Kakao Friends又有新活動出爐喇!今個月頭Kakao旗下的Kakao Game就在弘大舉辦了首個遊戲展覽,讓參觀者在Ryan的帶領下,盡情體驗結合最新VR+AR技術的遊戲空間!

撰文:Yanco | 資料來源:Kakao Friends官方網站 | 圖片授權:[email protected]edgarlorentz

Kakao Game首個展覽

Kakao Game首次舉辦展覽,選擇了位於首爾心臟地帶的弘大區Kakao Friends Concept Museum作為展覽場所,地理位置超級方便!

海報上面就有大大個Ryan同你招手!

展覽進場位置更有巨型Ryan歡迎大家嚟玩!

用AR召喚Ryan 帶你行勻展區!

女朋友瘋狂shopping嘅同時,可以放低男朋友喺度玩個夠本!或者一齊玩亦得!參觀者只要下載Kakao Concept Museum的應用程式,就可以召喚Ryan帶你行勻成個展覽,一齊玩盡多款最新的VR遊戲!

參觀者可以下載Kakao Concept Museum的應用程式,透過AR技術,讓Ryan出現於眼前作展覽導航!

一齊跟住Ryan行展覽玩新games!

親身落戰場 實試降落傘!

展覽入面有個超受歡迎嘅戰場區!如果好奇平時手機遊戲《PUBG MOBILE》「食雞」,停留喺安全區外的磁場威力究竟有幾強的話,喺度就可以親身體驗下喇!參加者更可以利用VR技術,體驗以降落傘降落戰場嘅滋味!

親身走入戰場,透過VR體驗「食雞」的滋味!

平時喺game入面跳傘就跳得多,今次可以用VR自己試下跳番次喇!

Friends Racing 實時4人友誼賽

如果同三五知己一齊去玩的話,不妨一齊玩番轉賽車game,睇下邊個可以做「世界冠軍」呀!

同朋友即場走番轉,睇下邊個可以做到「世界冠軍」啦!

做世界冠軍嘅福利就是有Ryan同Apeach頒獎給你喇!

AR照片區+互動投影專區

在「黑沙漠展廳」中設有AR照片區,參觀者可以拍攝服裝、遊戲角色及其紀念畫,感受黑沙漠的魅力! 中間還有一個互動的書籍裝置,將世界地圖及各地風光投影出來!

互動投影專區

黑沙漠遊戲角色的服裝展覽。

展期超長 去到下年!

展覽嘅展期去到下年,嚟緊會去首爾旅行嘅朋友就唔好錯過喇!

Kakao Game展覽

展期:即日起至2019年3月31日
開放時間:每天11:00am-8:00pm,最後進場時間7:30pm (每月最後一周星期一休息)
地點:Kakao Friends Concept Museum (B1/F)(顯示地圖
票價:免費

圖片來源:Kakao Friends Instagram

下一頁:韓國人氣展覽「人生照相館2」回歸!會場化身超大型攝影廠!畀你瘋狂影呃like靚相!