JetBlue Mint商務艙評價目錄
回到目錄
JetBlue Mint商務艙評價！
經常要來回巴黎及杜拜的法國人人妻Carmen，喜歡和老公一起乘坐不同航空公司的頭等艙和商務艙。今次Carmen講到JetBlue Mint商務艙由三蒲市飛往紐約的乘坐體驗，她認為JetBlue Mint是一個非常型格、年輕的機艙！想知道更多詳細分享記住Follow埋 IG @frenchwifeindubai同GOtrip的Facebook及IG啦！
回到目錄
JetBlue Mint商務艙評價｜機艙走型格路線
JetBlue 在 2025 年獲得 J.D. Power 北美航空公司顧客滿意度調查「頭等／商務艙」類別第一名，成為同級別的最佳航空公司。 Carmen由三蒲市飛往紐約，乘坐 A321的Mint商務艙（B6 816），每個座位均配備 10.1 吋觸控螢幕，座椅躺平後長達203 cm，寬度達到57 cm。
Carmen問了美國朋友的意見，所有人都推薦坐「JetBlue」的商務艙。Carmen大讚：「枱面空間非常之大，居然可以喺度開晒個篋，連上次坐嘅Q-Suite都唔可以開晒，要去到阿聯酋頭等艙先開到。」
今次Carmen在一翻努力之下，終於坐到單人位：「座位分布是1-2，由於飛行時間約6小時，我唔想同其他人瞓。最重要係單人位有道門，成個飛行體驗私隱度大大增加」。
回到目錄
JetBlue Mint商務艙評價｜飛機餐+服務
由於是紅眼機，飛行中途只想瞓教，所以沒有食到晚上的飛機餐。至到準備降落時，空中服務員中都為她準備了一份外賣的飛機餐，好讓Carmen落機就有早餐食了：「入面有香蕉蛋糕同橙汁，用個紙袋包到靚靚仔仔，呢個舉動好貼心」。
JetBlue Mint 與紐約時尚運動包品牌 Caraa 合作，推出全新設計的過夜包，來自紐約品牌 Dr. Dennis Gross 的護膚品，有牙刷、牙膏、漱口水、眼罩、耳塞、襪子、眼罩等。
回到目錄
JetBlue Mint商務艙評價｜整體評價
Carmen上到飛機第一印象就覺得好型：「未坐過啲咁型嘅Business Class，機艙設計、飛機餐Menu，連瞓教嘅毛毯都3種不同的方法，畀人一種走年輕人嘅型格路線」。
Carmen亦都分享到買機票的小貼士，使用 Google Flights，搜索想要追蹤的航班，並開啟追蹤按鈕：「原本呢班機要10,000港幣，Set咗Alert見到平咗3,000港幣，即刻入手，平咗3成！」
更多航空商務艙開箱：
阿聯酋航空商務艙｜Emirates A380雙層空中巴士 $17,086起直飛杜拜
卡塔爾航空商務艙Q-Suite評價！飛16小時$32,560 座位/飛機餐/服務/貴賓室
