飛機遇奇葩行為 全程啞忍事後後悔
近日，就有一名香港女生在Threads發文表示「我竟然全程機都冇出過聲 而家落機諗返好後悔 我頭先到底做緊啲咩」圖片中見到將腳板放到自己座位範圍內，仲要事主的身體非常貼近。帖文一出，隨即引發大量網民熱議，紛紛質疑樓主的「超強忍耐力」，更有不少人直言「你自己做完懦夫而家仲要post出嚟激我哋」。
網民反應激烈 忍讓變縱容？
不少網民留言狠批樓主太過忍讓，認為這種情況應該即時出聲或通知空姐處理，「你隔離條友癲啫，你仲癲過佢」、「撳鐘叫空姐處理就得，洗乜自己開口」。亦有人指出，過度包容只會助長不文明行為，「壞人就係俾你呢的懦夫縱容出嚟！」、「你包容到係個人修養，但係恐怕會助長佢嘅行為…」、「除非呢隻腳板底係屬於許光漢或車銀優 唔係我諗唔到任何原因唔出聲」、「正常人未影相就已經x到佢上天花，樓主你對唔對得住自己+雙親？」。但同時，也有網民理解樓主當下可能因為震驚或不知所措而選擇沉默，提醒大家「記住，下次要試下出聲阿～」。
下次遇到點做？網民建議勇於表達
不少網民建議，若再遇到類似情況，應該即時出聲或通知空姐，既可保障自身權益，亦能維護機艙秩序。亦有網民以幽默方式回應，建議「唔介意可以直接奶佢腳板底，然後話好香，佢包保縮度有咁遠得咁遠」，反映大家對不文明行為的零容忍態度。下次搭飛機遇到奇葩行為，你又會選擇勇敢出聲，定係繼續啞忍？
在 Threads 查看
