我成日都覺得,每一次用員工機票都係一場賭博,因為未到最後一刻,都唔會知道自己到底上唔上到飛機。

員工機票唔係任攞 機位冇保證!


員工機票嘅性質,大概係當所有普通乘客辦理咗check-in手續之後,如果有空位,就會畀員工check-in,而員工機票就會用年資深淺、員工本人定係家屬等等,來決定上機嘅先後次序,所以正常嚟講,你嘅年資愈深做得愈耐,你成功上到機嘅機會就愈高。

員工機票
員工機票價錢雖然吸引,但始終不及一般機票,可以肯定有機位。

起飛前先攞到登機證

最近就帶咗爸爸媽媽去日本睇櫻花,一心打算去大阪,但係點知全日去大阪嘅航班都全滿,而員工機票輪候嘅同事大部分都係比我資深,基本上係肯定冇可能去到!

地勤同事表示:「如果你哋真係想去到大阪的話,我建議你哋去東京先,然後再轉內陸機去大阪,呢個係唯一一個有希望上到機嘅機會。」

員工機票
員工想喺旺季出遊,簡直係難上加難!

聽完就即刻出咗三張去東京嘅機票再去輪候,喺知道結果前嘅五分鐘,睇到系統入面已經成功check-in,以為可以放心,點知轉個頭又再變番「候補」。最終就喺起飛前四十分鐘,登機程序開始咗嘅時候,我哋一家三口終於攞到登機證,開始狂奔入禁區。

員工機票
未到最後一刻,都唔知上唔上到機,所以旅程、酒店通常都冇辦法預早計劃。

每次都係一場賭博 隨時要改行程

有人上到亦有人會上唔到,每次用員工機票去旅行都一定要有兩手準備,特別係一啲唔係每日都有航班嘅情況,如果上唔到,就要即刻改變行程。

今次旺季去旅行挑戰成功,好似中咗jackpot一樣 !

員工機票
大時大節去旅行挑戰成功,真係好好彩㗎!

下一頁:1折機票的謎思 | 空姐: 不要再問我拿平機票了! | 員工福利

空少:每一次用員工機票都係一場賭博!

相關文章