影紅葉技巧|嚟到秋冬紅葉季節,除咗plan行程去日本、韓國等地睇紅葉,又點少得影番啲靚相留念呢!親眼睇嘅時候,明明啲紅葉仲好鮮色、靚到仙境咁,但一攞起部相機,啲色就暗晒好冇feel?一場去到,冇理由浪費咗個景嘛!睇睇日本嘅攝影愛好者有咩影紅葉tips,出遊時,就可以記錄低最靚嘅紅葉風景啦!

日本紅葉預測20222022京都紅葉

10個影紅葉技巧

影紅葉技巧1. 焦點放在色彩飽和度

有冇試過肉眼睇嘅風景,同透過相機mon睇嘅顏色有出入?呢個時候就要注意「影像風格」喇!

影紅葉技巧 要影出鮮艷嘅秋楓,提高色彩飽和度係個好方法!
要影出鮮艷嘅秋楓,提高色彩飽和度係個好方法!(圖片來源:新傳媒資料庫)

雖然一機在手,但一直都只用auto模式,影唔到滿意靚相嘅話,可以由設定攝影模式嘅時候,調校「色彩對比」、「色彩濃度」,令紅葉嘅顏色更鮮艷突出。

影紅葉技巧 調校「色彩對比」、「色彩濃度」,可以令紅葉嘅顏色更突出。
調校「色彩對比」、「色彩濃度」,可以令紅葉嘅顏色更突出。(圖片來源:新傳媒資料庫)

影紅葉技巧2. 利用「白平衡」

覺得張相顏色太淡薄、色彩重疊嘅話,可以試下用「白平衡」調整色彩,有效改善影像嘅整體感覺。

調整「白平衡」時,配合晴天、陰天等天氣狀況更改,就可以簡單影出同auto模式完全唔同嘅感覺。

影紅葉技巧 東京自由行 白糸の滝可一次過將瀑布、紅葉和富士山盡收眼底。
簡單一步就撇甩「auto mode forever」!(圖片來源:新傳媒資料庫)

影紅葉技巧3. 留意天氣

想影出最鮮艷嘅紅葉,果然都係晴天下影最好。建議出發賞紅葉前,事先留意天氣狀況。如果唔好彩遇上陰天,可以嘗試調整影像風格,或調整「白平衡」,令照片展現出另一種style。

另一方面,自然太陽光係最容易影出鮮艷顏色嘅紅葉,而朝早同黃昏時段嘅光線,可以令紅葉嘅色彩更鮮明,更可以嘗試喺人流較少嘅朝早時分出門影靚相!

影紅葉技巧 東京自由行 富士河口湖紅葉祭
選擇早晨時分影紅葉,可以避開人流之餘,光線亦充足。(圖片來源:VisitJapanTW)

影紅葉技巧4. 配合背景改變曝光度

作為攝影新手,因為唔識調校曝光度而沿用auto模式影相嘅情況較多,但經常都唔係太光就係太黑,影到暈都未影到張滿意嘅相。呢個時候,可以配合背景更改曝光度!例如喺紅葉之下,並以天空作為背景,可以增加曝光度,咁就可以令本來顯暗嘅紅葉變得光亮。

另外,想影掉落地上嘅葉片時,使用auto模式嘅話,會配合昏暗地面調整,而令紅葉嘅顏色太鮮明。咁嘅情況下,可以調低曝光度,令紅葉嘅顏色更顯自然。

影紅葉技巧 調低曝光度,可令紅葉嘅顏色更顯自然。
調低曝光度,可令紅葉嘅顏色更顯自然。(圖片來源:新傳媒資料庫)

影紅葉技巧5. 影light-up推薦日落時影

日本唔少賞紅葉景點會於日落時分開始點燈,想影靚紅葉夜景嘅觀光客絕非少數。之但係,昏暗環境中點燈嘅紅葉,相比起日間時分光度較少,容易影得模糊。呢種情況雖然推薦使用腳架,但禁止使用腳架嘅觀光地點都有唔少⋯⋯

影紅葉技巧 日本京都紅葉 日本紅葉 清水舞台維修後重開,大家可以重遊這個經典景點了!
(圖片來源:Facebook@清水寺)

咁嘅情況下,就推薦喺天空尚未完全變暗嘅時分,亦即啱啱日落嘅時間去影。感度提高嘅話,即使係手持相機,都能影出靚嘅點燈紅葉景致!而且剛日落嘅時分人流較少,係隱藏嘅最住攝影時間!

影紅葉技巧6. 嘗試使用三腳架

如果用遠距鏡頭或大鏡頭,喺黑暗地方攝影時,總係容易因手震而令照片變模糊。利用三腳架就可以喺安定嘅狀態下影相,可以不倚賴感度而影到靚相。

觀光熱點嘅話,有機會限制唔畀帶腳架入場。呢個情況下,就建議搵扶手等,可以穩妥放置相機嘅地方,安放好部機再影。

影紅葉技巧 日本京都紅葉 日本紅葉 坐著嵐山火車也可欣賞夜楓。
冇腳架都唔使驚!搵個可以hold住部機嘅地方,就可以有差唔多嘅效果!(圖片來源:京都市觀光協會)

影紅葉技巧7. 捕捉光線

不規限於紅葉,攝影時,巧妙地捕捉太陽光係一張相嘅關鍵之處!Close-up影紅葉嘅時候,以逆光狀態嚟影,可以影出葉片細微嘅變色情況,有漸層效果。

影紅葉技巧 Close-up影紅葉嘅時候,以逆光狀態嚟影,可以影出葉片細微嘅變色情況,有漸層效果。
Close-up影紅葉嘅時候,以逆光狀態嚟影,可以影出葉片細微嘅變色情況,有漸層效果。(圖片來源:新傳媒資料庫)

影全景相嘅話,可以用順光或斜光嚟影,呢個影法唔單止可以令紅葉嘅色彩更突出,亦可以同天空嘅清澄形成對比。配合自己想影嘅照片形象嚟尋找合適光源、角度,嘗試影出令自己滿意嘅作品。

影紅葉技巧8. 挑戰各種構圖

拍攝紅葉嘅時候,總會發現影親嘅相,張張都差唔多咁,角度、構圖都異常相似。為咗防止發生啲咁嘅事,白費咗難得嘅靚景,嘗試挑戰各種構圖,令相片更豐富!

影紅葉技巧 有冇試過影景色時,發現張張相都好似差唔多咁?咁就要試多啲唔同嘅構圖喇!
有冇試過影景色時,發現張張相都好似差唔多咁?咁就要試多啲唔同嘅構圖喇!(圖片來源:新傳媒資料庫)

煩惱用咩角度影嘅話,推薦好似由下向上仰望嘅角度嚟影。可以蹲下嘅話就蹲下,唔得嘅話,可以直接將鏡頭向上影,可以影出以藍天作為背景嘅紅葉群。呢種構圖唔會影到任何人,喺人多嘅景點拍攝嘅話,建議使用呢個影法。

影紅葉技巧 呢種構圖唔會影到任何人,喺人多嘅景點拍攝嘅話,建議使用呢個影法。
呢種構圖唔會影到任何人,喺人多嘅景點拍攝嘅話,建議使用呢個影法。(圖片來源:新傳媒資料庫)

影紅葉技巧9. 活用模糊功能

將背景模糊,又或將最前嘅葉片模糊掉,可以將最想影到嘅嗰片紅葉突出起來。可以透過調整對焦嚟活用模糊效果,令張相更有美感。

影紅葉技巧 將背景模糊,又或將最前嘅葉片模糊掉,可以將最想影到嘅嗰片紅葉突出起來。
將背景模糊,又或將最前嘅葉片模糊掉,可以將最想影到嘅嗰片紅葉突出起來。(圖片來源:新傳媒資料庫)

想好好利用模糊功能影相,就將自動對焦換做手動對焦,然後點擊畫面上想要對焦嘅地方,就可以凸顯出你想要嘅畫面部分。呢個方法連智能手機都能輕鬆影到,下次出門影相可以嘗試一下!

影紅葉技巧 想好好利用模糊功能影相,就將自動對焦換做手動對焦!
想好好利用模糊功能影相,就將自動對焦換做手動對焦!(圖片來源:新傳媒資料庫)

影紅葉技巧10. 用軟件做微調整

一張完美嘅靚相,除咗拍攝時嘅各種環境、技術條件之外,之後嘅相片編輯可以令相片更加靚!而且,連相機都無法捕捉得好嘅細節部分,可以透過軟件調整至自己滿意嘅模樣。

現時有唔少免費嘅手機apps可以執相,而且仲有唔少係免費下載使用。如果只係想放上Instagram、facebook等社交媒體上,絕對足夠有餘!

影紅葉有甚麼技巧?

到秋冬紅葉季節,親眼睇嘅時候,明明啲紅葉仲好鮮色、靚到仙境咁,但一攞起部相機,啲色就暗晒好冇feel?學識以下10個影紅葉技巧,就可以記錄低最靚嘅紅葉風景啦!

如何拍出呃like旅行照?

想擺脫「遊客照」,不再伸出老土的剪刀手拍照?以下8個簡單自然又不造作的拍照姿勢你都能駕馭!詳情請看

撰文:Yutorin圖片來源:新傳媒資料庫、VisitJapanTW、Facebook@清水寺、京都市觀光協會、