《無制限探險隊》大結局 小隊勇闖非洲地獄之門
為期40日的非洲之旅即將結束，貫徹喜歡自討苦吃的原則，節目組一行人找到了地球上最炎熱的地方，並以非洲最活躍的熔岩湖為目標，而這亦是節目隊最後一次探險，因此他們去到了爾塔阿雷火山看熔岩湖捕獲最後一次黃金畫面的機會！
整個旅程剛剛開始兩小時，節目組已經面對難題，44度的超高溫天氣令大家汗流浹背，不過他們還需要搭多6個小時才到達目的地，此時導遊Mickey表示沒有人會選擇七、八月來這裏，即使是當地人在此時亦會搬離一段時間，值得一提是，節目組此行正是7月出發，被問到是否非常愚蠢的行為時，Mickey表示：「都唔錯啊！當係嚟呢度體驗吓囉！挑戰下大自然都幾好啊！」
44度超高溫 連攝影機都頂不住
由於這次地獄之門的旅程為期三日，所以出發前他們已經買定未來三天份量的水，儘管大家出發前做好準備，旅程中途大家停下來休息吃午餐，不過大家仍然熱到神情呆滯，沒有胃口吃飯，就連攝影機亦支撐不了自動關機。隨後，他們到達了達洛爾火山附近，是地球上低海拔的地方之一，他們在這裏需要走上二到三個小時才能到達目的地，這裏沒有太多的潛在威脅，大家唯一需要注意的是補充水份，以免中暑。
大結局居然沒有「黃金畫面」 Mike導：我個腦一片空白
看完硫磺後，大家就要出發去德爾塔阿雷火山看熔岩湖，當晚他們需要野外露宿幕天席地休息，不過大家仍然非常開心，繼續打打鬧鬧。翌日下晝五點，終於抵達達爾塔阿雷火山山腳，不過大家成功抵達後卻發現「湖面」灰黑色一片，原來所有的熔岩都已經乾透了，沒有出現想像中的畫面，於是他們只好繼續深入熔岩湖。
去到新出現的爆發點，不過由於安全問題，地獄之門附近的區域被封鎖，因此大家不能近距離觀看，只好透過航拍拍攝相關影像，正當大家滿懷希望期望看到壯觀的風景時，卻發現所有熔岩都已經乾涸，為此Mike表示自己的腦袋一片空白：「我仲諗住呢個冇理由拍唔到，點知連呢個都冇，我預咗呢個節目會失敗，但係呢個唔係大結局囉，因為每一個節目嘅結尾都非常重要。我好想拍一個紅色熔岩底，大家喺度狂奔嘅畫面⋯⋯我真係唔係想俾呢啲嘢觀眾睇，真係失敗。」而節目的最後，都沒有出現黃金畫面，就連「人造的黃金畫面」都沒有，如此反高潮的結局殺所有人一個措手不及，
拍攝結束，生活繼續！闖非洲地獄之門睇活火山
而最後他們去到了一望無際的鹽湖，拍攝了Mike導一直念念不忘的念頭，大家在湖面上狂奔，就這樣節目迎來大結局，不過生活當然要繼續，而這次的旅程中大家有着不同感悟。
Bryan：你問我探險係乜，探險係做一啲我未做過嘅嘢。
Ray：「險」係調味料，「探」先係個核心同態度。
咖喱：如果我唔去探索一啲我唔知嘅嘢，我永遠睇到嘅嘢就係得咁多。
程人富：當我做啲蠢嘅嘢，係需要勇氣⋯⋯我覺得我係多咗呢一方面嘅勇氣。
Rain P：令我唔會停留喺原地，探險對我來講係改變嘅時刻。
杰仔：探險對我來講係一班人去做一件事。 Agent L：每件事都似係一張即影即有相，拍嘅時候呢睇唔到、冇feel，但張相擺耐咗，你睇返嘅時候，就會好有感覺。
Calvin：其實人生只要去做一次（探險），就會好精彩。
Siu Fan：我覺得探險隊唔一定要有一個結果，其實真係在乎個過程。
Marco：呢個團隊就係（呢個trip我搵到嘅寶藏） 琛：其實我係鍾意試新嘢嘅，再睇吓呢個世界，試唔同嘅嘢。
火煒：一個人可以做得好好，但一班人可以做得更好，行得更遠。
Mike：點樣向觀眾呈現好睇嘅失敗，我覺得我哋係拿手嘅。但我唔想再講「努力係白費，辛苦係值得，點都會有得着嘅。」我唔想再講呢個故仔啦，反而想講一個慘啲嘅ending，就係可能我哋有時付出咗好多嘢，但結果係冇就係冇。
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖） 
（圖片來源：《無制限探險隊》節目截圖）
網民依依不捨：係2023年最正綜藝！
拍攝結束後，大家都有着不同的人生方向發展，有人剪掉多年的長髮捐給癌症基金、有人選擇繼續探索世界、有人選擇到不同電視台累積經驗、有人即將移民、有人與女友結婚邁入人生新階段等等。而一班網民為節目的結局高呼不捨：「係2023年最正綜藝！」、「完全無諗過係免費電視台可以睇到國家地理頻道質素既節目」、「漂亮的失敗」、「有機會大家下一套再見」、「努力辛苦最後乜嘢結果都冇，但係人生就係咁」、「呢個節目真係有今生冇來世，唔知道大家仲有冇機會再聚」。