【曼谷 驚安之殿堂】期待已久的曼谷 驚安之殿堂將在2月22日上午9:30開幕!地點就在 Thonglo 與 Ekkamai 之間,亦即是 Thonglo Soi 10!昨日(20/2)先開放予媒體參觀,即刻同大家睇睇有咩買!

撰文、圖片:泰國粉絲大本營 Thailandfans Forum

曼谷 驚安之殿堂

與日本店有很大不同,曼谷店身處商場 DONKI Mall 內,佔 G floor 與一樓兩層。雖然所賣的產品比起日本較少,種類也沒有日本的多,不過整體上也沒有令人失望,起碼比起其他第一次進駐泰國的日本商店,曼谷驚安之殿堂的商品有六成以上都是來自日本。一些大家熟悉的泰國品牌都冇包括在內,真正是來自日本。

曼谷 驚安之殿堂

日本士多啤梨都有!

G floor 一層主要是賣小食零食,在日本經常見到的一些受歡迎的零食都有。而且還有個熟食中心,裡面有來自日本的海產、魚生壽司以至其他日本美食等等。

海鮮區

日本生蠔隻隻都有手掌咁大。

在旁邊就有些檯櫈座椅,方便大家買完坐低慢慢食。裡面有不少日本品牌小店,例如來自北海道的芝士熱狗,也有些在香港沒有的日式零食店。

唔使去日本,曼谷都買到多款日本零食。

仲可以買壽司返酒店做宵夜。

而上一層就係賣生活百貨,以至一些古靈精怪的產品,例如 cosplay 衣服、面具,甚至有不少 Hello Kitty 產品、化妝品等等,應有盡有,可以說是日本激安之殿堂的迷你版本!

當然唔少得各款日本搞鬼服飾。

文具

卡通襪

深受女士們歡迎的藥妝區。

雖然遲啲香港尖沙咀美麗華都會開一間激安之殿堂,但好似不是24小時,而曼谷這間是24小時營業的!

而在第二層外面,也有日本藥房、眼鏡店、golf 相關產品店,再上一層也有多間食日本料理的餐廳。再上層據說即將會有個 Hello Kitty 遊樂場,但尚未動工,相信開始營業也要一段時間。

遲啲會開埋全亞洲首個Hello Kitty Go Around。

在曼谷驚安之殿堂購物也會有退稅服務,亦可送貨到你屋企。地點較近 Ekkamai BTS 站,行路要15分鐘,也可以坐完 BTS 轉的士來。

下次來曼谷可以來睇睇,相信唔會令大家失望的!再說一次,2月22日上午9:30正式開幕!

特價零食

藥妝品好齊款。

熟食區好多選擇。

北海道炸芝士條

仲要係tax free!

相關文章