深圳洗牙丨香港牙醫食水深？網民讚深圳睇牙平靚正：上去洗牙先50蚊！
近日，有網民認為香港牙醫收費高昂，於是在討論區中貼出電話截圖，當中見到樓主選擇了「全口超聲波潔牙／洗牙+拋光套餐」，原價378元人民幣（約408港元），不過享有團購優惠即減280元人民幣（約305港元），以及59元人民幣（約64港元）的優惠，最後折實39元人民幣（約42港元），事主又形容：「睇牙去深圳睇好過，香港呃錢又難book，上次上去洗牙先50蚊，華強北嗰邊用美團買團購，再喺app預約埋，真係每隻洗，再拋光，唔似香港咁快快手洗兩下算。」與香港牙醫對比下，深圳的牙醫有3大優勢，分別是價錢便宜、容易預約以及手勢令事主非常滿意，因此事主他直指「香港牙醫食水深！」
深圳洗牙丨網民擔心有風險：中咗肝炎嗰啲唔好問點解
網民都非常認同深圳睇牙收費確實低廉，不過就擔心有風險問題，又留言表示：「係真好平！但出事搵邊個，專業嘅意義從來係講後果嘅承擔」、「洗牙包埋剝牙」、「我朋友翻大陸開刀智慧齒，2000痛足成個月，我喺香港整8000冇痛過，一星期後可以拆線，都唔明啲人翻大陸做手術都夠膽死嘅」、「工具未百份百清潔消毒好易感染 ，一年先幾百蚊，無謂博啦！」、「中咗肝炎嗰啲唔好問點解」。
