【日本暖冬】北海道不久前終於迎來初雪,係有紀錄以來,史上第二最遲初雪。踏入12月,應該係出發賞雪、玩雪嘅好時節,但日本全國多達300多個地方錄得12月史上最高溫,溫度同夏季時分不相上下。嚟緊出發去日本嘅大家,要多加注意氣溫變化,準備相應行裝啦!
撰文:C|圖片:weather news jp
日本暖冬 12月破紀錄高溫
進入到日本海嘅低氣壓及前線,令與10月份氣溫並列嘅暖流從南方流入,日本各地氣溫顯著上升。
西日本、東日本均高達20℃以上,福岡等地更錄得12月份首個「夏日」紀錄。多達341處地方刷新咗12月觀測史上最高氣溫,大阪為128年以來最高,松山則係104年以來最高紀錄。
刷新12月份史上最高氣溫
日本全國最高溫為沖繩縣鏡原嘅29.8℃,西表島亦刷新咗12月最高氣溫紀錄(南鳥島除外)。