西班牙Ushuaïa Ibiza Beach Hotel
喜歡電子音樂的Carmen上星期分享了去西班牙Ushuaia Ibiza音樂節的體驗。Carmen為了玩得更舒服就預訂了Ushuaïa Ibiza Beach Hotel的露台套房，5晚房價合共$96,023起，平均每晚$19,204起。
Carmen入住的是Stage View套房，房價已包音樂節門票，Carmen指出房間的好處：「呢間VIP房可以喺露台望落去Stage睇到DJ，唔使同人逼，口渴即刻有酒飲，去廁所又可以去返房嘅廁所，跳到熱又可以返房涼冷氣」。
Carmen認為房間不算好：「間酒店本身又舊又殘，亦都冇服務可言，冰桶要50歐，空杯都要50歐（約港幣460元），等咗1個鐘都未有，要落去嘈交先有。住咗5晚房入面嘅牙膏、咖啡、水都冇自動Fill過」。
Pool Party收費為350歐（約港幣3,223元）一日，Carmen指：「我哋去到時候已經4pm，音樂節又5pm開始，所以我哋就冇去到啦，如果攤足一日我都覺得值得比」。
酒店對出有一個沙灘，Carmen指：「鋪咗白色毛巾嘅沙灘凳就要畀錢嘅，無鋪毛巾就免費。太陽曬住底下好熱，其實唔係太舒服，房入面嘅露台仲爽，所以都冇享用到呢個設施啦」。
房價已包5日早餐，重點是早餐時間都有人打碟，Carmen指：「早餐就一般正路嘅自助餐，最特別係每朝都有DJ打碟，有住客著埋Bikini、特別服飾跳舞，一邊飲住Sparkling Wine同Sparkling Rosé，氣氛幾好」。
Carmen分享提早Check-in可以揀房：「第1間房嘅露台有條柱擋住，好在我哋早Check-in可以換過間，視覺上好咗好多。加上5點至8點係日落，對面屋住客因為西斜曬到出唔到去跳舞好慘！我哋就好好彩間房係有陰頂」。
Carmen評論酒店的服務非常差：「機場接送服務，接都正正常常，但送去機場10分鐘以內的車程都可以遲到，我Book咗13:15，要13:40先可以出發」、「Check-in之後行李咗等咗45分鐘先送到上嚟」。
在 Instagram 查看這則貼文新假期 Weekend Weekly（@weekendweekly）分享的貼文
