【日本藥妝】呢排天氣明顯轉涼,又要開始搜羅新護膚品喇!對於鍾意化妝嘅女性嚟講,秋冬時節,對潔面產品尤其「揀擇」!要清潔得乾淨之餘,又要有足夠保濕效果,免得殘留嘅化妝品釀成毛孔問題,又或保濕度不足嘅產品導致皮膚乾燥!睇睇日本藥妝店top 10人氣洗面產品,入手日本妹零瑕疵美肌嘅護膚法寶!

撰文:RY|圖片來源:@cosme

日本藥妝店Top 10人氣洗面產品

毛孔中嘅污垢多數源自殘留化妝品、空氣中嘅塵埃等,每日將妝容卸乾淨,保持肌膚乾淨,係通往零毛孔美肌嘅第一步!以下就從日本藥妝店買得到嘅產品中,蒐集咗10款高評價毛孔清潔+保濕嘅洗面產品,過一個皮膚水潤又乾淨嘅秋冬!

第10位:POND’S clear face Cream Cleansing/270g

售價:1,355円(約HK$94)

第10位:POND’S clear face Cream Cleansing/270g

含韓國植物萃取物,由美容cream誕生而成嘅cleansing cream。質感輕盈順滑,可以去除老舊角質、黑頭,以及令皮膚變得水潤有光澤。

於乾燥季節使用都仍然水潤保濕,使用後,感覺皮膚有彈性、更有透明感。推薦擔心潔面後皮膚變乾嘅人使用!

@cosme・yocco0722

第9位:skinvill hot cleansing gel/200g

售價:2,036円(約HK$142)

第9位:skinvill hot cleansing gel/200g

塗抹時有溫熱感嘅hot cleansing gel,加入咗skinvill史上最高峰嘅99.7%美容液成分。利用溫感令毛孔打開,除咗可以卸妝,更可清除毛孔內嘅污垢同空氣中嘅微粒子。成分加入咗有效緊致肌膚嘅北美金縷梅萃取物,潔面後,皮膚緊致有彈性。由於會吸緊化妝品及污垢粒子,因此潔面時不需用力搓揉,減輕臉部摩擦,亦唔使洗2次面。

@cosme・マコ21

第8位:Cleansing Research gel cleansing/145g

售價:1,080円(約HK$75)

加入AHA成分嘅Aqua Gel,即使係濃厚眼妝、毛孔污垢都能輕鬆洗乾淨,而且唔使洗2次面!配合Aqua Moisture處方,具有強效潔淨力之餘,唔會有黏膩感,沖洗後感覺清爽。

第8位:Cleansing Research gel cleansing/145g

第7位:HIPITCH Deep Cleansing Oil W/170ml・190ml

售價:749円(約HK$52・170ml)/900円(約HK$63・190ml)

以打圈按摩嘅方式將油分滲進皮膚中,令化妝品粒子及毛孔中嘅污垢浮起,徹底洗走!可於手、臉都濕咗水嘅情況下使用。帶有天然橙油、桉油嘅香味,除咗有潔面功效,更可寧神放鬆。

第7位:HIPITCH Deep Cleansing Oil W/170ml・190ml

即使有十足潔淨力,但洗淨後,既有著清爽感,同時亦有充分保濕功效,令肌膚狀態處於容易吸收護膚品效力嘅狀態。

@cosme・c230w202

第6位:cow brand無添加  無添加卸妝油/130ml・150ml

售價:700円(約HK$49・130ml)/880円(約HK$61・150ml)

為保護細膩肌膚而採用無添加、低刺激成分製成嘅卸妝油。由於加入咗具有保濕成分嘅神經醯胺,即使喺化咗濃厚妝容嘅日子,都能邊保持肌膚水潤,邊具有清潔功效。

第6位:cow brand無添加  無添加卸妝油/130ml・150ml

明明係油,質感卻非常清爽不黏膩,滲進肌膚後,可令化妝品粒子及毛孔污垢浮起。連眼部等細膩部位嘅妝容,都可以不經摩擦地輕鬆卸乾淨。

@cosme・midori31

第5位:Cleansing Research Wash Cleansing b/120g

售價:1,080円(約HK$75)

第5位:Cleansing Research Wash Cleansing b/120g

1支有卸妝、洗面、化妝水3大功效嘅超方便洗面產品!由於不含磨砂成分,有效減低對肌膚嘅刺激,即使係敏感肌也能放心使用。可洗淨毛孔內嘅污垢、老舊角質及多餘皮脂,令肌膚變得有彈性及明亮。

第4位:Utena Moisture Cold Cream/250g

售價:775円(約HK$54)

第4位:Utena Moisture Cold Cream/250g

可用水清洗或用化妝棉拭走嘅兩用cleansing cream。加入咗具有保濕成分嘅蘆薈萃取物,可充分清走化妝品、毛孔深層污垢嘅同時,調整肌膚至柔滑狀態。潔面之外,更可當作按摩膏使用。

連粉底都能充分卸淨,沖洗後,皮膚能保持水潤。

@cosme・ニーナ

第3位:ELIXIR Balancing Bubble/165g

售價:1,944円(約HK$136)

第3位:ELIXIR Balancing Bubble/165g

濃密泡沫可深入至毛孔深處,洗淨污垢。有效調整肌膚皮脂、水分平衡,引導肌膚成為零毛孔光澤肌狀態。能充分洗走髒粒子,而且不需二次洗淨,可縮短潔面時間。

唧出時係透明啫喱狀,一接觸空氣便逐漸變成白色兼脹起,形成濃密細膩嘅泡沫,洗淨後,肌膚水潤有彈性。

@cosme・ぷりん★ミ

第2位:CHIFURE Washable Cold Cream/300g

售價:650円(約HK$45)

第2位:CHIFURE Washable Cold Cream/300g

話題性超高產品!質感柔滑,伸展性佳,可用作按摩膏使用嘅洗面乳。一搽上面就能滲進妝容之中,連毛孔深層都能夠清潔乾淨。常溫水或暖水都能輕鬆洗走,並調整肌膚至光滑嘅零毛孔美肌!

既是擁有300g大容量,又是平靚正嘅開架牌子,每日都能不心痛地大量使用於潔面及按摩。喺感受到肌膚變得乾淨無垢嘅同時,亦能感受到被水潤感填滿肌膚嘅感覺。

@cosme・ramukina

第1位:FANCL Mild Cleansing Oil/10包・60ml・120ml

售價:500円(約HK$35・10包)/980円(約HK$68・60ml)/1,700円(約HK$119・120ml)

第1位:FANCL Mild Cleansing Oil/10包・60ml・120ml

可以將卡在毛孔裡嘅粉刺、黑頭溶出嘅卸妝油。明明係油分,但毫無黏膩感,清爽嘅使用感獲得用家們嘅超高評價!持有強效潔淨力嘅同時,能保持肌膚水潤,打造光滑美肌。

最大魅力在於只需輕掃兩下,就能卸走化妝品。有效減低對肌膚嘅摩擦,感覺有如將卸妝油輕輕滑過肌膚,就可以卸乾淨妝容般。

@cosme・aya-pippi

相關文章