【2019年旅行地點推薦】大型酒店預約網站Booking.com嘅日本分社,調查咗近來預約增長率最高嘅旅行目的地,並發表咗「2019年最受注目嘅十大旅行地點」。調查對象為過去12個月中去過旅行嘅人,又或有旅行預定嘅21,500名,嚟自世界各地嘅成人使用者。今年未諗到去咩新地方?睇下大家嘅選擇參考一下啦!

撰文:C|圖片:Instagram、網絡

2019年旅行地點推薦

根據Booking.com嘅調查,有45%海外旅行者希望「2019年傾向選擇比2018年更有冒險性嘅旅行地點」,其中以18~34歲嘅年輕世代佔最高比率。另一方面,有51%回答者回答「2019年想去朋友之間仲未有人去過嘅地方」,而25~34歲回答者中,有60%希望「旅行能令有薪假用得更為充實」。

日本Booking.com2019旅行目的地意向調查。
日本Booking.com2019旅行目的地意向調查。

1|瓦地倫・約旦

位於約旦嘅瓦地倫曾作為唔少超大型製作嘅電影拍攝舞台,擁有不負期待嘅壯闊沙漠及荒野。壯大嘅沙岩形成綿延嘅啡紅色山谷,由先史時代延續至今嘅岩石編織成具震懾力嘅風景,完全遠離都市日常生活。

瓦地倫・約旦
瓦地倫・約旦

若想體驗一下完完全全於大自然之中生活嘅話,係個唔錯嘅選擇。而且有恍如身處火星嘅感覺,有機會帶畀你好似去咗第二個星球咁嘅特別氣氛。推薦重點為超靚日落及觀星,當然唔少得睇沙漠啦!

瓦地倫曾作為唔少超大型製作嘅電影拍攝舞台。
瓦地倫曾作為唔少超大型製作嘅電影拍攝舞台。

於沙岩之間觀賞絕美日落。
於沙岩之間觀賞絕美日落。

大自然之中,可以看到嘅星星數之不盡!
大自然之中,可以看到嘅星星數之不盡!

N

2|撒馬爾罕・烏茲別克

位於烏茲別克嘅撒馬爾罕,被喻為喺古代絲綢之路中最為繁榮嘅地方,亦係中東地方其中一個持續有人居住嘅最古老街區,歷經幾百年歷史,並成為世界文化中心地。

撒馬爾罕・烏茲別克
撒馬爾罕・烏茲別克

街道上充斥住登錄於世界遺產嘅中世紀建築物及紀念碑。其中最為出名嘅,係入選為「世界上最美麗廣場排名」之一嘅雷吉斯坦廣場。

撒馬爾罕被喻為喺古代絲綢之路中最為繁榮嘅地方。
撒馬爾罕被喻為喺古代絲綢之路中最為繁榮嘅地方。

廣場建築物均鑲嵌著細密花紋圖案、金箔以及書法裝飾。撒馬爾罕最為醉人嘅,就要數古代遺跡、建築物及歷史了。

入選為「世界上最美麗廣場排名」之一嘅雷吉斯坦廣場。
入選為「世界上最美麗廣場排名」之一嘅雷吉斯坦廣場。

建築物均鑲嵌著細密花紋圖案、金箔以及書法裝飾。
建築物均鑲嵌著細密花紋圖案、金箔以及書法裝飾。

3|巴卡拉爾・墨西哥

墨西哥巴卡拉爾擁有被喻為「僅次於馬爾代夫」嘅美麗湖泊,以「七彩湖」聞名,被大自然包圍嘅美麗地方。

巴卡拉爾・墨西哥
巴卡拉爾・墨西哥

清澄透明嘅淡水配以幼白沙灘,綻放著綠松藍色光澤,係潛水及浮潛嘅絕好之地。湖岸有間小小嘅漁師屋,喺該處品嘗新鮮海鮮,係巴卡拉爾嘅熱門活動。受各大旅行者歡迎嘅原因係夠晒安靜,能夠令人身心放鬆。

巴卡拉爾擁有被喻為「僅次於馬爾代夫」嘅美麗湖泊。
巴卡拉爾擁有被喻為「僅次於馬爾代夫」嘅美麗湖泊。

清澄透明嘅淡水配以幼白沙灘,綻放著綠松藍色光澤,係潛水及浮潛嘅絕好之地。
清澄透明嘅淡水配以幼白沙灘,綻放著綠松藍色光澤,係潛水及浮潛嘅絕好之地。

巴卡拉爾地點夠晒安靜,能夠令人身心放鬆。
巴卡拉爾地點夠晒安靜,能夠令人身心放鬆。

4|瓦爾扎扎特・摩洛哥

作為撒哈拉沙漠入口而聞名嘅瓦爾扎扎特,位於摩洛哥優美嘅阿特拉斯山脈以南,以埃本哈杜古城最為人所知。

瓦爾扎扎特・摩洛哥
瓦爾扎扎特・摩洛哥

距離能觀賞到令人陶醉不已嘅日出、日落絕景嘅古代都市非常近,如果想喺呢個區域探險嘅話,推薦乘坐四輪電單車於沙塵上穿梭。

埃本哈杜古城
埃本哈杜古城

此處亦多次被選為電影及電視連續劇取景地,同時更有機會參觀當地電影廠。想於安靜嘅大自然中慢慢觀光,瓦爾扎扎特會係個好選擇!

想喺呢個區域探險嘅話,推薦乘坐四輪電單車於沙塵上穿梭。
想喺呢個區域探險嘅話,推薦乘坐四輪電單車於沙塵上穿梭。

此處亦多次被選為電影及電視連續劇取景地。
此處亦多次被選為電影及電視連續劇取景地。

5|帕洛米諾・哥倫比亞

帕洛米諾位處於海灘邊,係到訪哥倫比亞必去嘅小鎮之一,遊客可以喺呢度體驗各種不同活動。

帕洛米諾・哥倫比亞
帕洛米諾・哥倫比亞

面對加勒比海嘅靚景海灘,除咗必試嘅滑浪同日光浴之外,更可以睇到大嘴鳥、馬騮等野生動物。同時又可以挑戰坐水泡由帕洛米諾河滑出加勒比海玩「Tubing」。

可以挑戰坐水泡由帕洛米諾河滑出加勒比海玩「Tubing」。
可以挑戰坐水泡由帕洛米諾河滑出加勒比海玩「Tubing」。

想望住超靚海景過輕鬆放鬆嘅日子,就要試下去帕洛米諾玩喇!

睇日落係到訪沙灘嘅指定動作!
睇日落係到訪沙灘嘅指定動作!

想望住超靚海景過輕鬆放鬆嘅日子,就要試下去帕洛米諾玩喇!
想望住超靚海景過輕鬆放鬆嘅日子,就要試下去帕洛米諾玩喇!

6|梅斯蒂亞・格魯吉亞

位於格魯吉亞西北方向嘅梅斯蒂亞,處於海拔1,500m嘅高地位置。

梅斯蒂亞・格魯吉亞
梅斯蒂亞・格魯吉亞

鍾意接觸當地歷史嘅旅客,可前往充斥該處歷史及文化嘅Svaneti歷史民俗博物館;鍾意戶外活動嘅遊客,則可攀登高加索山脈嘅傾斜地,又或以Chalaadi Glacier冰川為目的地嘅行山路線、邊欣賞位於烏什巴山之中嘅湖泊絕景邊慢步嘅觀光路線等等。

梅斯蒂亞處於海拔1,500m嘅高地位置。
梅斯蒂亞處於海拔1,500m嘅高地位置。

富有當地特色嘅Svan料理,如肉餡pie「Kubdari」、加入咗芝士嘅薯蓉等,有著多款連美食達人都愛不釋手嘅美食。

烏什巴山之湖泊絕景。
烏什巴山之湖泊絕景。

鍾意戶外活動嘅旅客,嚟呢度就又有山景,又有湖景欣賞喇!
鍾意戶外活動嘅旅客,嚟呢度就又有山景,又有湖景欣賞喇!

7|基加利・盧旺達

被稱為「千丘之國」嘅盧旺達,近年變得愈來愈容易到訪,並聚集咗好多來自世界各地嘅旅遊愛好者。特別係觀賞棲息於火山國立公園嘅山地大猩猩最為高人氣!

基加利・盧旺達
基加利・盧旺達

另一方面,Akagera National Park中可一口氣睇勻獅子、犀牛、大象、水牛等大型動物。基加利被視為係非洲全土地最安全,而且最具魅力嘅首都,近10年嘅經濟發展穩定,有豐富嘅飲食文化及熱鬧嘅市場,連夜生活玩樂都一應俱全。

被稱為「千丘之國」嘅盧旺達,近年變得愈來愈容易到訪,並聚集咗好多來自世界各地嘅旅遊愛好者。
被稱為「千丘之國」嘅盧旺達,近年變得愈來愈容易到訪,並聚集咗好多來自世界各地嘅旅遊愛好者。

當地人親切好客,有興趣嘅,快啲做多啲功課啦!

基加利被視為係非洲全土地最安全,而且最具魅力嘅首都。
基加利被視為係非洲全土地最安全,而且最具魅力嘅首都。

8|呂伐登・荷蘭

呂伐登係充滿荷蘭慢生活氣氛,有眾多博物館、購物地區、美食熱點嘅地方。

呂伐登・荷蘭
呂伐登・荷蘭

由於經常舉辦高質文化性質活動及展覽會,於2018年得到「文化之都」嘅美稱。

呂伐登係充滿荷蘭慢生活氣氛,有眾多博物館、購物地區、美食熱點嘅地方。
呂伐登係充滿荷蘭慢生活氣氛,有眾多博物館、購物地區、美食熱點嘅地方。

可以踩單車環繞小鎮,到訪博物館學習關於菲士蘭洲嘅秘藏、觀賞呂伐登斜塔、到Boomsma Museum試飲啤酒等等,輕鬆地走訪各種特色場所。喺舊式街道散步,實為旅行一大享受。

可以踩單車環繞小鎮,輕鬆地走訪各種特色場所。
可以踩單車環繞小鎮,輕鬆地走訪各種特色場所。

呂伐登斜塔
呂伐登斜塔

9|卡薩米里・阿爾巴尼亞

位於阿爾巴尼亞南部嘅卡薩米里,係一個擁有超靚隱藏海灘嘅小鎮。

卡薩米里・阿爾巴尼亞
卡薩米里・阿爾巴尼亞

透明度高嘅海水有如閃耀嘅水晶,海灘遠離繁囂,又可到餐廳恬靜舒服地用餐。

卡薩米里係一個擁有超靚隱藏海灘嘅小鎮。
卡薩米里係一個擁有超靚隱藏海灘嘅小鎮。

從水底湧出嘅泡沫有如眼睛一樣,並因而有著「Blue Eye」稱號嘅Syri i Kalter、登錄於世界遺產嘅都市遺跡布特林特等,都係旅遊卡薩米里時值得一去嘅地方。

有著「Blue Eye」稱號嘅Syri i Kalter。
有著「Blue Eye」稱號嘅Syri i Kalter。

登錄於世界遺產嘅都市遺跡布特林特。
登錄於世界遺產嘅都市遺跡布特林特。

10|珀尼達島・印尼

講到印尼,大多數人都只會諗起吉利島、峇里島等人氣景點,而珀尼達島係較少人知嘅印尼「秘島」。

珀尼達島・印尼
珀尼達島・印尼

珀尼達島位於峇里島嘅西南方,擁有未被破壞嘅自然景觀。

珀尼達島係較少人知嘅印尼「秘島」。
珀尼達島係較少人知嘅印尼「秘島」。

可盡情玩浮潛、前往Pura Goa Giri Putri洞窟寺院參拜、拜訪Angel’s Billabong等自然奇觀。

Angel's Billabong
Angel’s Billabong

Pura Goa Giri Putri洞窟寺院
Pura Goa Giri Putri洞窟寺院

相關文章