元朗生蠔放題｜B-Mix 3小時任食生蠔！任食海蝦/翡翠螺+自選4大主菜

【元朗生蠔放題】平時去蠔吧食得多，要就住荷包，食半打就要收手。想食到滿載而歸，就要來到最近大熱的元朗生蠔放題，只需一個價錢，可以放肆任食生蠔，以及各式凍海鮮冷盤，另外可以自選燒春雞、厚切豬扒等4款主菜，食完一定飽到捧腹而回！

撰文：CY｜圖片來源：B-Mix Live Music Station & Restaurant

元朗生蠔放題｜3小時任食生蠔！任食海蝦/翡翠螺+自選4大主菜

這間元朗生蠔放題位於元朗的B-Mix Live Music Station & Restaurant，最近推出3小時放題，定價$398就可以任食即開生蠔、翡翠螺及凍蝦共3款冷盤，另外有4款主菜任君選擇，另包餐湯，相當豐富！

今期生蠔主打愛爾蘭和西班牙生蠔，前者肉質爽口甘甜，後者肉質肥厚、海水味濃，每一隻都相當肥大，單吃生蠔相信已經夠回本！

另外元朗放題任食生蠔之外，亦會提供主菜及餐湯。食客可以在磯燒牛柳粒、岩鹽燒厚切豬扒、香草燒春雞及黑松露巴馬火腿意粉，共4款主菜中自選一款，重點推介香草燒春雞，放入焗爐烤至9成熟，肉質鮮嫩多肉汁。