九州景點2023丨日本全國遍布優美大自然景色,除咗shopping,更不能錯過自然靚景!睇睇日本九州地區有咩大自然絕景,令日本人都話:「人生一定要睇一次!」下次到訪九州,記得必去以下15個九州秘境!

撰文:CR|圖片來源:RETRIP

🇯🇵日本九州旅遊必備

九州景點2023丨15個必睇九州秘境!福岡紫藤花隧道、鹿兒島心形樹洞

九州景點丨1. 河內藤園【福岡縣】

坐落於福岡縣嘅「河內藤園」,每年春天都會被紫色、白色、粉紅色等垂藤裝飾成垂藤花隧道。而「河內藤園」嘅紫藤花隧道曾被海外旅遊網選為「世界絕景TOP 10」之一,成為受來自世界各地觀光客歡迎嘅人氣觀光熱點。呢個由垂藤編成嘅「花之隧道」夢幻春景,真係要用自己雙眼欣賞一次!

 九州景點 1|河內藤園【福岡縣】
1|河內藤園【福岡縣】

 九州景點 雨後嘅河內藤園,環境氣氛更似仙境!
雨後嘅河內藤園,環境氣氛更似仙境!

11月中旬至12月上旬更係賞紅葉嘅好時機!可以喺有近700棵樹之中欣賞滿滿紅葉。垂藤嘅欣賞時機就係每年大約5月初旬,有野田長藤、口紅藤、赤紫、紅、白、八重等22種類嘅花種。

 九州景點 河內藤園亦係一個賞秋楓熱點!
河內藤園亦係一個賞秋楓熱點!

 九州景點 坐喺漫山遍野嘅橙紅楓葉當中,甚有童話感覺。
坐喺漫山遍野嘅橙紅楓葉當中,甚有童話感覺。

河內藤園
地址:〒805-0045  福岡県北九州市八幡東区河內2-2-48
入園費:500円~1,500円(浮動制)高中生以下免費
開園時間:
(春季)藤園:4月中旬~5月中旬 8:00am-6:00pm
(秋季)紅葉:11月中旬~12月初旬 9:00am-5:00pm
網頁:kawachi-fujien.com/

九州景點丨2. 二見浦(二見ヶ浦)【福岡縣】

二見浦為福岡縣人氣觀光地,糸島半島嘅代表性絕景景點,其特徵為純白色大鳥居、夫婦岩。雖然同宮島嘅嚴島神社有啲相似,但氣氛相當獨特。

 九州景點 2|二見浦(二見ヶ浦)【福岡縣】
2|二見浦(二見ヶ浦)【福岡縣】

純白色鳥居配襯藍天,夢幻得嚟不乏莊嚴。日本人最推介嘅觀光時間帶為黃昏時段,夕陽、鳥居同夫婦岩合而為一嘅畫面令人目不暇給。

 九州景點 配合夕陽嘅美景,靜靜咁坐喺度欣賞,儼然是種享受。
配合夕陽嘅美景,靜靜咁坐喺度欣賞,儼然是種享受。

桜井二見ヶ浦
地址:糸島市志摩桜井
網頁:city.itoshima.lg.jp/s026/s040/010/020/010/050/sakurai.html

九州景點丨3. 佐賀國際熱氣球節【佐賀縣】

「佐賀國際熱氣球節」於每年10月下旬至11月上旬舉行,係亞洲最大型國際熱氣球節,可以一次過飽覽形形色色嘅七彩熱氣球,於日本國內亦是較罕見嘅活動。

 九州景點 3|佐賀國際熱氣球節【佐賀縣】
3|佐賀國際熱氣球節【佐賀縣】

 九州景點 滿天嘅熱氣球,令天空變得更加夢幻。
滿天嘅熱氣球,令天空變得更加夢幻。

漂浮於空中嘅熱氣球,無論喺白天、黃昏,定係夜晚睇都有唔同嘅面貌,入夜後,熱氣球甚至會著燈!浪漫又夢幻嘅光景,非常值得親身睇一次!

 九州景點 一年一度嘅盛事連絕景,熱愛日本嘅你又點可以唔睇一次!
一年一度嘅盛事連絕景,熱愛日本嘅你又點可以唔睇一次!

 九州景點 一般人只可以喺地面上觀賞熱氣球升空,係冇得乘坐熱氣球嘅!
一般人只可以喺地面上觀賞熱氣球升空,係冇得乘坐熱氣球嘅!

佐賀インターナショナルバルーンフェスタ
地址:〒840-0861 佐賀県佐賀市 嘉瀬川河川敷
舉行日期:10月31日~11月4日(2018年)
網頁:www.sibf.jp/

九州景點丨4. 御船山樂園【佐賀縣】

春天嘅御船山,可以見到以斷崖為背景,周圍被接近20萬棵盛開嘅杜鵑花所包圍,將地面染成七彩嘅春季景色。夏天嘅晚上,則會配合影像投影技術,喺湖面上投射出彩虹色影像,吸引唔少觀光客慕名來訪。

 九州景點 春天嘅御船山公園被滿滿嘅杜鵑花包圍,很是浪漫。
春天嘅御船山公園被滿滿嘅杜鵑花包圍,很是浪漫。

 九州景點 呢個夏天,公園同teamLab合作,晚間會有light-up show!
呢個夏天,公園同teamLab合作,晚間會有light-up show!

秋天則被紅葉染成一片深紅色,入夜後甚至會亮燈,令一片深秋景色更顯夢幻。一年四季無論咩時節來訪,都會有不同面貌,係能夠充分感受到春、夏、秋、冬四個時節嘅絕景景點。

 九州景點 平靜嘅湖泊有如鏡面一樣,將地上嘅秋景完美地映照出嚟。
平靜嘅湖泊有如鏡面一樣,將地上嘅秋景完美地映照出嚟。

 九州景點 春天另一風物詩,就係賞夜櫻!無論係春定秋,呢片景色都同樣迷人。
春天另一風物詩,就係賞夜櫻!無論係春定秋,呢片景色都同樣迷人。

御船山楽園
地址:〒843-0022 佐賀県武雄市武雄町大字武雄4100
入園費:成人400円/小學生200円(午間);成人1,200円/中高生800円/小學或以下免費(夜間)
網頁:www.mifuneyamarakuen.jp/

九州景點丨5. 浜野浦棚田【佐賀縣】

位於佐賀縣嘅「浜野浦棚田」,喺種田時期可以望到有如同大海接連嘅水田美景,係到訪佐賀縣時,必睇嘅一大絕景!

 九州景點 5|浜野浦棚田【佐賀縣】
5|浜野浦棚田【佐賀縣】

 九州景點 日間嘅梯田景色完全不遜夜景!幾點去睇都一樣壯觀!
日間嘅梯田景色完全不遜夜景!幾點去睇都一樣壯觀!

映照於梯田水面上嘅天空顏色,就如同鏡面一樣,無論係日出、日落,又或者係日間時分,隨時間推移可以睇到不同景色。除此之外,「浜野浦棚田」亦係一個人氣戀人勝地,同另一半去佐賀玩時,記得去影番張靚相呀!

 九州景點 日落時分唔止景色浪漫,仲非常有神秘感。
日落時分唔止景色浪漫,仲非常有神秘感。

 九州景點 同另一半一齊造訪嘅話,唔好忘記去呢個「戀人鐘」影番張相呀!
同另一半一齊造訪嘅話,唔好忘記去呢個「戀人鐘」影番張相呀!

浜野浦の棚田
地址:〒847-1433  佐賀県東松浦郡玄海町大字浜野浦
網頁:town.genkai.lg.jp/site/kankou/1288.html

九州景點丨6. 軍艦島【長崎縣】

軍艦島嘅正式名稱為「端島」,係明治時期日本嘅一座產業遺產,並於2015年被聯合國教科文組織列為世界文化遺產。

 九州景點 6|軍艦島【長崎縣】
6|軍艦島【長崎縣】

保留咗當時景貌嘅「軍艦島」,既逐漸廢墟化,同時帶畀人一種懷舊嘅氛圍。擁有不可思議魅力嘅「軍艦島」,係到訪長崎時,必造訪嘅景點之一!

 九州景點 「軍艦島」雖然已成廢墟,但廢墟同時又瀰漫住一種韻味,甚有懷舊氣息。
「軍艦島」雖然已成廢墟,但廢墟同時又瀰漫住一種韻味,甚有懷舊氣息。

 九州景點 長崎係個充滿古色風味嘅城市,出遊前,先了解一下長崎嘅歷史背景,相信會令你嘅旅程更加有味道。
長崎係個充滿古色風味嘅城市,出遊前,先了解一下長崎嘅歷史背景,相信會令你嘅旅程更加有味道。

軍艦島
地址:〒851-1315 長崎県長崎市高島町端島
網頁:nagasaki-tabinet.com/guide/51797/

九州景點丨7. 高濱海水浴場【長崎縣】

高濱海水浴場被稱為長崎首屈一指嘅絕景,亦係被認為「海灘的寶庫」嘅五島列島嘅代表。

 九州景點 7|高濱海水浴場【長崎縣】
7|高濱海水浴場【長崎縣】

高濱海水浴場係一個天然海水浴場,以日本第一美麗嘅白沙海灘著稱,由遠方觀看唔止見到沙灘,更可以欣賞埋泛著翡翠綠色嘅大海,有如一個隱世海灘。

 九州景點 沙白海藍,只係坐喺度咩都唔做,已教人身心放鬆。
沙白海藍,只係坐喺度咩都唔做,已教人身心放鬆。

 九州景點 日本第一白沙海灘,有機會真係想用雙眼去睇一次呢片景色。
日本第一白沙海灘,有機會真係想用雙眼去睇一次呢片景色。

高濱海水浴場
地址: 〒851-0503 長崎県長崎市高浜町3963番地3
網頁:daiwa-sg.co.jp/takahamakaisuiyokuzyou/

九州景點丨8. 稻佐山夜景【長崎縣】

長崎最具代表性嘅觀光熱點,非「長崎夜景」莫屬!特別係由海拔333米嘅「稻佐山」上俯瞰,整個燈火通明嘅長崎市夜景係日本三大夜景之一,每日都有無數觀光客慕名而來。

 九州景點 8|稻佐山夜景【長崎縣】
8|稻佐山夜景【長崎縣】

 九州景點 日本三大夜景之一嘅長崎夜景,filter都唔使落,已經係一幅畫。
日本三大夜景之一嘅長崎夜景,filter都唔使落,已經係一幅畫。

從淵神社到山頂有纜車來回運行,觀光客可由纜車嘅大玻璃中欣賞逐漸「擴大」嘅長崎夜景。喺稻佐山上欣賞嘅夜景,更被喻為價值「1,000萬美金的夜景」!旅遊長崎時,萬勿錯過!

 九州景點 由展望廳行上展望塔時,會經由一條旋轉樓梯,咁就可以360度無死角咁望勻成個夜景。
由展望廳行上展望塔時,會經由一條旋轉樓梯,咁就可以360度無死角咁望勻成個夜景。

 九州景點 由山上俯瞰萬家燈火,確為一種享受。
由山上俯瞰萬家燈火,確為一種享受。

稻佐山
地址:長崎県長崎市稲佐町
纜車費用:
(來回)一般1,230円(約HK$80)/初中・高中生920円(約HK$64)/小學生610円(約HK$43)
(單程)一般720円(約HK$50)/初中・高中生510円(約HK$36)/小學生410円(約HK$29)
營業時間:8:00am-10:00pm(展望塔);9:00am-10:00pm(纜車)
網頁:inasayama.net/

九州景點丨9. 竹樂【大分縣】

每年嘅11月第3個星期五、六、日會舉行名為「竹樂」嘅活動,2萬支竹燈籠排列於城下町一円,綿延成路嘅竹燈籠為竹田市增添上夢幻時刻。

 九州景點 風情滿溢嘅「竹樂」竹燈籠景致,十足十動畫世界先見得到嘅夢幻景色。
風情滿溢嘅「竹樂」竹燈籠景致,十足十動畫世界先見得到嘅夢幻景色。

 九州景點 由神社開始綿延成條路,宛如傳說《輝夜姬》嘅故事場面。
由神社開始綿延成條路,宛如傳說《輝夜姬》嘅故事場面。

「竹樂」有如重現《輝夜姬》嘅世界般夢幻。最具人氣嘅「十六羅漢」使用咗約3,000支竹燈籠,點燈嘅一刻同周圍嘅樹木相映成趣,互相襯托,令一眾觀光客都陶醉於美景當中。

 九州景點 一連三日嘅「竹樂」,每年都吸引眾多觀光客前來欣賞。
一連三日嘅「竹樂」,每年都吸引眾多觀光客前來欣賞。

 九州景點 秋天前往九州嘅朋友,夾到時間嘅,就唔好錯過喇!
秋天前往九州嘅朋友,夾到時間嘅,就唔好錯過喇!

竹樂
舉行地址:大分県竹田市城下町一円
舉行日期:2018年11月16、17、18日
活動範圍:城下町・竹田區
網頁:city.taketa.oita.jp/tikuraku/

九州景點丨10. 鍋瀑布【熊本縣】

位於熊本縣阿蘇郡小國町嘅「鍋瀑布」,因作為日本廣告拍攝地而聲名大噪,天然「水幕」更是令觀光客蜂擁而至嘅絕景!

 九州景點 有埋太陽嘅光芒,令景色更加似油畫裡嘅仙境一樣。
有埋太陽嘅光芒,令景色更加似油畫裡嘅仙境一樣。

 九州景點 水流成絲嘅模樣,既浪漫又具震懾力。
水流成絲嘅模樣,既浪漫又具震懾力。

「鍋瀑布」可以由岩石底下,從瀑布內側望番出去,以「裹見之瀧」聞名。由呢個角度望瀑布,可以見到猶如編織出嚟嘅一幕「水幕」,被喻為日本第一夢幻瀑布!配合周圍環境及陽光照射,景色有如仙境一樣!

 九州景點 走到瀑布後方欣賞「水幕」,又係一種唔同嘅觀景感受。
走到瀑布後方欣賞「水幕」,又係一種唔同嘅觀景感受。

 九州景點 日本第一瀑布嘅壯闊景色,係九州旅遊必睇嘅景點之一!
日本第一瀑布嘅壯闊景色,係九州旅遊必睇嘅景點之一!

鍋ヶ滝公園
地址:〒869-2502  熊本県阿蘇郡小国町黒渕
營業時間:9:00am-5:00pm(最後入園時間:4:30pm)
休園日:年末年始(12月28日~1月3日)
入園費:成人300円(約HK$21)/小童150円(約HK$11)
網頁:town.kumamoto-oguni.lg.jp/q/aview/143/273.html

九州景點丨11. 御輿来海岸【熊本縣】

睇絕景唔多唔少都關運氣事,位於熊本縣嘅「御輿来海岸」,每年集齊各種氣候條件,就有機會睇到退潮時殘留於沙上嘅沙紋。

 九州景點 11|御輿来海岸【熊本縣】
11|御輿来海岸【熊本縣】

 九州景點 無論日落定還是日間時分,沙紋嘅曲線都甚具魅力。
無論日落定還是日間時分,沙紋嘅曲線都甚具魅力。

以海岸退潮美景而獲得大量關注嘅「御輿来海岸」,於日落時會浮現出沙紋,天空嘅景色映照於水面上,形成十足CG一樣夢幻嘅日落絕景。計啱時間嘅話,絕對要親身去睇一次!

 九州景點 日出嘅光芒同樣令呢片景色更加夢幻。
日出嘅光芒同樣令呢片景色更加夢幻。

 九州景點 認住呢個牌!到時去到就搵定靚位欣賞絕景啦!
認住呢個牌!到時去到就搵定靚位欣賞絕景啦!

御輿来海岸
地址:〒869-3173  熊本県宇土市下網田町
網頁:city-uto.com/spots/okoshiki.htm (出發前,可上網查閱退潮時間帶)

九州景點丨12. 高千穗峽【宮崎縣】

「高千穗峽」位於被喻為「眾神降臨之地」嘅高千穗町,每年約有150萬以上觀光人次造訪嘅人氣觀光熱點。

 九州景點 觀光客可租坐艇仔遊覽高千穗峽,近距離欣賞瀑布景色!
觀光客可租坐艇仔遊覽高千穗峽,近距離欣賞瀑布景色!

 九州景點 配合埋陽光光線,果然有「眾神明降臨之地」嘅感覺!
配合埋陽光光線,果然有「眾神明降臨之地」嘅感覺!

「高千穗峽」最具代表性嘅,係照片中嘅「真名井瀑布」。約由17米高處瀉下嘅瀑布非常具震懾力,甚至被日本人稱為「能量熱點」嘅一片莊嚴景色。呢度同時係受到眾多風景攝影師熱愛嘅絕景景點,有機會去九州嘅,就要去睇睇喇!

 九州景點 喺濃濃秋意底下遊覽「高千穗峽」,景色更令人醉倒。
喺濃濃秋意底下遊覽「高千穗峽」,景色更令人醉倒。

 九州景點 作為宮崎縣一大名勝之地,不得不去親身感受壯闊莊嚴嘅絕景景致。
作為宮崎縣一大名勝之地,不得不去親身感受壯闊莊嚴嘅絕景景致。

高千穗峽
地址:宮崎県西臼杵郡高千穂町大字三田井御塩井
網頁:takachiho-kanko.info/

九州景點丨13. 百合之濱【鹿兒島縣】

「百合之濱」係位於鹿兒島縣與論島嘅絕景海灘,夏威夷著名嘅「天國之海」可以見到嘅「沙洲」狀態,於「百合之濱」一樣睇到!呢個自然現象更令「百合之濱」一躍成為備受注目嘅絕景熱點!

 九州景點 唔使去到夏威夷咁遠,想睇「沙洲」現象嘅話,日本都有一個!
唔使去到夏威夷咁遠,想睇「沙洲」現象嘅話,日本都有一個!

 九州景點 成個海灘只能用「水清沙幼」嚟形容!
成個海灘只能用「水清沙幼」嚟形容!

「沙洲」狀態指,經由浪潮嘅流動、退潮而令「沙洲」一度現出水面嘅自然現象,「百合之濱」因而被稱作夢幻海灘。令人詫異嘅超高透明度海水亦係其受歡迎之處。小心一個唔小心就睇到入晒迷!

 九州景點 白沙配合超清水域,除咗係絕景,簡直就有度假天堂嘅感覺!
白沙配合超清水域,除咗係絕景,簡直就有度假天堂嘅感覺!

 九州景點 「沙洲」現象唔係日日都有!想睇嘅,就預先上官網睇睇咩時節易啲見到啦!
「沙洲」現象唔係日日都有!想睇嘅,就預先上官網睇睇咩時節易啲見到啦!

百合之濱
地址:鹿児島県大島郡与論町古里
網頁:yorontou.info/spot/e000014.html (出發前,可事先查閱「沙洲」出現的日子)

九州景點丨14. Wilson株【鹿兒島縣】

位於鹿兒島縣嘅屋久島,最出名嘅非千年繩文杉莫屬!其中有棵超巨型嘅已砍繩文杉「Wilson株」。走入樹洞,由下往上睇,會發現一個非常明顯嘅心形洞口!

 九州景點 心形樹洞吸引唔少日本女性專誠嚟造訪。
心形樹洞吸引唔少日本女性專誠嚟造訪。

 九州景點 喺外面睇,就只係一個普通嘅巨大古樹之地,原來內有乾坤!
喺外面睇,就只係一個普通嘅巨大古樹之地,原來內有乾坤!

作為一個天然形成嘅心形形狀,自然會成為祈求姻緣愛情嘅「能量熱點」啦!唔少日本女性特登遠征屋久島,就係為咗拜訪呢個心形洞口,為自己嘅愛情路加油。

 九州景點 要影一個完美嘅心形,都係好靠角度嘅!
要影一個完美嘅心形,都係好靠角度嘅!

 九州景點 屋久島呢個神聖之地,係人生必到嘅其中一個絕景景點!
屋久島呢個神聖之地,係人生必到嘅其中一個絕景景點!

ウィルソン株
地址:鹿児島県熊毛郡屋久島町
費用:(荒川登山巴士券)中學生或以上:單程870円(約HK$61)/小學生:單程350円(約HK$25)
網頁:yakukan.jp/

九州景點丨15. 白谷雲水峽【鹿兒島縣】

喺日本幾乎係無人不知嘅知名「能量熱點」,亦係觀光客當中極受歡迎嘅人氣觀光景點。

 九州景點 流水有如白雲一樣,景色夢幻優美。
流水有如白雲一樣,景色夢幻優美。

 九州景點 白谷雲水峽同樣位於屋久島內,感覺既神聖,又帶有神秘感。
白谷雲水峽同樣位於屋久島內,感覺既神聖,又帶有神秘感。

有說由吉卜力工作室出品嘅人氣動畫電影《幽靈公主》,就係以「白谷雲水峽」嘅景色為原形,其獨有嘅神秘氛圍令一眾觀光客為之陶醉。打算前往世界遺產之一嘅屋久島時,不妨睇埋呢個被綠色包圍嘅世界。

 九州景點 作為《幽靈公主》嘅背景原形,屋久島嘅自然景色果真不乏異樣嘅神秘感。
作為《幽靈公主》嘅背景原形,屋久島嘅自然景色果真不乏異樣嘅神秘感。

 九州景點 被綠色大自然包圍,喺洗滌心靈嘅同時,可感受大自然嘅壯麗。
被綠色大自然包圍,喺洗滌心靈嘅同時,可感受大自然嘅壯麗。

白谷雲水峽
地址:鹿児島県熊毛郡屋久島町宮之浦
費用:(荒川登山巴士券)中學生或以上:單程870円(約HK$61)/小學生:單程350円(約HK$25)
網頁:yakukan.jp/

圖片來源:相關機構