一家四口首排獲沙田新翠邨 小朋友見1幕嚇到驚呆
該名港男在Facebook群組「香港公營房屋討論區」發文，表示其一家四口輪候公屋達9年，最近終於第一次獲批沙田大圍新翠邨的一個井字型4人單位，然而實地視察過後，發現相關單位正進行翻新工程，而且其小朋友對環境莫名地感到害怕，加上另一半亦對單位感到不滿意，故對接受編配稍微感到卻步。他解釋，主要問題是小朋友的反應，特別是他們見到井字型樓而感到害怕：
「佢哋望落井字形樓覺得驚，所以我仲15、16緊。」
為此，樓主發文問網民「要唔要好？新翠好住嗎？」、「附近好似唔多覺有街市？如果去附近街市最近要行幾耐左右？新翠都成40幾年樓齡，其實會唔會重建之類？想大家畀啲意見我再考慮一下，唔該！」
有網民支持接受 亦有人建議慎重考慮
支持接受編配，認為新翠邨位置及配套優越
不少網民認為新翠邨位於大圍，交通便利、配套齊全，適合家庭居住，建議樓主接受編配：「其實只要唔係問題單位真心可以考慮！大圍去邊都超方便！最重要有得住就好感恩啦！」、「好住，租平，交通方便，正嘢」、「大圍簡直正啦！有小朋友就校網好」、「新翠是舊些，間隔好用，自己整靚咪得」、「大圍十分好住，我剛剛搬入1年，交通超方便去邊都得，街市有兩個隆亨街市，大圍街市，隆亨有惠康，新翠有百佳，再唔係就去圍方都有超市」。
建議審慎考慮家人感受，可嘗試博第二派
部分網民認為若家人（特別是另一半或小朋友）對單位環境有顧慮，應與家人充分商量，甚至考慮放棄今次編配，博取下一次機會：「地方好好呀，但另一半同小朋友唔喜歡，真係要諗一諗，因為長住㗎，冇謂多咗條刺」、「要同另一半好好商量」、「我自己都有小朋友，唔會要井，除非3次都⋯⋯我會博第二派」、「井字形望落去真係好驚」
