呢排頻頻見到Miss Sunny男神Chilam叫大家記得登記換證。又係喎!張身分證轉眼都用咗十多年,係時候要換都應該啦!據知新智能身分證加入咗好多功能,而且,無論預約換證、攞證等程序都好方便。已經開始分批更換,依家係1985年或1986年出生嘅人士換領,記得預約同喺指定日期去換!

(Presented by 入境事務處)

快捷換領新智能身分證2部曲

大家工作咁忙,但忙極都要記得換證!Miss Sunny作為一個負責任嘅巿民,自行了解今次換證嘅程序,發現入境事務處超貼心嘅安排,令換證變得超簡易方便!

1|預約換證

第一步當然係預約換證啦!除咗可以喺 http://www.gov.hk/newicbooking 或者打電話2121 1234預約登記之外,最快捷方便就梗係先去下載入境處手機app ( https://www.smartid.gov.hk/Mobile-Application/index.html ) 預約換證。個app仲可以預先填表,之後要更改表格嘅資料,都可以入番個app度改番。喺預約前仲會提示你,咁就唔怕唔記得,你話係咪好貼心呢?

入到換證中心,先去自助取籌服務站攞番個籌。

攞完籌,再到自助登記服務站登記。

跟住籌號,就有專人幫你影相、打指紋,咁就完成換證手續喇!

2|前往換證

第二步就係按照預約日期及時間去揀選咗嘅換證中心辦理手續。於中心入面嘅自助取籌服務站內掃一掃app入面個QR code就可以攞籌,之後去自助登記服務站登記,再有專人為你影相、打指紋,好快就可以離開。另一貼心位就係換證人士可以帶埋兩名65歲或以上嘅親友一齊去換證。你知啦!好多時老人家都想我哋啲後生陪佢哋去換嘅,有咗呢個安排,Miss Sunny就可以同埋家中兩老一齊去換證,就唔使走多次喇!提提大家,要一齊換證,預約嗰陣就記住入埋親友資料啦!

記得帶埋家中65歲或以上嘅親友一齊去換證,咁就唔使走兩次喇!

長期居住海外嘅身分證持有人換領安排

你可能同Miss Sunny一樣,不停被住喺外國嘅親戚問佢哋嘅換證時間。其實叫佢哋大可以放心,因為長期居住海外嘅身分證持有人如未能於指定期限內返港換領身分證,只需要喺回港後30日內辦理手續就得。所以過咗期限都唔使擔心,呢個安排同樣貼心呀!

大家亦可以去新智能身分證網頁了解換證時間表,知道自己大概會喺咩時候換證,以及9個智能身分證換領中心的開放時間同地址。Miss Sunny就download咗手機app同mark低日子準備好換證。

新智能身分證網頁︰https://www.smartid.gov.hk/