【富士山交通】富士五湖中,最受海外遊客歡迎嘅就係河口湖,而且一年四季嘅景色都非常宜人,可以話全年都係富士山旅遊佳期!為咗唔好被麻煩嘅交通問題阻礙旅客前往富士山嘅興致,JR東日本將設置新嘅特快定期列車,3月16日正式開通,可以由新宿直達富士河口湖!

撰文:C|圖片:KYODO

JR新路線 新宿直達富士河口湖

JR東日本去年宣布將會更改現行列車路線,最主要嘅改道為將中央線新宿站,同富士急行河口湖站連接起,設置新嘅特急定期列車。為應付超高人氣嘅觀光熱點,世界文化遺產・富士山,同位於山麓嘅河口湖等嘅富士五湖,於是推出舒適快捷嘅交通工具,並於今年3月16日正式開通!

富士河口湖一年四季都係觀光熱點,旅客駱驛不絕。

新特急列車計劃以3輛編成,每日運行,1日往返數次。列車會喺中央線同連接新宿、甲府嘅特急線「甲斐路」相連,共設有12個車廂。到達大月站後,便會分離並進入富士急行軌道,將於較多乘客上、落車嘅富士山站、富士急樂園站停車。

包括新線列車在內,JR東日本會將中央線特急統一為新型車輛E353系。

除此之外,以成田國際機場為起點嘅「成田特急列車(N’EX)」,會於星期六及公眾假期延長服務路線至河口湖站!咁就可以輕輕鬆鬆一到埗,就衝去河口湖望住富士山浸溫泉!

星期六或公眾假期到東京嘅話,可以由成田機場一程直達河口湖!

相關文章