日本櫻花2019】九州以福岡、長崎、熊本、佐賀、大分、宮崎及鹿兒島7個縣組成,因位處日本南方氣候溫暖地帶,而有著多種地區名產、特色美食等。一到春季,更可到不同縣份欣賞櫻花景色!除咗九州櫻花景點有入選「百大賞櫻勝地」嘅地方,更可於黃色花畑中欣賞粉紅色櫻花!以下除咗介紹各個賞櫻勝地,更推介幾個九州住宿及行程!

撰文:C、遊日職人|圖片:各相關官方觀光網頁、新傳媒資料庫

日本櫻花2019 九州10大賞櫻勝地

1|西公園【福岡縣】

位於福岡縣中央區嘅西公園,於春天時分會有近1,300棵染井吉野櫻盛開,係非常出名嘅賞櫻勝地。又因為被選定為「百大賞櫻勝地」(桜の名所100選)之一,每年都因而吸引到大量賞櫻人士到訪。

日本櫻花
圖片來源:福岡官方城市指南YOKANAVI

西公園內嘅展望台更是隱藏賞櫻地點,可以同時欣賞到博多灣及志賀島絕景。晚間時分當街燈亮起,又可以欣賞到與日照時分時截然不同嘅夜櫻景色,係九州超人氣賞櫻勝地。

日本櫻花
圖片來源:福岡官方城市指南YOKANAVI

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:福岡縣福岡市中央區西公園

交通:乘搭福岡市地下鐵空港線,到大濠公園駅下車,徒步15分鐘

電話:092-741-2004

網址:nishikouen.jp/

2|大將陣公園【福岡縣】

大將陣公園係位於標高112m嘅大將陣山之中,一個被大自然包圍嘅公園。一到春季時節,會有約2,500棵染井吉野櫻盛開。你可以於被櫻花樹包圍嘅「櫻並木」走道中輕鬆散步,欣賞櫻花盛開嘅美景。

日本櫻花
圖片來源:福岡縣觀光情報公式網頁crossroad fukuoka

一到開花期,晚間時分會有點燈活動,到時就能欣賞到燦爛嘅夜櫻,4月初更會有櫻花祭典活動舉行!園內亦設有唔少遊樂設施,係非常適合一家大細嘅賞櫻勝地。

圖片來源:福岡縣飯塚市觀光綜合情報網

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:福岡縣飯塚市樂市1-14

交通:乘搭福北ゆたか線(篠栗線、筑豊本線)到天道駅下車,徒歩約15分鐘

網址:kankou-iizuka.jp/homepage/?id=330

3|小城公園【佐賀縣】

位於九州佐賀縣小城市嘅小城公園,被選為「百大賞櫻勝地」(桜の名所100選)之一,每到春季櫻花盛開時期,可欣賞到約3,000棵滿開嘅染井吉野櫻。而且於5月時分,更加係杜鵑花及紫藤花嘅開花期,風景更為夢幻!

圖片來源:小城市觀光協會公式網頁

開花期間會有點燈活動,可以欣賞埋夜櫻,而且3月尾至4月頭會舉行櫻花祭典。園內設有豐富嘅遊樂設施,適合帶住小朋友一齊賞櫻嘅家庭。

圖片來源:小城市觀光協會公式網頁

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:佐賀縣小城市小城町185

交通:乘搭JR到小城駅下車,徒歩5分鐘

網址:ogi-kankou.com/tourist/106.html

4|馬場山櫻【佐賀縣】

位於九州佐賀縣武雄市嘅馬場山櫻,係一棵樹齡120年嘅櫻花樹,係鮮為人知嘅賞櫻秘境。係武雄市內嘅山櫻之中最巨大嘅櫻花樹,每逢春季,圍繞在櫻花樹四周嘅黃色小花就會盛開,可欣賞到粉紅色同黃色並存嘅絕景。

圖片來源:武雄市觀光協會

呢棵山櫻更係武雄市指定嘅天然紀念物,想欣賞特別嘅櫻花美景,不妨嚟呢度睇啦!

圖片來源:武雄市觀光協會

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:佐賀縣武雄市武內町真手野21316

交通:乘搭JR到武雄溫泉駅下車,再乘約20分鐘車

電話:0954-23-9237 武雄市觀光課

網址:takeo-kk.net/sightseeing/001287.php

5|大村公園(二重馬場)【長崎縣】

位於九州長崎縣大村市嘅大村公園,係以往作為大村藩主居城,玖島城跡內嘅公園。春天櫻花季節時,可以欣賞到國家天然紀念物嘅大村櫻、染井吉野櫻、八重櫻等約2,000棵櫻花樹,整個公園彷彿被染上一片粉紅色。

圖片來源:長崎縣大村市觀光情報網

除咗可於「櫻並木」嘅步道中散步,夜晚又可欣賞夜櫻,又會舉行以大村櫻為題嘅活動,場面非常熱鬧,係長崎縣長年受觀光客歡迎嘅賞櫻勝地。

圖片來源:長崎縣大村市觀光情報網

開花期/最佳賞櫻時期:3月上旬~4月中旬

開園&閉園時間:24小時開放

入場費:免費(截至2019年2月份目前資料)

地址:長崎縣大村市玖島1-45-3

交通:乘搭JR到大村駅下車,再轉乘巴士約10分鐘,到市役所前下車便到達

電話:0957-52-3605

網址:city.omura.nagasaki.jp/kankou/kanko/omuranohana/ohanami/omurakoen.html

6|伊佐浦公園【長崎縣】

位於九州長崎縣西海市嘅伊佐浦公園,係被湖畔及鮮綠樹木圍繞嘅自然公園。每到春季便會有約1,500棵染井吉野櫻及陽光櫻盛開,係可以攜帶自備食物入內邊賞櫻,邊BBQ嘅隱藏賞櫻勝地。

圖片來源:西海市觀光協會

開花季時,可於「櫻並木」中慢慢散步,園內嘅交流中心中設有長椅,可坐著慢慢欣賞盛開嘅櫻花。

圖片來源:西海市觀光協會

開花期/最佳賞櫻時期:3月上旬~4月中旬

開園&閉園時間:9:00am-5:00pm(全年開放)

入場費:免費(截至2019年2月份目前資料)【BBQ須事前預約,收費請到網址查詢】

地址:長崎縣西海市西海町中浦南郷1133-48

交通:乘搭JR大村線到Huis Ten Bosch站(ハウステンボス駅)下車,再轉乘車約30分鐘

電話:0959-32-9087

網址:saikaicity.jp/isa/

7|健軍自衛隊通【熊本縣】

位於熊本市東區內嘅健軍自衛隊通,每逢春季,就能見到由熊本市電嘅健軍終點站向北延伸嘅櫻花樹路,約有380棵樹齡35年嘅染井吉野櫻盛開,係隱藏嘅賞櫻勝地。

圖片來源:健軍桜マルシェofficial-健軍自衛隊通り桜まつり

開花季中,會舉行稱為「健軍櫻祭」嘅活動,馬路會封鎖轉為行人路,到時就可以慢慢喺「櫻並木」之中散步。

圖片來源:健軍桜マルシェofficial-健軍自衛隊通り桜まつり

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:熊本縣熊本市東區健軍

交通:乘搭熊本市電健軍線到健軍町駅停留場下車再徒歩5分鐘

電話:096-368-1221

網址:kumanago.jp/event/?mode=detail&id=430000003074

8|立岡自然公園【熊本縣】

位於熊本縣宇城市嘅立岡自然公園,有著由江戶時代武將加藤清正親手挖掘嘅花園池及立岡池,每逢櫻花盛開嘅季節,便會有約2,000棵櫻花樹圍繞道路,喺觀光客之中,可說是非常出名嘅賞櫻勝地。

圖片來源:熊本宇城觀光情報網

入夜後,園內會點燈,繼而便可欣賞到反射到湖畔上嘅櫻花絕景。

日本櫻花
圖片來源:立岡自然公園facebook page

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:熊本縣宇土市立岡町

交通:乘搭JR到宇土駅下車,再乘約10分鐘車

電話:0964-22-1111

網址:ukiuki.kumamoto.jp/ukispot/tachiokashizenkouen/

9|平和市民公園【大分縣】

位於大分縣大分市嘅平和市民公園,係非常受當地人歡迎嘅綜合公園。每逢春季,公園內嘅川流兩側會有約1km長綿延伸展,約800棵盛開嘅染井吉野櫻及八重櫻絕景。

圖片來源:日本氣象協會

而且作為觀賞夜櫻勝地亦獲得眾多好評,可欣賞到點燈後夢幻嘅風景。開花時期會舉辦唔同活動,係人氣嘅「櫻並木」散步熱點。

開花期/最佳賞櫻時期:3月下旬~4月上旬

開園&閉園時間:24小時開放

入場費:免費(截至2019年2月份目前資料)

地址:大分縣大分市萩原綠町・外

交通:乘搭JR到牧駅下車,再徒歩20分鐘

電話:097-537-5976 大分市公園綠地課

網址:city.oita.oita.jp/o177/shisejoho/annai/1040109925525.html

10|由布院・大分川沿河「櫻並木」【大分縣】


位於大分縣由布市嘅大分川沿河,當迎接櫻花開花季嘅3月下旬時,便可欣賞到以標高1,584m嘅由布岳作為背景,盛開嘅粉紅色「櫻並木」,與黃色小花交織而成嘅絕景。

圖片來源:大分縣由布市公式網頁

只係身在其中便能夠感到安心,更可於生氣勃勃嘅「櫻並木」之間行走,慢慢賞櫻。園內設有長椅供人休息,即使同長輩一齊嚟,都唔使怕老人家唔行得耐啦!

開花期/最佳賞櫻時期:4月上旬

開園&閉園時間:24小時開放

入場費:免費(截至2019年2月份目前資料)

地址:大分縣由布市湯布院町川上

交通:乘搭JR到由布院駅下車,再徒歩5分鐘

電話:0977-84-2446 由布院溫泉觀光案內所


網址:lovegreen.net/event_calendar/p196967/

九州住宿推薦

1|山上絕景酒店

位於福岡市中央區山上的都市溫泉酒店,十分適合一家大細入住。全館都以木系為主設計,甚具文青風格,每個角落都可作拍照背景。晚上可一覽福岡夜景,還可到大浴場浸浴。

雙人房連早餐 25,800円起。
極具層次感的夜景景觀。

內裝設計極型格,可在這共用空間飲杯咖啡放鬆一下。

大浴場內有冷熱水池,水質為炭酸泉,有美肌效用。

AGORA FUKUOKA Hilltop Hotel & Spa

地址:福岡縣福岡市中央區輝國1-1-33

網址:AGORA FUKUOKA Hilltop Hotel & Spa

2|一望平戶海峽

位於長崎縣的這間酒店,全部客房均坐擁海景,還有向海的露天大浴場。晚餐以當地時令海產、魚介為主,身心都得到治癒。

晚餐有當地有名的平目魚外,還有原隻鮑魚。

房間全部向海,室內設計簡單。

晚餐最後還有小份鰻魚飯收尾,滿足!

平戶海上ホテル

地址:長崎縣平戶市大久保町2231-3

網址:hiradokaijyohotel.co.jp

3|看盡180度無邊玄界灘

酒店位於佐賀縣唐津,離東の浜海水浴場只需3分鐘車程,分成和式及洋式客房,全部面海,最近開設了展望浴場「唐津SEASIDE温泉」,分成男女展望露天風呂及展望內湯,泡住湯望向高島靚景,非常寫意。

客房內配有按摩浴池的浴室,一樣有無敵海景。

晚餐起用當地時令食材烹調。

附設私人沙灘和露天泳池,可安坐房中180度無遮擋看到藍天碧海玄界灘、高島及唐津城等地標。

KARATSU SEASIDE HOTEL

地址:佐賀縣唐津市東唐津4-182

電話:0955-75-3300

房價: 2人1室,1 泊2食 每位18,360円/約HK$1,266

網址: seaside.karatsu.saga.jp

賞櫻以外!行程推薦

九州地大物博,冇9日以上長假,是不能走遍九州7縣。決定不藏私,送上緊密九州行程,花5天玩盡北九州3個縣,食得好住得豪,不用費神去計劃就可享疏肝假期!

自駕路線:福岡市→福岡縣糸島市→長崎縣平戶市→長崎縣松浦市→佐賀縣唐津市→福岡空港

DAY 1 福岡市


福岡城1,000円和服體驗

這家和服出租店,租出繡花華麗的和服外,也有輕便的浴衣。和服老師更會幫忙穿戴和為頭髮造型兼化妝。而且店面位於福岡城內,步行到福岡城、舞鶴公園、大濠公園等名勝拍攝十分方便。

和服租借每小時 1,000円/約HK$69(最多為3小時)
有多款和服、浴衣供選擇。

配件如木屐及包包,十分齊全。

福岡城 舞遊館

地址:福岡縣福岡市中央區城內2-5(三之丸廣場內)

網址:myyounoyakata.com

小島單車遊

位於博多灣口的志賀島與九州本土之間以沙灘相連的島嶼。要前往志賀島觀光,可搭乘電車、巴士經由海之中道前往,也可從博多碼頭搭渡輪直達。島上除了有豐富的自然美景之外,還有歷史悠久的神社和石碑。

島上人口不多,沿勝馬海岸踩單車漫遊,十分輕鬆。
因後漢時期發現金印而建立的公園內,可遙望能古島的也良岬的公園入口。

近海得吃海鮮食堂

單車遊志賀島可直上海之中道,這裡有間物產館有個海鮮食堂,新鮮食材即叫即燒,吃碗海鮮飯也不過一千円。

特選海鮮丼 2,350円

志賀島名物,新鮮炭燒榮螺 250円一隻。
店內有不少加工海產零食及漬物,帶返香港都冇問題。

海の中道海辺の里

地址:福岡縣福岡市東區大岳4-3-123

網址:海の中道海辺の里

DAY 2 糸島市

打卡必到!倫敦雙層巴士

沿海城市糸島的地標,大抵是這家由英式雙層巴士改裝成的café,即使平日午後,也有很多櫻花妹來打卡呃like!這裡的gelato用了佐賀佐世保山中牧場的無添加牛奶製成,有20多款口味,單球450円/約HK$31。

海岸邊。

Gelato起用佐世保山中牧場的無添加牛奶製成,有20多款口味,由450円起。
巴士上層是面向海岸的堂食位置。

糸島 LONDON BUS CAFE

地址:福岡縣糸島市志摩野北2289-6

網址:糸島 LONDON BUS CAFE

日本夕陽百選

位於糸島市北部,透過櫻井神社的海中白色鳥居,看著離岸百米的二見ケ浦夫婦岩,看似相連不分離 ,想行桃花運要去打卡兼拜拜。

潮漲時分,白色鳥居置身海中。

日落時間打卡人潮最多。
很多人會校啱角度,拍到夫婦岩在鳥居之中。

二見ケ浦夫婦岩

地址:福岡縣糸島市志摩櫻井二見ケ浦

DAY 3 長崎縣平戶、松浦市

廣告絕景自駕遊

長崎自然景色眾多,其中有三個精選之選,離平戶市約十多分鐘到30多分鐘車程左右,可找到川內峠大草原、就近高越公會堂棚田一帶及生月島日落勝地サンセットウェイ海岸,打卡必到。

位於平戶島北面,離平戶市十多分鐘的川內峠,是連綿的草原,有如置身汽車廣告之中。

川內峠

地址:長崎縣平戶市大野町

往平戶島西面春日田棚田的路上,可找到讓人眼前一亮的高越公會堂棚田。

高越公會堂棚田

地址:長崎縣平戶市高越町

跟平戶島西面相連的生月島上,於海岸地帶找到人氣日落景點サンセットウェイ。

サンセットウェイ

地址:長崎縣平戶市生月町南免至山田免一帶

海上屋台嘗鯛魚丼

近海得吃,料理以海產為主,吸引不少日本藝人幫襯的鯛魚丼,大大片閃亮新鮮光澤的鯛魚滿滿地鋪在飯面,先大口扒兩啖嘗原味,再加秘製的麻醬撈勻吃,最後才倒高湯做茶漬,三重口感和味覺享受。

位於海上的屋台極有避風塘氣氛,風味十足。

屋台內可看到小艇駛進漁港的景色。
鯛魚飯850円/約HK$59
以麻醬拌入鯛魚飯內,芝麻醬較杰身,味道特濃,吊出魚肉的鮮味。

海上屋台 三軒屋

地址:長崎縣松浦市鷹島町阿翁浦免遠泉地先

網址:sangenya.net

DAY 4 佐賀縣唐津市

撐出海看日出

水上運動直立板 (stand up paddling) 的技術門檻不高,朝早第一團會在水面平靜的玄海国定公園一帶玩,在海中央看著鹹蛋黃從水平線上升的一刻!

日出一刻,感動到完全忘卻晨早起床的痛苦,好值得!

由世界知名的SUP達人西村榮治親自帶隊。
在岸邊欣賞日出,十分寫意。

唐津BEACH CLUB

地址:佐賀縣唐津市東唐津4-5-18東の浜海水浴場前

網址:select-type.com/s/karatsu_beach_club

巴士賣漢堡

香港有富豪車仔軟雪糕,唐津松原有巴士賣漢堡包!身為佐賀名物,漢堡夾著牛肉、火腿、芝士及雞蛋,點睛位是其酸甜醬汁,開胃非常。

單看巴士本身,絕對想不到是當地名物漢堡包店。

多款漢堡包由 ¥310 /約HK$21起。
玩到攰,可買走邊行邊食。

からつバーガー 松原本店

地址:佐賀縣唐津市虹ノ松原

電話:0955-70-6446

延伸閱讀:【日本櫻花2019 】7大東京櫻花景點+3間周邊酒店住宿推介|得當地人先知!

相關文章