日本100円店日本旅遊指定動作!去100円店掃貨!一間店閒閒哋都有過千種產品,咩先至係真正值得買呢?平還平,都係錢嚟嘛!睇睇日本達人推薦,3大長年熱賣人氣產品,同4款新出超方便產品,下次掃貨就唔怕買咗一堆冇用嘅嘢返嚟啦!

撰文:Carmen|圖片來源:《ヒルナンデス!》

必買!日本100円店Best 7人氣產品

1|DAISO Nail Kiss

日本100円店
DAISO長年超熱賣產品Nail Kiss。

2000年發售,至今18年都依然係超搶手人氣便利產品!卸指甲油時,一般方法都係用棉花+卸甲水,費時又搞到啲棉花甩到周圍都係!

日本100円店
用棉花+卸甲水費時又污糟!

Nail Kiss只需3秒就能將指甲油卸得乾乾淨淨!一推出就大受歡迎!試過因為太賣得而一時停止出貨。咁高質素都只係賣100円,絕對係入貨首選呀!

Nail Kiss試過因為太好賣,而一度停止發售。

2|CanDo 便攜去污筆

2018新發售產品,筆頭有清潔劑成分,細細支非常方便帶出街,出街食麻辣都唔怕食到成身辣油啦!

CanDo 2018新發售產品,筆頭有清潔劑成分,擦得乾淨冇痕跡!

用法:1)喺污跡下放塊布。

用法:2)用水沾濕污跡範圍。

用法:3)用去污筆擦拭。

左邊係使用咗去污筆清潔後嘅狀態。

3|CanDo 塑膠製兔子形開瓶器

CanDo嘅超人氣長壽產品,簡直係每個家庭必備嘅商品!

熱賣超過10年!係登上過日本雜誌嘅傳奇產品。據達人所講,呢個開瓶器係無論幾緊嘅樽蓋都可以輕鬆扭開嘅製品,平得嚟非常有實力,CP值超高!

細樽蓋可善用兔仔耳嘅部分打開,設計性佳。

細樽蓋可善用兔仔耳嘅部分打開,設計性佳。

4|DAISO 便利攪拌器

2018年新發售產品,簡直係懶人一族必備的廚房工具!

2018年新發售產品,簡直係懶人一族必備的廚房工具!只要按壓前端就會轉動,對於一眾放工後仲要煮飯嘅媽媽嚟講,可以大大省略時間之餘,仲可以慳番手臂嘅力!

只要按壓前端就會轉動,慳水又慳力!

使用方法簡單又快捷,連小朋友都可以安全使用。有咁好玩嘅工具,以後就叫得郁小朋友幫手準備晚飯啦!

使用方法簡單又快捷,連小朋友都可以安全使用。

5|DAISO 萬能去芯匙

DAISO萬能去芯匙。

2018新發售產品,無論咩size,都可以靠呢隻有鋸齒嘅匙嚟輕鬆切走芯/蒂!唔使再用菜刀咁危險!

無論咩size,都可以靠呢隻有鋸齒嘅匙嚟輕鬆切走芯/蒂!唔使再用菜刀咁危險!

切走椰菜芯,再喺芯位放入浸咗水嘅脫脂綿,就可以延長保存期。

喺芯位放入浸咗水嘅脫脂綿,就可以延長保存期。

可以移動保護套調整刀刃長度,fit番蔬菜芯嘅大小。

可以移動保護套以調整刀刃長度。

6|CanDo Orange Peeler

6|CanDo Orange Peeler

2001年發售嘅超人氣長壽產品!對於鍾意食柑橘類水果嘅家庭嚟講,係必備工具!

使用方法係用尖嘴位置嚟割開厚硬果皮。

使用方法係用尖嘴位置嚟割開厚硬果皮,可以避免果汁四濺之餘,還可保持果肉外形。

對比起上圖用手掰開果皮,下圖可見用peeler能避免果汁四濺之餘,還能保持果肉外形。

7|DAISO 雞蛋花紋切割器

7|DAISO 雞蛋花紋切割器

2018年新發售產品!對於鍾意帶飯嘅一眾打工仔嚟講,可以用最簡單嘅方法嚟令飯盒更加繽紛,食慾都大增啦!

只需要將隻烚蛋放喺切割器上,然後向前滾。

咁就可以靚靚咁切到隻花紋雞蛋喇!

 

相關文章