(Presented by UNIQLO)

踏入3月,終於等到萬眾期待嘅賞櫻花季喇!大家諗定去邊度賞櫻未?如果仲未有頭緒,等我Travel佳幫大家做個環球賞櫻預測情報先!

日本國家旅遊局早前已公布咗今年嘅「櫻花開花預想」日期,最早由3月19日喺福岡市同熊本市盛開,然後自九州、四國、中國、中部4個地區,以每隔2-3日嘅速度蔓延至關東地區;而4-5月份嘅櫻花期主要集中喺東北同北海道兩大地區!另一個大熱賞櫻勝地韓國,雖然官方暫未有公布相關資料,但據往年花期預計,最早會喺3月底由濟州開始,以每隔幾日嘅速度開至釜山、大邱,最後4月初至光州、全州、大田、江陵、清州、首爾同春川!台灣同泰北都有唔少新興嘅賞櫻秘點㗎!啱晒只可以3日2夜玩快閃周末遊嘅打工仔!假如放到長假又想飛long-haul,首選梗係去美國華盛頓,參加3月 20日至4 月14日舉行嘅「國家櫻花節」(The National Cherry Blossom Festival)啦!無論日子定飛行里數,長短悉隨尊便!

話時話,依家去旅行,大家都鍾意輕裝出門,尤其北半球嘅春夏季節,更加只想帶幾件薄身衫褲加兩對襪,笠件外套就可以應付晒成個旅程!Travel佳本身都係極簡主義嘅旅友,而UNIQLO又係我每次出trip必著嘅良伴,真心覺得CP值高企!所以最近見佢哋新出咗幾款,以多功能、抗UV、輕便做賣點嘅外套,就忍唔住要同大家開心些牙。

UNIQLO
連帽外套【袋裝】系列有超多種顏色選擇,方便大家襯出各種造型。圖中綠色外套襯喺4月綻放,滿眼白色同淡紅色嘅豆櫻花前,畫面非常和諧。

山野城市賞櫻x連帽外套【袋裝】

想去首爾林、首爾兒童大公園同石村湖,坐喺櫻花樹下野餐;或者到鎮海參加餘左川星光慶典,順道欣賞束川港多媒體海上煙火騷同巡遊 ,最好梗係一身運動服或休閒便服打扮,方便活動!連帽外套【袋裝】($249)簡約易襯,只要揀啱配搭衫褲嘅顏色,絕對可以做到一件外套走天涯!而且外套非常輕身,捲後體積細小,放入附送嘅便攜袋,方便放入手袋、背囊同行李喼內,唔會對旅程造成任何負擔。要知道人在「累途」流汗時,即使一個蘋果都會突然覺得有如一擔蘋果咁重!加上女裝款式仲有埋抗UV功能,即使每日都要進行戶外活動亦冇有怕!

UNIQLO

UNIQLO
外套捲後放於便攜袋內,非常輕巧,方便隨身攜帶,名副其實pocketable。

米芝蓮晚餐必著x 抗UV外套

身處東京、大阪、京都、首爾同台北等大城市賞櫻期間,自然唔少得到當地米芝蓮餐廳大嘆美食!去高級餐廳自然要執到正,呢個時候,女生只需要一條連身黑裙,外加一件用料講究、剪裁得體嘅西裝褸,今季UNIQLO嘅抗UV外套($299)就至啱喇!而且西裝褸係用棉同嫘縈混紡而成,好有彈性,方便活動(暗號:即係可以放心肆意品味美食佳餚)!兩側口袋仲可以方便放置唇膏同房卡等小物(日本餐廳記得唔好畀小費呀)。呢件外套有齊至穩陣同最易襯嘅黑、白、灰3色選擇,而且唔似一般西裝褸咁硬身,就算放入行李箱都冇有怕啦!

UNIQLO
高級餐廳以外,如果好彩訂到日本匠人經營嘅料理店,為表尊重,都要盡量著得formal啲呀!抗UV外套就至啱喇!

至於同行男生,基本上一套semi-formal或smart casual 嘅恤衫西褲,外加一件今季新出嘅AIRism 抗UV開胸針織外套($199)已經好有型醒目。呢個look仲可以去埋畫廊、博物館呢啲比較靜態同文青嘅地方添!仲可以同一時間襯晒下面幾個賞櫻女神造型,而且兼備抗UV功能,即使去到戶外賞櫻又要同oppa睇齊,保持白滑靚樣一樣冇難度!

UNIQLO
AIRism 抗UV 開胸針織外套用SUPIMA棉質製成,絕對好似girlfriendable女神咁內外美兼備!

氣質女神戰衣x抗UV長款開胸針織外套

又話說,如果想去首爾汝矣島輪中路,一窺由1,600幾棵粉紅櫻花組成嘅夢幻隧道;或前往鎮安馬耳山塔寺,穿越由八重花瓣櫻花組成長達兩公里嘅童話隧道,不妨襯番個斯文淑女look,方便影相打卡!無論造型係裙定褲,只要外搭一件長及大腿嘅抗UV長款開胸針織外套($249)薄身長袖外套,即時化身氣質女神。上寬下窄嘅蝙蝠袖設計會隨住你走喺櫻花道上拍片影相時,隨住雙手自然擺動而營造出好似飛舞般嘅動感。外套同樣具抗UV功能,幫你在日光下保護白滑美肌。同時亦適合喺飛機、酒店同餐廳等,有冷氣嘅室內環境穿著。只要加些小配飾即可變出其他造型,方便純粹想喺城市短遊賞櫻嘅知性女生。

UNIQLO
抗UV長款開胸針織外套款式優雅百搭,能輕易襯出多個令人眼前一亮嘅個性造型。

古雅和服風尚x抗UV長款開胸針織外套

熱愛古雅風尚,想連環到訪京都嘅哲學之道、蹴上鐵道、清水寺、圓山公圓等名勝,欣賞用櫻花同古建築交織成浮世繪般嘅極致日夜櫻色,自然要著番充滿復古味道嘅抗UV長款開胸針織外套 ($249)!當充滿櫻花香味嘅春風拂面吹來,輕盈嘅外套就會隨風飄起,加埋櫻花做背景,構圖上已經冇得輸啦!

UNIQLO
望真啲抗UV長款開胸針織外套個設計,同時集古典美與時尚感於一身。

遊京都呢個千年古城,又想襯番身旁女友個復古斯文look,可以外套一件懷舊氣息濃厚嘅Harrington 外套($299)!卡其色係最經典長青嘅顏色,深藍色則切合傳統藍染格調,基本四季啱著又易襯,自然係入貨首選!呢件外套襯番頂京都搜購嘅手造帽或手造眼鏡,即刻幫你化身成為吸like數值大增嘅關西型男!

UNIQLO
Harrington外套加入企領、收腰、束袖等細節設計,既造到顯瘦視效又方便活動。

大學城校園服x抗UV SUPIMA棉質V領/ 圓領開胸針織外套

想衝出亞洲,走入西雅圖大學嘅櫻花校園兼參加華盛頓「國家櫻花節」,歡度一個別開生面嘅美式櫻花盛會,梗係要入鄉隨俗,造型要偏向書卷氣味重啲!抗UV SUPIMA棉質V領/圓領開胸針織外套($199)唔單止剪裁收身優雅,而且以手感細滑柔軟嘅長絨棉製成,是師生們最鍾愛嘅外套款式!備有V領同圓領兩款設計,將視線落喺頸項同鎖骨位,低調展現女性獨有嘅性感線條美。

UNIQLO
抗UV SUPIMA棉質V領/圓領開胸針織外套,剪裁收身、用料優質,符合當地大學生向來追求優良品質、經典長青嘅穿衣之道!

男生方面,今季嘅雙面連帽外套($299)同麻棉拉鏈連帽外套($299),設計簡潔醒目,搭配性高,校園味濃,適合不同場合,甚至四季穿著,替你營造零違和感嘅美國大學生造型!無論出遊到春夏嘅北半球,定係踏入秋冬嘅南半球,抑或純粹置身冷氣房內,都絕對係你今季必備嘅最佳穿著item。

UNIQLO
雙面連帽外套,兩面採用不同物料,可按需要選擇穿著。

UNIQLO
麻棉拉鏈連帽外套,設計富青春氣息,四季皆宜。

想出遊前了解更多UNIQLO的今季新裝,詳情可瀏覽:https://s.uniqlo.com/Outer_WW