(Presented by JFOODO)

雖然工已返,但大家仍處於新正頭逗利是、食開年飯的過節狀態!無論同公司食、親戚食定朋友食,開年飯局例必會點叫意頭十足嘅菜式同糕點,應節贈興得嚟,更可催旺新一年運勢!不過中菜並非唯一選擇,有冇諗過原來食日本水產都可以催旺運程呀?

水產
鐵板帆立貝外香內軟,肉質鮮甜;鹽燒油甘魚,魚味出眾;鯛魚茶泡飯藉海苔高湯嚟提升鯛魚獨有嘅甘香鮮美。

早前從JFOODO得知上文提及,喺日本流傳已久嘅壽司文化,先驚(係驚喜個驚呀~)覺原來日本人每逢節日都必定會食三大催運水產,分別係代表長壽嘅鯛魚;象徵升職、成功同好運嘅油甘魚;同埋祝願一帆風順嘅帆立貝。為咗替大家用味蕾深入了解呢三大幸運(催運)水產,我哋就搶先喺1月25日至27日「日本・開運魚盛宴」正式啟動前夕,搶先參加咗傳媒試食同體驗活動!

水產
鯛魚薄片晶瑩透光,更有淡淡松露味;帆立貝壽司爽脆鮮甜;油甘魚壽司油脂均勻,教人齒頰留香。

一連三日嘅活動場地揀咗喺中環一家日本餐廳進行,仲請埋日籍大廚以傳統日式烹調方法,為日本三大催運(幸運)水產設計出 6款嘗味菜式,畀大家玩完互動遊戲、扮完壽司師傅打卡吸like、寫埋心願後,再慢自味!

JFOODO總監Mr. Hiroki Oizumi(右)與日籍主廚(左),手捧6道直送水產嘗味菜式供大家拍照。

當天所有幸運水產美食,均由大廚現場即時炮製!

由於大家對今次活動甚感興趣,故現場人頭湧湧,座無虛席。

JFOODO總監大泉裕樹(Hiroki Oizumi)先生表示,喺傳統日本文化裡面有很多「道」,好似武士道、空手道和茶道等等,每一個「道」都代表住該範疇嘅殿堂級人物!佢哋抱持一生懸念嘅匠人精神,不斷鑽研技藝上嘅精益求精,甚至達到藝術境界,並肩負傳承該傳統精神文化的重任 。而JFOODO亦以求「道」為目標,要將日本壽司文化和飲食傳統,介紹同推廣畀更多對日本食品有興趣嘅香港人認識。

開運魚:鯛魚

想活力充沛?必食代表長壽,兼招好運嘅鯛魚!佢油脂均密、口感細膩,仲係低熱量和高蛋白嘅健康美食,所以係日本人逢年過節必定要食嘅!

全場最受歡迎嘅遊戲非呢個「拋骰子」莫屬!骰子上面寫滿三大幸運魚有咩催運含意。

開運魚:油甘魚

想升職似坐升降機?就要食代表升職、成功和好運嘅「出世魚」(油甘魚)喇!含豐富DHA及EPA,幫助你提升腦力,做嘢醒目過人,升職自然話咁易!仲可以提升運氣同改善健康添。

同場仲有埋嚟睇,埋嚟影,呢個壽司店場景攝影攤位!大家都笑住穿上得意嘅壽司師傅袍,然後按左邊說明按部就班學搓整壽司,好多人仲同步做埋直播,同影相打卡吸like!

開運魚:帆立貝

想事事順利?必食寓意一帆風順嘅扇貝(帆立貝)喇!見佢個樣同泳姿就知道點解叫帆立貝。含豐富礦物、維他命B和牛磺酸,可幫你驅走疲勞、強化肝功能!更可催旺運勢、增強健康。

大會仲以許願樹為藍本,製作咗呢個「幸運許願牆」,畀大家寫及掛上心願!

雖然今次活動已圓滿結束,但想了解更多,可瀏覽「同享開運魚的88個理由」互動網站:https://seafood-jfoodo.jetro.go.jp/88reasons/