鄰近地區都經常有大叔大媽因為天氣唔好又或者係空管引致大規模延誤而佔領飛機,唔願意落機嘅新聞,然後就會唱國歌振奮下人心鼓勵下自己。不過最近發生咗單幾莫名其妙嘅事,有一個女乘客唔肯落機,個原因都幾無聊。

由香港飛去曼谷嘅航班上面,派餐去到呢位美籍嘅女士嘅時候。

我:「早晨,想飲咖啡、熱茶 或者 果汁?」

女士:「可樂加冰。」

我:「車上面冇可樂,麻煩稍等一陣,我要叫同事攞畀你。」

好啦!同事返廚房攞咗畀佢,一切都好正常,到收餐都冇乜異樣,再問佢要唔要咖啡熱茶或者加可樂,佢都話唔需要。

有時會撞到乘客一啲莫名其妙嘅原因。
有時會撞到乘客一啲莫名其妙嘅原因。

直到降落前三十分鐘,因為曼谷附近上空天氣太差,安全帶燈號著咗,而我哋公司嘅安全規例係唔可以提供熱飲,呢個時候……

女士:「我要杯齋啡。」

我:「因為安全帶燈號著咗,我哋唔可以提供熱飲,轉頭降落前如果熄咗,我攞畀你吖!」

安全帶燈號著咗,就唔可以提供熱飲。
安全帶燈號著咗,就唔可以提供熱飲。

女士:「點解唔可以?邊個話唔得?咩規矩?」

我:「係我哋公司嘅規矩,因為怕會倒瀉熱飲淥到乘客。」

安全條例係保障乘客同機組人員,唔係為咗同你作對。
安全條例係保障乘客同機組人員,唔係為咗同你作對。

最後天氣太差,到降落前都冇熄過安全帶燈號,到所有乘客落晒機,就剩係得番呢位女士坐咗喺位上唔肯走,佢嘅原因就係因為成程機一啖咖啡都冇飲到。

慶幸有幾位同事都聽到我哋派餐收餐都有問過乘客飲唔飲咖啡熱茶,只係喺呢個女士想要嘅時候畀唔到佢,基本上佢冇理由投訴到我哋失職。

乘客唔肯落機個理由都可以好奇怪。
乘客唔肯落機個理由都可以好奇怪。

最後我哋斟咗杯熱齋啡畀佢,佢先肯落機。我只能講,安全條例係用嚟保障乘客同機組人員,背後係有佢嘅原因,而唔係咁得閒整啲嘢嚟同你作對。

最後有杯熱齋啡,佢先肯落機。
最後有杯熱齋啡,佢先肯落機。

做人,合理少少啦!
Be reasonable !

相關文章