Ibiza美食4間必去餐廳目錄
經常要來回巴黎及杜拜的法國人人妻Carmen，喜歡和老公一起乘坐不同航空公司的頭等艙和商務艙。早前她去了西班牙的派對小島Ibiza參加Ushuaïa音樂節，並分享了4間島上的餐廳，想知道更多詳細分享記住Follow埋 IG @frenchwifeindubai同GOtrip的Facebook及IG啦！
回到目錄
Ibiza美食｜01 超人氣海灘餐廳Amante
Amante是一間贏得White Ibiza Awards 2024中「Best Fine Dining Restaurant」。Carmen早前已經光顧過，認為食物質素不錯、服務好好，決定再次回訪。Carmen大讚餐廳環境好靚：「Amante餐廳好出名，環境靚到不得了，可以喺懸崖邊望住個海食嘢」。
Carmen非常喜歡吃紅蝦：「紅蝦唔係度度都有很食，我哋兩個人每人食咗2隻，每隻45歐（約港幣413元），人生食過最大隻嘅紅蝦，有手掌咁大隻，蝦膏多到有成2匙羹，好新鮮」。
Carmen一共叫了3道菜：「西班牙燒紅蝦、燒帶子和海鮮飯，3款菜式都好食，但紅蝦太出色，將其餘兩個菜比下去」。
Ibiza Amante環境
Carmen分享到餐廳分為3層：「座位先到先得，最好早5至10分鐘到，建議揀返有瓦遮頭嘅位置，海灘座位係直曬，熱到不得了」。
Carmen和她同行的朋友都大讚環境舒服，好多打卡位：「由下午1點坐到4點，一路望住個海，同朋友傾下偈，飲下酒咁就過咗一個下午，可能退休嘅生活就係咁」！
Ibiza美食｜02 比法國海景餐廳更美的Es Boldado
Es Boldado是一間位於懸崖上的米芝蓮推薦餐廳，Carmen讚海景好靚，看到著名的 Es Vedrà 岩石，非常值得一去：「入去Es Boldado嘅路好顛簸，但落車就覺得好震撼，甚至用相機都影唔出，一定要親身嚟睇下。」
Carmen點了3道菜，認為最係好食蜆：「係用清湯煮嘅，好好味」； 地中海蝦：「蝦味濃到不得了，有啲太濃味，都係鍾意食紅蝦多啲」；魚蝦飯海鮮焗飯：「蝦食到唔係最新鮮，但魚肉好嫩口，整體都係偏咸，但都好食」。
Carmen認為餐廳位置偏僻，出入不方便，連Call車都難：「附近唔係市中心，去程坐的士大約用了33歐（約港幣299元）。回程冇車返去，餐廳唔太願意幫手Call車，淨係畀咗個電話號碼我哋，最後我哋Call Uber要等20分鐘先有車，車費畀咗50歐（約港幣453元）。
整體來說，Es Boldado不是一間打卡的餐廳，比起Amante相對普通。
Ibiza美食｜03 有心思製作食物的Salvia Restaurant
Salvia Restaurant是位於Ibiza中部的餐廳，沒有海景，但有田園景。Carmen今次再次到訪：「呢度畀到人一種世外桃園嘅感覺，好寧靜，同出面嘅Ibiza差天共地。去Party嗰幾日上午嚟呢度休息下，成個人都好舒服」。
餐廳盡量使用由Ibiza的農夫的生產的食材，或者是西班牙本土原材料。Triple Fries ：「炸咗3次嘅薯條，食落好鬆軟，好難得有啲美式嘢食下」。
鮮忌廉芝士：「是餐廳新鮮製作，好食到不得了。可惜我乳糖不耐症就食唔到好多，淨係可以望住朋友食。而前菜Olive都係餐廳自家釀製，係食得出好新鮮」。
Carmen讚餐廳在食物上花了很多心思，以烤茄子為例：「將茄子做到有唔同味，有果實嘅甜味、煙燻嘅咸味、芝士味等，好食嘅」。
Carmen指上次4月日落時份到訪時天氣好舒服，今次5月的下午時份到訪，她認為實在太熱，好辛苦，加上中部地區沒有海風，所以又熱又焗。
Ibiza美食｜04 「Chill-out Music」的起源Café del Mar
Café del Mar餐廳環境普通，食物不是特別出眾，但Carmen對這一間Café del Mar情有獨鐘，事關她非常喜歡「Chill-out Music」，聽起來像慢版的電子音樂，而這間餐廳正正就是「Chill-out Music」的起源。
回想到Carmen第一次到訪時，她指：「聽咗咁多年呢種音樂，一直都知道有呢間餐廳。當真正入到去有種童年夢想成真嘅感覺，唔知30歲以上嘅人會唔會有同感」。
此外，Café del Mar是全世界其中一個可以看到極美日落的地方，Carmen指看完美日落全靠運氣：「好可惜兩次都有啲煙霞，差少少睇到水平線日落㗎啦」。
「Chill-out Music」有長久歷史，連平日都座無虛席，但Carmen認為這裡的食物真的一般，每位設有最低消費，價錢為65歐（約港幣599元）起。
