港女擁5層樓蝕過千萬　變負資產仍食千蚊1餐飯　真身曝光自認係「飯局妹」

Now新聞台時事節目《經緯線》的專題報道《再見負資產》，最近一個訪問報導引起網民討論，事關近日32歲的港女Charlene在節目中大呻變成負資產後，一餐飯使費由2、3,000蚊降到800至1,000蚊，她這番說話被網民轟離地，隨後網民更發現她曾先後上過喱騷《港女又萬歲》及ViuTV《戀講嘢》，自爆係「飯局妹」！

「飯局妹」Charlene 狂呻冇錢開飯：嗰陣我係日日喊

現年32歲的Charlene曾在不到30歲時在深圳、澳門及香港擁有5層物業，其中香港單位供款4年後仍欠銀行700多萬元，但單位估價已跌至不足700萬元，帳面損失高達上千萬元，她形容自己10年努力「一鋪清袋」。Charlene坦言去年上半年財務狀況最差時，銀行戶口僅剩5,000至6,000元，令她的生活質素大幅下降，她大呻：「我冇錢開飯，但我又唔可以負資產咁樣放，因為我要賠錢畀銀行，嗰陣我係日日喊囉，其實都唔知點搞！」

Charlene指最難捱時是上年收入大減，但每月仍要為5層樓供款合共約6萬元，需要她從積蓄中拿出3、4萬元供樓。但Charlene仍舊維持著高消費的生活方式，她在節目中表示：「我之前食開一餐就2、3千嘅，但依家有時就變咗食lunch囉，可能800至1,000蚊咁樣囉！或者甚至喺屋企食，跟住以前買開啲MS、LV呀，即係依家可能買啲幾百、1,000蚊嗰啲包包。」這些遠超一般市民消費水平的行為，引來了網民的廣泛討論，不少人質疑她的消費觀念「離地」。

飯局妹 Charlene近日上NowTV接受訪問。（圖片來源：Now新聞台） — Charlene近日上NowTV接受訪問。（圖片來源：Now新聞台）

飯局妹大呻冇錢開飯，要日日喊。（圖片來源：Now新聞台） — 大呻冇錢開飯，要日日喊。（圖片來源：Now新聞台）

飯局妹去年上半年財務狀況最差時，銀行戶口僅剩5,000至6,000元。（圖片來源：Now新聞台） — 去年上半年財務狀況最差時，銀行戶口僅剩5,000至6,000元。（圖片來源：Now新聞台）

飯局妹形容自己10年努力「一鋪清袋」。（圖片來源：Now新聞台） — 形容自己10年努力「一鋪清袋」。（圖片來源：Now新聞台）

負資產仍食千蚊1餐飯網民狂鬧「離地」

有網民留言表示難以理解如何能「餐餐食3,000元」，認為即使打折計算，她一個月飲食開支仍高達15萬元，遠超常人想像。有人感嘆自己花80元吃飯已覺得貴，甚至有人每天飲食預算僅限60元，與Charlene的生活方式形成強烈對比。網民紛紛表示，即使Charlene身陷負資產，她的飲食開支仍比一般人奢華，令人「匪夷所思」。有留言嘲諷她「戶口得幾千蚊仲食1,000元一餐」，質疑其財務真實性，甚至認為她言論誇張，「唔使認真」。

不過，亦有網民為Charlene辯護，指高級餐廳一餐連酒水消費過千並不罕見，並非難以想像的開支。有人分享自己平日在家簡單飲食，但出外或旅行時會追求高質餐飲，認為Charlene可能只是講述外出用餐的預算，而非每餐如此。另有意見認為，Charlene在負資產困境下仍保持樂觀態度，甚至找到財路，展現一定韌性，毋須過分苛責。

飯局妹網民認出Charlene曾上喱騷節目。（圖片來源：Threads） — 網民認出Charlene曾上喱騷節目。（圖片來源：Threads）

飯局妹仲有網民翻出去年Charlene曾出po講述變負資產的經過。（圖片來源：Threads） — 仲有網民翻出去年Charlene曾出po講述變負資產的經過。（圖片來源：Threads）

Charlene寸爆反擊網民：$2,000唔係高級餐廳囉！

對於網民的批評，Charlene選擇連環出po反擊，她先是在限時動態貼出與朋友的對話，當中其友人提到兩個人食一餐日本料理，埋單要5,000至6,000元，Charlene藉此寸爆網民：「我想講依家食$2,000唔係高級餐廳囉！」之後她再以文字解釋：「我覺得中產以上嘅單身人士，應該唔敢喺網上post日常生活，其實我想講，我就算今日去啲要$2,000以上嘅餐廳，都坐到差唔多滿。」有網民問她點解唔食譚仔慳錢？Charlene就回答：「因為喺屋企食唔使錢！」意指除了去食千蚊1餐飯，她都是在屋企食。

飯局妹 Charlene寸爆反擊網民。（圖片來源：IG@charlene_tsang2024） — Charlene寸爆反擊網民。（圖片來源：IG@charlene_tsang2024）

飯局妹又指2,000蚊一餐的餐廳好多人都食得起。（圖片來源：IG@charlene_tsang2024） — 又指2,000蚊一餐的餐廳好多人都食得起。（圖片來源：IG@charlene_tsang2024）

飯局妹被網民問點解唔食譚仔慳錢？Charlene就回答：「因為喺屋企食唔使錢！」（圖片來源：Threads@charlene_tsang2024） — 被網民問點解唔食譚仔慳錢？Charlene就回答：「因為喺屋企食唔使錢！」（圖片來源：Threads@charlene_tsang2024）

飯局妹 Charlene在節目中亦有講到會為慳錢而留在家中食飯。（圖片來源：Now新聞台） — Charlene在節目中亦有講到會為慳錢而留在家中食飯。（圖片來源：Now新聞台）

飯局妹（圖片來源：IG@charlene_tsang2024） — （圖片來源：IG@charlene_tsang2024）

曾上《戀講嘢》自認係「飯局妹」爆「摸胸費」高達10萬

現年32歲的港女Charlene中文名曾上游，理工大學護理系畢業，做過護士、私影妹，又拍過《通山之戀》、《軍營之旅》、《月光光，心慌慌》等內地網絡電影，自言早在25歲時已持有內地和澳門5個物業，2019她更在元朗置業。她又曾在訪問中講到自己試過收費10萬進行不道德交易，但表示以後不會再接受。2023年尾她上ViuTV《戀講嘢》公開自認係「飯局妹」，指每次食飯都收4千蚊，「摸胸費」更高達10萬，引起網民熱議。早年她更上過《晩吹-啪啪Partner》做嘉賓，分享夜蒲交友攻略。

飯局妹 Charlene上《戀講嘢》指每次「胸襲收費」高達10萬。（圖片來源：ViuTV） — Charlene上《戀講嘢》指每次「胸襲收費」高達10萬。（圖片來源：ViuTV）

飯局妹節目中Charlene指自己早已置業。（圖片來源：ViuTV） — 節目中Charlene指自己早已置業。（圖片來源：ViuTV）

上《港女又萬歲》爆有《愛回家》小花做飯局妹

Charlene早前又曾為田蕊妮主持的網台節目《港女又萬歲》做嘉賓，大爆有位《愛回家》女藝人都有做「飯局妹」！原來Charlene除了自己做「飯局妹」，仲做埋「中介」拉攏飯局，她在IG就自稱「紅娘」，表示自己有「7年紅娘經驗，幫男人搵女朋友，大量成功case」，今次在《港女又萬歲》中，她透露旗下「飯局妹」中，有KOL、入過港姐初選，甚至有幾個「上過新聞啲落選港姐」，更大爆有一位比較紅的「飯局妹」，係《愛回家》女藝人！

Charlene形容該位女藝人曾入到港姐決賽，上過電視8點檔，當田蕊妮問「八點檔」是否指處境喜劇《愛XX》時，Charlene即回答：「係呀！」引起網民狂估係邊位《愛回家》女藝人。