季節流轉，套餐價錢為$1,880 起。
Nicole開店第2日就拜訪了：「嗰日都係母親節，於是同屋企人一齊去用餐。個人認為整體用餐感覺很好。發揮到Kaiseki的應有水平，無論是刀功，菜式搭配，新鮮度，都恰到好處」。
Nicole最喜歡胡麻麵：「刀功很厲害，將麵條切得非常幼細，把所有醬汁吸收在內，每一口都是香濃的胡麻味，細細碗不會膩，亦都夠冰涼，所以超級開胃」。
Nicole認為最特別就是旁邊的靈魂醬汁：「用淮山同梅製成，代替咗傳統嘅雞蛋汁。個人認為可以解膩之餘，仲令到牛肉嘅鮮味更突出。由於太惹味，我同屋企人都refill咗兩碗飯」。
有幸食過幾次Chef Tomi主理嘅Azito，到結業嘅時候都依依不捨。後來再去皇朝會Aki擔任主廚，興奮到開業第2日就去了！我非常喜歡胡麻麵、壽喜燒這兩道菜的配搭，所以準備再訪了。Nicole：「有時女仔食Fine Dining或者Omakase，最驚食到好滯，我覺得廚師們最需要花功夫令到客人食得飽又舒服，唔好淨係得個滯字， 我覺得呢度就做得好好。嚟緊準備二訪， 期待新的菜式和新的變化。」
