香港航空近來頻頻傳出倒閉傳聞,昨日又懷疑出了一個照抄對手國泰的廣告要急忙刪帖,國泰仲立即在社交媒體出post極速抽水,被受網民大讚公關又贏了一仗!其實近年國泰航空玩social media及一些「德政」為「因航」挽回不少民望,當中的鬼馬回覆,值得GOtrip寫篇文為大家回顧!

撰文:f、Yanco | 圖片來源:國泰航空 facebook 專頁、香港航空討論區 (HKADB)

01|港航廣告疑似抄襲國泰

香港航空尋日出咗個廣告,搵嚟佢哋嘅空少兼且係現役香港棒球代表隊投手楊貫軒(Brian)宣傳香港夢,但眼利嘅網民立即指出港航廣告概念疑似抄襲對家國泰2年前嘅concept,玩半邊人合成照,有幾相似?大家睇下就明!

港航1月3日出嘅post,新聞爆出後已被刪除。(網上截圖)

國泰2年前的舊廣告,文案主要講空少的旅遊故。(網上截圖)

港航刪帖 國泰立即抽水

事後港航知?後極速刪post,改用沒有合成半邊人的圖片重出facebook feed,行內傳聞出事原因係背後是同一間廣告公司,最近轉咗去營運港航facebook之後舊橋重出。網民圖已cap,難免蜂擁前往踩一腳,而對家國泰公關亦立即調動「抽水機」重出舊post回應,仲用「#跟我們」hashtag過HX一幢,賺了不少網民的花生殻?

網民指抄襲唔係新聞,不驚訝

關於美學的批評,我識條鐵咩~

真.傑出公關系列

出花生post先有得加人工嘅咩?咁KPI點計先?

02|為蝕賣頭等機票事件找數

唔只尋日呢單花生料,1月1日國泰因為售票系統人為出錯,賣出「半折」頭等越南至美加來回機票,國泰最終1月2日在facebook出帖「找數」,所有以Error fare買到超級優惠機票人士全部獲得confirm,帖文仲用咗TVB聖誕夜黃金時段嗰條「蘋果廣告製作公司」煙花爆片祝賀買家,呢單Error fare估計國泰蝕過6、7位數字,但讚回facebook上的like就當賣廣告吧!

國泰1月2日出的找數帖文

國泰扮神秘「蘋果廣告」影片出帖確認為Error fare找數。

03|國泰機身印錯公司名

早前香港航空討論區瘋傳一組照片,照片中可見國泰777機身身上的國泰英文名竟然由本來的「CATHAY PACIFIC」串成「CATHAY PACIIC」。有員工以膠紙覆蓋「IIC」三字,令錯處更加顯眼。

圖片來源:香港航空討論區 (HKADB)

國泰串錯公司名之餘,還要印在航機機身之上,鑄成「大」錯,引來關公災難!幸好國泰公關團隊反應夠快,於facebook專頁極速回應,以「突發!期間限定777機隊外觀」為題,靚抽串錯字航機為特別版,幽默地說:「特別版向來一瞬即逝。因此她正返回基地重新塗裝。再見!」表示公司已經立刻處理錯字版航機,迅速交代後續處理,非常抵讚!

圖片來源:國泰航空 facebook 專頁截圖

公關團隊鬼馬回應

國泰公關團隊更積極回覆網民的留言,對答內容又夠抵死,難怪博得網民like爆!

圖片來源:國泰航空 facebook 專頁截圖

圖片來源:國泰航空 facebook 專頁截圖

就連公關page都留言,希望保留呢款咁特別嘅「CATHAY PACIIC」777航機!

圖片來源:國泰航空 facebook 專頁截圖

圖片來源:國泰航空 facebook 專頁截圖

圖片來源:國泰航空 facebook 專頁截圖

圖片來源:國泰航空 facebook 專頁截圖

見到公關團隊今次奮身拯救關公災難咁精彩嘅表現,網民都給予公關一致好評!

圖片來源:國泰航空 facebook 專頁截圖

04|因航雞卷玩自嘲

CX的飛機餐是不少乘客為之垢病的痛腳,近年稍有改善,facebook team也在面書上唔hard sell「我有得派返熱餐喇~」,反而兜個靚圈講呢件事,仲加「#因航雞卷」做hashtag,成功吸like!帖文引來不少網民回應,真心粉絲撲出嚟讚返CX,好多年未見過了!

唔硬sell台北航線派番熱餐,呢個feed仲落埋 #因航雞卷 hashtag!

相關文章