地獄返工地點｜05. 數碼港
數碼港亦是其中一個地獄返工地點，有網民指「冇啖好食」，相信是餐廳較少，所以打工仔沒甚麼可以選擇。網民認為如果在數碼港七點後放工，1小時內根本無法出市區。
地獄返工地點｜04.機場
因為地點偏遠，所以機場都被網民點名，認為在機場工作車錢貴、餐廳選擇少。而在該區工作的人大呻：「尤其要機底做嘢，夏天應該有50度，又熱又污糟。」有網民稱做機場三跑更誇張，指如果走了一班船便不用上班或返屋企。
地獄返工地點｜03. 大埔工業邨 & 將軍澳工業邨
有網民指大埔本身已經唔就腳，而大埔工業邨是一個唔就腳的偏遠地區。因為無地鐵接駁，巴士小、小巴班次疏，放飯亦無啖好食，想食好啲就要行20分鐘落富善先有好嘢食，非常之唔就腳，難怪曾被網民稱是「狗也不X的返工地點」。
而將軍澳工業邨亦被指是孤島，與世隔絕，網民表示在將軍澳工業邨上下班一定要靠公司接駁巴士，交通不方便。而且近垃圾堆填區、經常有臭味傳出，同樣是無啖好食，方圓十里都無餐廳，只得員工飯堂，如果想食好少少便要行到日出康城，但都要行15至20分鐘。
最地獄返工地點｜02. 金鐘
有網民提出金鐘是其中一個上榜返工地點，因為該區餐廳少但價錢相對較貴，所以在午膳時間相當難找位置。而在收工時坐港鐵過海回家，通常都上不到車，因為車廂在中環已經爆滿。
之後有人回應：「金鐘真係要帶飯，搭鐵都有排等上車」、「金鐘真係好貴，百幾蚊唔好食仲無嘢飲，pp好少少，坐低食閒閒哋都二三百」。
最地獄返工地點｜01. 觀塘
今次發帖的網民指，自己認為觀塘是最地獄返工地點，而「觀塘真係敢認第二，無人敢認第一」！他認為觀塘人多車多，在上下班時塞車問題十分嚴重，住遠一點的打工仔每天都要用上3至4小時來回。另外，網民指觀塘環境差，空氣質素亦不好，他更以「烏煙瘴氣」4字來形容觀塘。有人指一到下班時間觀塘區的打工仔就好似上演真人版的「大遷徙」，人流超密集。
文章最後得到3,000多人認同，更有人回應指：「觀塘夏天簡直想死。公司以前喺尖沙咀，一入職都幾開心，起碼環境都唔錯，收工飲下嘢都得。觀塘收工塞車返到屋企已經9點」、「80年代工廠區配套，棟棟樓都幾十層人返工，你話點樣唔爆」。更有人大呻，觀塘港鐵站下面的迴旋處經常塞車，主要幹道又常常撞車，真的十分麻煩。
除了這些，大家又認為還有甚麼地方是最地獄返工地點？