【東京奧運】首輪100円紀念貨幣兌換開始|日本全國所有銀行都換到

【東京奧運】首輪100円紀念貨幣兌換開始|日本全國所有銀行都換到

【東京奧運】距離東京奧運會開幕,剩下不足兩年!日本開始陸續推出奧運、殘奧相關的紀念品,而日本政府更會分4次,喺2020年奧運會開幕前,推出約30款紀念貨幣!第一彈嘅100円貨幣於11月27日起開始接受兌換。日本全國所有銀行都換到,而且咩人都換得!

撰文:C|圖片:日本造幣局、日本財務省

東京奧運紀念貨幣 兌換開始!

作為第一彈所發行嘅100円貨幣,由11月27日起,全國同時開始接受兌換。紀念貨幣分有2款,表面設計分別為劍擊,以及殘奧項目硬地滾球嘅選手姿態,反面設計則分別為東京奧運會,以及殘奧會嘅徽章。

注意!除100円紀念幣為可兌換款之外,1,000円面值純銀貨幣售價1枚9,500円/約$665、10,000円面值純金貨幣售價1枚120,000円/約$8,400。

左起:面值10,000円金貨幣(流鏑馬與心技體)、面值1,000円銀貨幣(游泳)、面值100円銅製貨幣(劍擊)(圖片全為奧運款式)

此外,硬幣側面分別刻有間隔不同嘅幼細坑紋,即使係視力受損嘅人士,都能透過觸摸硬幣,就知道硬幣面值。

是次發行嘅100円紀念貨幣,會分別發行接近395萬枚,並可於日本全國所有銀行櫃枱兌換到。而1,000円面值純銀貨幣將發行各10萬枚,10,000円面值純金貨幣則發行4萬枚。

相關文章