【日本JR新路線】東京分有羽田及成田兩個國際機場,雖然羽田機場較為靠近都心地區,但成田機場嘅優勢,就係有Narita Express直接出到東京站,或Skyliner出到上野。而羽田機場就要坐單軌列車出到濱松町再轉車,對於拖住大大小小行李箱嘅旅客嚟講,較為不便。JR東日本近日就宣布著手加設新路線,連接羽田機場同東京都心。

撰文:C|圖片:JR東日本、羽田空港

日本JR設羽田機場新路線

JR東日本早前宣布著手建設,連接羽田機場及東京都心機場線的新路線「羽田空港Acess線」,並即將於4月展開環境影響評估。

圖片來源:JR東日本公式facebook page

羽田機場新站落成後,預計只需18分鐘便到達東京站,而新宿站則只需23分鐘便可到達。環境影響評估需時3年,建設則需7年時間,預計於2029年完成。

圖片來源:羽田空港国内線旅客ターミナル公式facebook page

羽田機場將於2020年配合東京奧運、殘奧會,擴大國際線的航班升降率,今後亦預計乘客/使用者會有所增加。羽田機場相比成田機場更接近東京都心,當新路線落成後,更加唔使怕玩到趕唔切入機場啦!

圖片來源:羽田空港国際線旅客ターミナル/Haneda Airport International Terminal公式facebook page