上星期國泰fanfares推出的機票優惠真心超抵!大家有沒有成功搶到台北和曼谷的平機票呢?未搶到的朋友毋須咁快灰心,嚟到國泰fanfares最後一周,明天(18日)的第三擊優惠一樣咁抵咁震撼!今個星期必搶大阪平機票,來回低至$1,080,睇埋以下搶飛攻略,校定朝早鬧鐘來搶機票啦!

撰文:Alva | 圖片及資料來源:Cathay Pacific

國泰fanfares 最後一周搶平機票

明日(18日)國泰航空朝早8點開始,推出國泰fanfares第三擊震撼優惠,今次來回大阪機票最抵搶,只需$1,080就可以搭到國泰飛日本!而且編輯收到風,雖然暫時大阪平機票有2,000張,但因應大家的反應,有機會加碼的,今次搶到的機會好像比較大呢!

國泰今日凌晨於facebook公布了明早的優惠,5個航點的優惠機票分別是:

01 | 香港來回大阪$1,080(連稅$1,812)

02 | 香港來回上海(浦東)$680(連稅$1,330)

03 | 香港來回峇里島$2,130(連稅$2,801)

04 | 香港來回墨爾本$1,700(連稅3,935)

05 | 香港來回溫哥華$3,000(連稅$4,913)

(括號內連稅價錢含税項及營運附加費。所有票價、政府稅項及費用,以及附加費或會隨時變更。)

國泰fanfares  成功搶飛攻略

搶飛前準備要做足!

01 | 今晚立即註冊成會員

如果你仲未成為國泰航空馬可孛羅會、「亞洲萬里通」或註冊用戶,記得要註冊成會員,聽朝先可以登入搶飛!

02 | 護照資料準備充足

記得要攞齊親友、旅伴的護照資料,方便買飛時輸入,爭取黃金幾秒鐘,搶得心頭好!

03 | 人多好辦事

一個預訂最多6位,多過6個人去旅行,最好叫齊朋友、家人聽日一齊搶飛喇!

截圖自國泰官網。

04 | 靈活變通有著數

事先準備多幾個旅遊日期,總有個日期可以搶到最平機票。

溫馨提示:fanfares覆蓋公眾假期及長假期,但只有少數幸運的早鳥搶到飛啊!

開售前登錄=/=搶先排隊

fanfares及排隊系統8點準時開放,因此,8點前登錄並不會搶先排隊,所以唔好白費氣力。

定啲嚟,搶飛都可以沖杯咖啡輕鬆下嘅!排隊後,即使瀏覽器意外關閉,打番開同一瀏覽器,排隊位置仍會保留。

成功搶飛小貼士

成功入到fanfares系統後,排隊前咪登入帳號!記得要排完隊後,先好login,否則帳號或會超時而自動登出㗎!

當機立斷: 因為只有黃金30分鐘完成整個訂飛過程,所以call齊人馬同旅伴,如果心水options已經被搶購一空,即時討論plan B,立即出發!

相關文章