【東京放題】一個價錢食到飽,係放題嘅最大吸引力!日本嘢好食到停唔到口,想一食再食?咁就唔好錯過東京都內嘅平價高質放題店喇!除咗燒肉放題、刺身海鮮放題,就連和食都有放題!玩到攰,係時候填飽個肚喇!

撰文:yuri|圖片來源:

10間抵食東京放題店

1|Koe’ lobby【涉谷】

Koe’ lobby係2018年2月先開設嘅新店,由代官山人氣法國餐廳Ata主廚掛川哲司主理。呢間店喺早餐時段(7:30am-11:00am)提供連稅594円(約HK$42)嘅麵包buffet!

Koe' lobby嘅麵包每日都係新鮮製作。
Koe’ lobby嘅麵包每日都係新鮮製作。

Buffet包括厚切多士、餐包、英式鬆餅等5種常備款。由3樓嘅酒店廚房開始製麵糰,然後攞到1樓烤焗,所以喺呢度食嘅麵包,幾乎全部都係新鮮出爐!配合多種口味果醬,同自家製植物性牛油,可以嘆番個高質早餐。

環境寬敞有潔淨感,係食早餐嘅好地方!
環境寬敞有潔淨感,係食早餐嘅好地方!

Koe’ lobby
地址:東京都渋谷区宇田川町3-7
營業時間:7:30am-11:00pm(10:30pm last order)/早餐時段:7:30am-11:00am
休息日:全年無休
網頁:hotelkoe.com/food/

2|もうやんカレー【涉谷】

於東京都內有好幾間分店嘅人氣咖喱店もうやんカレー,以涉谷246店為首,推出午市buffet!連稅1,000円(約HK$70),女性及小童顧客更可獲贈飲品!

只需1,000円就可以食咖喱食到飽!
只需1,000円就可以食咖喱食到飽!

Buffet形式為首,先攞取餐碟,然後自由地裝盛咖喱、米飯、印度烤雞、沙律等料理。使用咗香味蔬菜、原創熟成香料慢煮而成嘅咖喱味道相當一絕!日本人更評論為「食過一次就會上癮」!

無論係拌菜定係咖喱都有豐富選擇!
無論係拌菜定係咖喱都有豐富選擇!

もうやんカレー246
地址:東京都渋谷区渋谷1-7-5 セブンハイツ1階
營業時間:11:30am-3:30pm(3:00pm last order)/6:00pm-11:30pm(10:30pm last order)
休息日:逢星期日
網頁:moyan.jp/

3|カオタイ【高田馬場】

連稅只需920円(約HK$64),就可以喺午市時間食到正宗泰國料理放題!喺充滿異國風情嘅店裡品嘗料理,感覺就好似去咗泰國咁!食得太多餐和食,想轉下口味嘅話,不妨試下呢間抵食泰菜!

食和食食到想轉口味時,不妨考慮下呢間甚有風味嘅泰菜!
食和食食到想轉口味時,不妨考慮下呢間甚有風味嘅泰菜!

另一方面,店內提供嘅料理每日都唔同,每次造訪都能夠品嘗到唔同風味嘅料理。除咗唔同嘅泰式小食,各式麵類、飯類等,都獲得唔少食客好評!

每日更換menu,食足一個禮拜都唔會厭。
每日更換menu,食足一個禮拜都唔會厭。

カオタイ
地址:東京都新宿区高田馬場2−14−6 アライビルB1/F
營業時間:11:30am-3:00pm(2:30pm last order)/5:00pm-11:00pm(10:30pm last order)
休息日:全年無休
網頁:spiceroad.co.jp/

4|隠れ房【新宿】

呢間餐廳提供較少見嘅和食料理放題,價格為平日1,300円(不連稅・約HK$91),星期六、日、假期1,500円(不連稅・約HK$105)。常備嘅料理竟然多達35種!啱晒揀食咩要揀十年嘅「選擇困難症」朋友們啊!

和食愛好者天堂出現喇!種類豐富嘅款式任你揀,一餐食到滿足!
和食愛好者天堂出現喇!種類豐富嘅款式任你揀,一餐食到滿足!

Lunch buffet為90分鐘制,於11:30am-2:30pm(2:00pm last order)期間可以大吃大喝和食料理!薯仔燉肉、豚肉生薑燒等日式家庭味道都可以食勻晒,簡直係和食愛好者嘅天堂!

睇日劇或電影時經常見到嘅經典和式料理,都能一餐食勻晒!
睇日劇或電影時經常見到嘅經典和式料理,都能一餐食勻晒!

隠れ房
地址:東京都新宿区新宿3-15-11 アドホック新宿ビル7/F
營業時間:
(午市)每日11:30am-3:00pm
(晚市)5:00pm-11:30pm(星期一至六)/5:00pm-11:00pm(星期日、公眾假期)
休息日:全年無休(年末年始營業時間將有所不同,請事先查詢)
網頁:dd-holdings.jp/shops/kakurebo/shinjyuku

5|crayon house organic restaurant 広場【表參道】

位於表參道crayon house地下1樓嘅餐廳広場,於11:00am-2:00pm(星期六、日、公眾假期10:30am~)嘅午市時間,會提供使用咗有機食材製作而成,對身體非常有益嘅料理buffet!

即使係平價放題,餐廳都係使用有機食材製作食品!
即使係平價放題,餐廳都係使用有機食材製作食品!

店舖提供嘅料理每日都唔同,每次光顧都可以品嘗到不同味道。除咗蔬菜小食等料理,就連飯同味噌湯都可以任食任飲!價錢只需1,500円(約HK$105)就食到健康又美味嘅料理!

餐廳環境光潔舒服,而且位於表參道呢個方便位置,食飽就可以過原宿繼續行街!
餐廳環境光潔舒服,而且位於表參道呢個方便位置,食飽就可以過原宿繼續行街!

クレヨンハウスレストラン 広場
地址:〒107-8630 東京都港区北青山3-8-15 クレヨンハウス東京 B1/F
營業時間:11:00am-2:00pm(午市)/2:40pm-5:30pm(下午茶)/5:30pm-11:00pm(晚市・10:00pm last order)
休息日:無休(年末年始除外)
網頁:crayonhouse.co.jp/shop/pages/restaurant.aspx

6|Kikori no Ouchi【新宿】

呢間主打芝士同和牛嘅創作料理店Kikori no Ouchi,只要喺午市時段order主菜料理(1,080円起・約HK$76),就可享有種類豐富嘅沙律吧同芝士火鍋放題!

芝士控必去午市放題!芝士以外,仲可以嘆埋和牛!
芝士控必去午市放題!芝士以外,仲可以嘆埋和牛!

怕食得多芝士、牛肉會好滯?可以食番個沙律中和一下!
怕食得多芝士、牛肉會好滯?可以食番個沙律中和一下!

可供選擇嘅主菜包括一共6種pizzas、燒牛肉丼飯、紅酒燉肉。沙律吧共有20種蔬菜,只係食個沙律吧都幾乎夠食飽!推薦蘸滿濃厚芝士,先再一口食落肚!

芝士版嘅朱古力噴泉!望落都覺得邪惡呀!
芝士版嘅朱古力噴泉!望落都覺得邪惡呀!

Kikori no Ouchi(きこりのおうち)
地址:東京都新宿区西新宿7-5-5 プラザ西新宿 B1/F
營業時間:12:00nn-2:30pm(2:00pm last order)/5:00pm-12:00mn(10:30pm last order)
休息日:無休
網頁:idealkitchen.jp/shop/cheesekitchen_b.html

7|TEXMEX FACTORY【涉谷】

TEXMEX FACTORY係可以品嘗到發源於美國嘅墨西哥料理「Tex-Mex cuisine」,平日午市時間限定,可以1,280円(約HK$90)品嘗到連飲品嘅墨西哥卷餅放題!

只需約HK就可以試勻晒一桌美食!
只需約HK$90就可以試勻晒一桌美食!

放入墨西哥卷餅嘅餡料食材可自己挑選,而配搭組合竟然多到135款!店內粉紅色牆裝修亦係吸引點之一。放題時間為11:30am-3:00pm。

特色裝修都係呢間墨西哥料理餐廳嘅一大賣點!
特色裝修都係呢間墨西哥料理餐廳嘅一大賣點!

TEXMEX FACTORY
地址:〒150-0041 東京都渋谷区神南1-19-3 ハイマンテン神南ビル2/F
營業時間:11:30am-11:00pm
休息日:無休
網頁:texmexfactory2016.com/

8|ひゃくてん【豪德寺】

特別推介呢間店畀「無肉不歡」嘅朋友們!ひゃくてん係一間燒肉店,平日只需990円(連稅・約HK$69),星期六、日、公眾假期1,080円(連稅・約HK$76)就可以大嘆午市燒肉放題!

豪德寺位於下北澤附近,食飽又可以充滿力量行街喇!
豪德寺位於下北澤附近,食飽又可以充滿力量行街喇!

午市燒肉放題提供嘅肉類有豬心、豬肝、豬頸肉等共8種,首先選擇1種鍾意嘅肉類,燒完後,再叫下一種肉,以逐碟換嘅方式落order。放題於11:30am-2:30pm(2:00pm last order)期間推出,而且,同燒肉一齊食嘅米飯、湯、小食等等,同樣以放題形式提供!

炭火燒肉風味獨特,唔使HK0就可以食燒肉放題!真係好抵食!
炭火燒肉風味獨特,唔使HK$100就可以食燒肉放題!真係好抵食!

ひゃくてん
地址:〒154-0021  東京都世田谷区豪徳寺1-41-5 工藤ビル1/F
營業時間:11:30am-2:30pm(星期一至五)/11:30am-3:00pm(星期六、日、公眾假期)(Last order為關門前30分鐘)
休息日:不定休
網頁:r.gnavi.co.jp/30pj82b20000/

9|Pungumu本店【新大久保】

呢間店專食韓國料理,只需1,100円(連稅・約HK$77)就能喺午市時段品嘗到30款以上嘅韓國料理!午市時間為11:00am-4:00pm(3:15pm last order)。

對午市放題嘅印象多數都係選擇少,而呢間有成30款揀!
對午市放題嘅印象多數都係選擇少,而呢間有成30款揀!

韓式年糕、韓式煎餅、韓式炒牛肉、韓式雜菜炒粉絲等等,各種各樣嘅韓國料理可以一間店就食勻晒!店內更有提供每日更換嘅菜單,以及根據季節變化推出特別菜單。飲品亦同樣係放題形式任飲!

由湯到主食都有豐富選擇,保證食到飽!
由湯到主食都有豐富選擇,保證食到飽!

プングム新大久保本店
地址:〒169-0072東京都新宿区大久保1-10-15 2階
營業時間:11:00am~翌日5:00am(翌日4:30am last order)/11:00am-4:00pm (3:15pm last order)(午市)
休息日:無休
網頁:pungumu.com/

10|たいこ茶屋【馬喰町】

只需連稅1,300円(約HK$91)就可品嘗到午市海鮮放題!店舖提供嘅刺身同海鮮,係每日新鮮運到,而且每日提供不同種類食品。唔使HK$100就食到新鮮刺身、海鮮放題,真係抵到爛呀!

係厚切吞拿魚啊!!呢間刺身海鮮非常高人氣,想試嘅話,就早啲去啦!
係厚切吞拿魚啊!!呢間刺身海鮮非常高人氣,想試嘅話,就早啲去啦!

除咗海鮮之外,仲有每日轉款嘅小食、沙律、味噌湯、甜品等等,款式之多,係你食到再食唔落都仍然未厭倦!就連白飯、醋飯都係放題形式提供,可以製作自己鍾意嘅海鮮丼!每朝10點就會派發記載咗入店時間嘅整理券,限制時間為50分鐘。

可以自己製作海鮮丼都係其一大賣點!呢個價錢實在抵食!
可以自己製作海鮮丼都係其一大賣點!呢個價錢實在抵食!

たいこ茶屋
地址:東京都中央区日本橋馬喰町2-3-2セントピアビルB1
營業時間:11:30am-2:00pm/5:00pm-11:00pm
休息日:不定休
網頁:taikochaya.jp/

延伸閱讀:【豊洲市場】記者直擊!新市場正式開幕 場內設施大解構|附食店位置、詳細交通方法

【東京美食】全部5或以下!東京都內10間抵食放題店|嘆炭火燒肉、任食刺身

延伸閱讀:熊本旅行必睇!10大日本美食住宿推介

【東京美食】全部5或以下!東京都內10間抵食放題店|嘆炭火燒肉、任食刺身

相關文章