藝人吳若希有份拍攝的旅遊節目《東京血拼攻略》近日出街,當中竟然驚見各式各樣的失禮行為,包括在二手名牌店中,亂摸禁止觸摸的限量名牌篋!前日吳若希與杜如風在TVB錄影新年節目時,便就此事作出回應!

撰文:東方新地、MY |圖片:新傳媒圖片、無綫電視截圖

吳若希拍旅遊節目 網友力數2大失禮行為

大台旅遊節目《東京血拼攻略》周日晚首播,節目會帶觀眾走勻大小地道潮店及介紹平靚正潮物及美食,但不少網民睇完節目後,炮轟吳若希行為失禮,甚至力數她的2大失禮行為。

《東京血拼攻略》由吳若希、林穎彤以及台灣旅遊女主持沈韋汝、牟韻潔主持。

《東京血拼攻略》周日晚首播,主持人的行徑隨即惹來爭議。

01|High爆大聲笑

去到逾10萬款限量二手名牌特賣場,4女一入場,就見吳若希帶頭拉住林穎彤瘋狂跑入去,一路跑一路大聲話:「嘩⋯⋯好靚啊!」反而2位台灣主持比較冷靜,慢慢行喺後邊,向觀眾介紹哪個專櫃掃貨同點揀優質手袋!

見到個罕有名牌喼,吳若希癲咗咁話買!

之後四位主持再到新宿百貨尋寶,吳若希見到林穎彤攞住個小巧嘅名牌背囊,大叫大笑話:「好打耳!好打耳!」林穎彤又大笑附和話:「好打耳!」連主持沈韋汝都忍不住「殊」,示意佢哋安靜啲。

主持人吳若希和林穎彤在店中大聲狂笑。

網友話成個節目,一味聽到吳若希又笑又大聲講,見到名牌手袋就失晒控嘈喧巴閉,反而實用資訊就冇乜點講!

02|無視警告 亂摸限量名牌旅行篋

之後牟韻潔、吳若希去咗一間二手名牌專門店,Jinny例牌見到名牌自high狂笑!

最弊仲係佢無視店舖貼咗2個「Please Don’t Touch!」嘅英文警告標語,一見到個價值1,500,000,000日圓(約100萬港元)嘅LV與Supreme crossover行李篋就出手摸,仲邊摸邊話:「我就冇錢買㗎喇!摸下都好!」吳若希被網友狂轟失禮自己更影衰港人!

LV與Supreme crossover行李篋價值1,500,000,000日圓(約100萬港元)。

店舖在行李篋的下方清楚貼出多個「Please Don’t Touch!」的英文警告標語。

吳若希:跟公司指引做

吳若希和杜如風為TVB節目錄影,對於被轟拍旅遊節目時亂摸行李篋,Jinny表示:「係咩?唔摸得咩?」她又表示是跟公司指引做,公司話得就得、唔得就唔得,拍攝時係有公司帶住,唔可以的話,應該唔出得街,當其時拍攝係可以,但佢都叮囑大家去到間店就唔好亂摸!

吳若希日前和杜如風為TVB節目錄影。

吳若希表示是跟公司指引,拍攝時應是可以,但旅行時當然不可。

杜如風親自教路

而在旁的「日本達人」杜如風就親自教導去日本古著店時的應有禮儀,就是不要亂摸貨品,喜歡的話,直接付款就好,真係唔好亂嚟!

杜如風親自教導在日本購買古著時的應有禮儀。

下一頁:旅遊討論區熱話 日本N’EX挨後椅背行為惹爭議 | 乘客權利 vs 同理心?

相關文章