一提到夏威夷，好多人都會聯想到菠蘿，無錯，夏威夷係全球菠蘿產量最高嘅地方，當中最出名嘅就係一間叫Dole嘅生果罐頭公司，而Dole喺夏威夷有一個面積龐大嘅種植場，裡面除咗菠蘿田外，亦有好似主題公園式嘅菠蘿小火車、菠蘿迷宮等等（順帶一提，該迷宮係全球最大的迷宮），成為遊客去夏威夷必到嘅遊覽點之一。

其實種植園裡面有多種以菠蘿為主嘅食物出售，不過多數人都會買佢最出名嘅Dole Whip菠蘿雪糕。

Dole Whip菠蘿軟雪糕最特別之處係，除咗雪糕用新鮮菠蘿制成之外，周圍亦鋪滿新鮮菠蘿粒，新鮮菠蘿味道清甜，同一般市面上的「菠蘿味」雪糕絕對無得相比。

順帶一提，呢款Dole Whip菠蘿軟雪糕除咗喺夏威夷嘅Dole種植園食到之外，就只有迪士尼樂園先有得賣，當然喺迪士尼食到嘅，唔會夠喺夏威夷食咁新鮮啦。

食完仲可以買個新鮮菠蘿作手信添!

食完菠蘿雪糕就扮吓菠蘿影相啦!

下一頁： 夏威夷人最愛：午餐肉壽司