【LOFT必買】LOFT係日本連鎖生活雜貨店,每次去都總會發掘到唔少得意又實用嘅精品。既有可以重複使用嘅環保飲管,亦有今年日本超人氣嘅「臀部專用番梘」!睇睇有咩得意又方便嘅產品,下次去shopping就有晒target啦!

撰文:C|圖片:ロフト

LOFT必買 人氣產品

1|SENTAKU MAGCHAN【連稅 1,944円/約HK$136】

使用99.9%高純度化學元素・鎂,於洗衫時可產生水素及電解水,有效消除霉菌、去污,係首個以鎂作清洗用途嘅洗衫用品。

唔止有洗衣效果,甚至連洗衣機都可以清潔埋!一個有齊潔淨、除臭、除菌功效。

使用時,只需連同污衣一同放入洗衣機便可,甚至唔使用洗衣液/粉。使用後,同乾淨衣物一同晾乾,以家庭用計算嘅話,可重複使用約1年(約300次)!

除咗粉藍色,仲有粉紅色可以揀!

2|MARNA Ecocarat 水樽乾燥棒【連稅 1,058円/約HK$74】

洗完水樽後,只需放入乾燥棒,便可輕鬆吹乾樽內水氣。

之前有吸濕力強而大熱嘅珪藻土,呢款Ecocarat嘅吸、放濕力甚至係珪藻土約5倍強力!平時洗完水樽,倒放後需約7小時先可以完全吹乾,而使用Ecocarat則只需約3小時便能吸乾樽內水氣。使用後,只需放到通風良好嘅地方吹乾,便可重複使用。

Ecocarat分別有藍色、粉紅色、白色3種顏色。

3|HORIE Titanium Straler straw & stirring stick【連稅 756円/約HK$53】

環保鈦製飲管共有6色,而且每款花紋都不一樣。

隨住「減塑」成為全球熱烈討論嘅議題,環保飲管產品大受歡迎。呢款環保飲管由純鈦製造,不會因離子化而溶到飲品中。飲管輕巧耐用,不會生鏽,而且表層嘅酸化膜有經陽光照射後可分解雜菌嘅「光抗菌作用」。

環保飲管可以單買,亦可以2、3、5支一set咁買。

4|ZEBRA  開封器+油性marker兩用筆【連稅 195円/約HK$14】

新產品於一邊筆頭加上咗膠製開封器,實現一筆兩用,非常方便!

筆蓋上設有專門用嚟?開貼於紙箱上嘅紙質或布質封箱膠紙嘅膠製開封器。開封器使用耐用性塑膠製造,唔會切傷手,或者?爛箱內物品。撇除筆蓋後,就係一般油性marker,兩頭分別為6mm粗線筆頭,及2mm幼線筆頭。

 

目前只有黑色及紅色兩種顏色。

5|KING JIM 雜學罫線簿【連稅 411円/約HK$29】(LOFT限定)

「雜學記事簿」一共5款,分別為日本元號、國家名、市名、百人一首、素數。

一打開以為係普通記事簿,仔細睇就會發現,記事簿上嘅橫線寫滿咗文字!例如買咗「國家名」嘅記事簿,就會由無數中、日文對照嘅國家名細密地組成分隔線。一本用以記事嘅筆記簿,唔止隱藏咗無數雜學,更可用作秘密留言紙條!

一本用以記事嘅筆記簿,唔止隱藏咗無數雜學,更可用作秘密留言紙條!

6|IROHA出版 STUDY PLANNER【連稅 972円/約HK$68】

手帳共有4色可選,左起為PINK、GOLD、AURORA、GRAY。

用以建立溫習習慣嘅專用手帳,可愛設計用以提升學習嘅樂趣,以及帶來方便又清晰嘅使用感。一日一頁,一本可用3個月。

設計簡潔清晰,可以舒服又方便地訂立每日學習目標!

7|PLUS  省力長尾夾【連稅 486円(大)/約HK$34;378円(中)/約HK$26;324円(小)/約HK$23】

PLUS嘅新製長尾夾共有大、中、細3個sizes。

新設計再將長尾夾嘅把手部分拉長,比一直以來嘅產品,打開力度慳咗最大約50%。大多數長尾夾都好難開,有時甚至要出動到雙手嘅力先打得開,用呢款長尾夾就慳水慳力啦!

把手部分由弧形改至平面,令手指更容易貼合。

8|Group SNE 「We Didn’t Playtest This at All」桌上遊戲【連稅 1,620円/約HK$113】

美國大熱桌上遊戲同樣大受日本人歡迎!

美國超人氣「無理取鬧」嘅爆笑桌上遊戲。遊戲目的只係「取勝」。只要滿足卡上寫有嘅取勝條件,就可以取得優勝;相反,亦有做咗某舉動就會落敗嘅遊戲卡。遊戲人數為2~10人,遊戲平均所需時間為1~5分鐘。

黑色版更有「強力」嘅卡,可以用白色版一齊玩!

9|Dream 腹式呼吸運動 長條「紙捲喇叭」【連稅 1,059円/約HK$74】

紙捲喇叭長度約有1m。

90後細個可能都有玩過嘅「紙捲喇叭」,原來仲有訓練腹式呼吸嘅用途!呢款長版紙捲有成約1m長度,只需深呼吸,便能做到腹式呼吸訓練。呢種簡單方便,又令人懷念嘅產品,喺日本非常有人氣!

每日只需進行10次,就能有效鍛鍊到腹部。

10|Pelicansoap Hip care soap【連稅 648円/約HK$45】

蜜桃形番梘於女性之間非常受歡迎!

臀部專用番梘。成分加入咗潔淨同peeling效果。固形番梘、蜜桃香等人氣相乘效果,令產品於2018年下半期熱爆日本!

除直接使用之外,更可以利用番梘嘅凹位按摩腿部及臀部。

11|協和工業 5 Seconds Shine足部去角質器【連稅 2,700円/約HK$189】

包裝裡仲附有專用袋保存。

腳跟專用玻璃製角質去除器,以0.01mm精度加工而成嘅特殊構造玻璃,可避免令肌膚受傷。

使用時,緊貼腳後跟並十字形洗擦。使用後,可直接用水清洗,風乾後再收起。

12|Wazuku Teeth Shining【連稅 1,944円/約HK$136】

只需約HK$136就可以擁有白淨牙齒!

牙齒美白產品,刷牙後只需用LED光照射牙齒便可。唔單止方便、價格便宜,而且易攜。係目前LOFT嘅口腔護理產品中,最高人氣嘅一款!自9月開始發售後,直到現時都依然人氣絕頂!

刷牙後,只需用附有嘅LED燈照射牙齒約10秒,持之以恆,就可以美白牙齒了!

13|ettusais quick care coat【連稅 1,026円/約HK$72】

想修護指甲時嘅好用品!塗抹後唔需要用洗甲水,能保持指甲健康及打造自然光澤感嘅指甲美容液。有倒刺、斷甲等問題都可以使用。塗抹後會形成一層薄膜。

仲有櫻花版限定包裝!(圖片來源:ロフト横浜)

圖片來源:ettusais

14|Air kaol吸水力特強毛巾【連稅 864~4,320円/約HK$61~302】

宣傳文案為「並非只是一條普通的毛巾」,於2018年8月30日被人氣電視節目《カンブリア宮殿》介紹,隨即爆紅!纖維根根分明咁於空間中展開,因此綿嘅使用量係一般毛巾嘅一半,對環境非常好。

超人氣產品好快斷貨,各間LoFt都一直在積極補貨!見到嘅買嚟做手信都不失為一個好選擇!(圖片:あべのロフト)

Air kaol比其他同類型大小份量嘅毛巾重量輕一半。用作浴巾亦非常合適。

毛巾一共有6種色可供選擇。(圖片:airkaol)

15|Lourder 手掌按摩器【連稅 10,800円/約HK$756】

合共15層air pad按摩手掌各部分嘅hand massager,每隻手指都按摩得到。而且附有發熱功能,可有效促進手部血液循環。

圖片來源:ATEX Direct

相關文章