黃翠如IG呻爆湊仔苦況 暗示老公歎世界
今日黃翠如在IG分享湊仔日常，相中見她一臉母愛泛濫，緊緊攬實囝囝「蕭哈哈」，又溫馨聞其頭仔，但另一張相卻畫風突變，只見她頭髮凌亂，面露一絲疲態，似乎獨力照顧囝囝絕不輕鬆。她更配文隔空向老公蕭正楠撒嬌：「六年前嘅今日，我喺澳洲拍節目活著Viva ，佢喺屋企凌亂咁將啲隔夜Pizza塞入口。六年後嘅今日，我身上面長時間掛住咗一隻樹熊，佢去返同一個地方拍節目活著Viva。」字句中將囝囝比喻為「樹熊」，又點出老公正在澳洲拍節目，甜蜜中帶點埋怨，閃盲一眾網民。
蕭正楠隔空派定心丸 強調強顏歡笑
其實老公蕭正楠亦相當識做，早前出發飛往澳洲孖住好兄弟黎耀祥和曹永廉拍攝旅遊節目時，已預先向老婆大派定心丸。他當時在社交平台發文，表示極度不捨妻兒，更連講三次「真係好好好唔捨得」，並加上「求生欲強」的標籤，向老婆隔空示愛。蕭正楠更搞笑指自己當時是「強顏歡笑」，可見他早已預料到老婆會詐型，求生欲極強的舉動讓網民大讚他是愛妻號，夫妻二人隔空傳情，認真冤氣又甜蜜。
洪永城食花生留言辣着火頭 網民叫佢幫手湊仔
黃翠如的帖文一出，隨即引來大批圈中好友及網民留言，不過最好笑的莫過於她的「好兄弟」洪永城。洪永城抱住食花生的心態留言問：「你搞唔搞得掂呀？ 好似有啲困難」，似乎想取笑黃翠如一番。豈料網民完全唔受落，更群起圍攻洪永城，紛紛留言叫他不要袖手旁觀：「你快啲去幫手啦！」、「幫下手」、「你唔好淨係講啦，過去幫手湊B」
