【日本入境 海關】有去開日本嘅朋友都知,入境日本時,有兩張紙要填,分別係入境卡同海關申告書(黃色紙)。成功入境日本後,要帶同行李去海關檢查閘口交埋張申告書,先算係完成咗日本入境手續。兩個手續都排隊排到暈!不過日本方面準備實施簡化海關檢查手續,只需用手機+護照,就可以快速通過海關閘口!

撰文:C|資料及圖片來源:日テレNEWS24

日本入境 海關檢查手續簡化

入境日本時,須進行嘅海關申告手續,以後可以用智能手機,經「電子申告閘口」自己過關喇!首先試行嘅係東京成田國際機場第3航廈,預定於4月15日起開始運行。

「電子申告閘口」

「電子申告閘口」用法

訪日外國人或日本國民,均可事前於手機app裡輸入資料,然後到機場內設置嘅專用機器,放上護照及手機上顯示嘅QR code讀入資料,就可以通過「電子申告閘口」完成日本入境手續。新嘅自助申告系統實行後,預計本來1人平均需時30~40秒嘅通關時間,可縮短至5~6秒。

步驟1:事先於專用智能手機app輸入個人資料。

步驟2:完成資料輸入後,會取得專屬QR code,並帶同護照前往機場內設置嘅專用機器。

步驟3:按指示放上手機及護照到對應位置上。

步驟4:機器上設有3個攝像鏡頭,到時請按照指示等待拍照完成。

步驟5:完成手續後,就能通過「電子申告閘口」。

新系統可由平均30~40秒的所需時間,大大縮短至5~6秒!

日本6大機場明年3月前實施

日本方面預計於東京奧運會、殘奧會舉行前,即明年3月前於羽田機場、關西國際機場等6個機場導入新系統,方便訪日遊客。而一直沿用嘅紙張印刷版都會保留續用,兩種方法並存。

明年3月前會於羽田機場、關西國際機場等6個機場導入新系統。

下一頁:【2019更新版】日本出入境限制&香港入境規定|有咩手信唔帶得返香港?