【日本購物】松本清(Matsumoto Kiyoshi)可以話係關東最知名連鎖藥妝店。唔止店舖多,商品款式又多又齊,雖然比其他藥妝店略嫌貴咗啲,但勝在省腳力,除非係超受歡迎嘅產品,不然都可以喺松本清買得齊!今次日本妹更介紹咗好幾款松本清限定商品,同冇咩人知嘅隱藏好物!一齊mark實去掃貨啦!

撰文:C|圖片:マツモトキヨシ

松本清隱藏好物

1|ARGELAN唇膏

白色支裝嘅係冇色油性潤唇膏,而粉紅色支裝則是color lip。日本網友話,潤唇膏塗上唇後,感覺乾爽唔黏膩,而且加入咗薄荷精油成分,上唇後會有清涼感,而香味則似香草茶。睡前塗抹後,第二朝一醒來,嘴唇水潤唔甩皮。

ARGELAN冇色油性潤唇膏
ARGELAN冇色油性潤唇膏

ARGELAN有色唇膏,仲有分紅色同粉紅色2隻色揀!

2|大島樁

日本老牌髮尾油大島樁,推出咗松本清集團限定嘅Hello Kitty特別包裝!平時大島樁嘅髮尾油都係黑色樽蓋包裝,特別版則有藍綠、紅、粉紅3種色嘅樽蓋,再附送Hello Kitty吊飾。

日本老牌髮尾油大島樁一般包裝。
松本清集團限定嘅Hello Kitty特別包裝大島樁髮尾油。

3|Melano CC濃厚美容系面膜

松本清集團限定包裝保濕面膜。日本網友話味道好好聞,喺覺得特別乾燥嘅時節敷2次,可以依家開始敷嚟預防乾燥。而且邊浸浴邊敷20分鐘,可以感受到連毛孔裡面都乾淨晒!

松本清集團限定包裝保濕面膜。

面膜片呈半透明狀態,精華液非常足量!

4|弱酸性Body Milk

松本清自己嘅品牌產品,日本網民一致讚賞使用感良好,輕輕一推就可以伸展開,質感柔滑。如果鍾意用冇香料嘅body care產品,非常值得一試!

藍色樽裝為冇香料版。

 

粉紅色樽身則為花香味。

5|NIVEA Marshmallow Care Body Milk Sweet Candy

網友話,雖然一直都有用開NIVEA,但用過Marshmallow Care series就一去冇回頭!而Sweet Candy味係松本清限定款式,聽個名覺得會唔會好甜好刺鼻,但網友話味道係好淡嘅甜香味,而且好好吸收!

松本清限定香味,Marshmallow Care系列Sweet Candy味道。
除咗乳液款之外,更有mousse版!

6|腿部Refresh Sheet

同休足時間、樹液貼同樣用法,網友話貼喺小腿腹部就可紓緩腿部酸痛,而且草本香味淡雅好聞,價錢都非常親民!

松本清推出嘅自家品牌!網友一致讚好CP值超高!

一包24片,草本香味聞落非常舒服!

7|fino premium touch 浸透美容液hair mask

資生堂嘅fino,網友話只係搽上頭髮,就立即有光滑水潤感!喺松本清更可用1,000円(約HK$70)左右就買得到,CP值壓倒性地高!

資生堂fino髮膜。

望落非常有水潤感,網友話一搽落頭髮,就可以立即感受到分別!

相關文章