港人荷蘭重遇「珍寶海鮮舫」 唏噓著名地標移民
近日，有港人在Threads發文表示在荷蘭阿姆斯特丹時，見到一架與「珍寶海鮮舫」非常相似的船隻：「係阿姆斯特丹坐觀光船，聽到佢講香港，以為聽錯，點知竟然係荷蘭見返「珍寶海鮮舫」。 呢間外國人都去，做咗地標，係當地中菜天花板。」
這艘停泊在阿姆斯特丹運河的三層高船隻，裝潢同樣以中國宮廷風格設計，最初提供中印混合菜式，後來轉型為正宗粵菜餐廳，主打點心、片皮鴨和川菜，更被當地人譽為「中菜天花板」。有港人親身到訪後表示：「外國人都去，做咗地標，喺當地中菜天花板」
在 Threads 查看
網民反應兩極「珍寶都移民」VS「幾多本地人有去過？」
帖文一出，觸動無數港人神經，有人自嘲：「要睇真香港，要去外國睇，都幾唏噓。」更有網民苦笑道：「珍寶都移民。」甚至有港人分享在參加參觀時知道導遊嘲笑：「上次boat tour個導遊寸嘴，話『you guys let yours sank, we kept trying to make it float』（你們任憑自己的（船）沉沒，而我們始終努力讓它浮著）」
不過亦有網民認為「珍寶海鮮舫」事件與生活模式改變有關，是難以預料以及阻止：「香港珍寶就係做唔住先收皮，其實幾多本地人有去過？唔好成日咁膚淺講咩香港留唔住。」、「根本就係整個生活模式轉變，連一般大型酒樓都越來越少…叫外買就越來越多，而家有幾可一家人星期日朝排隊攞位飲茶？」、「沙田都有一間類似既假船 請問你去過幾次多？然後第日到做唔住拆左又係度叫囂，問點解香港唔支持自己本土特色」、「其實都唔關短唔短視問題…係各樣野加埋成本太高做唔住..」
「海鮮舫六姊妹」不同命運
位於荷蘭的「海上皇宮」與「珍寶海鮮舫」有關係，屬於「海鮮舫六姊妹」之一，以下是其他船隻的去向：
- 「海上皇宮」（荷蘭）：1984年落戶阿姆斯特丹，至今仍營運，成為歐洲首間海上中餐廳。
- 「珍寶海鮮舫」（香港）：2022年拖離香港後沉沒。
- 「海角皇宮」：早年離開香港，先後「定居」菲律賓及青島。
- 「沙田畫舫」：1984年停業，後遷至中山，最終因失修沉沒。
- 「敦煌畫舫」：現改名為「會所一號水中天」。
- 「太白海鮮舫」：1950年建成，計劃於2026年重開，料成為香港仔旅遊新亮點。
