「秋風起，容易肥」，一年容易又到咗秋天，就係最啱做戶外運動嘅季節。不過，因為香港天氣都比較悶熱潮濕，所以選擇衣服時，也有很大的限制，想要著得型又要具備功能性，真係好難！依家小編就教你秋天做運動應該點襯最好喇！
撰文：Manyi｜圖片來源：bossini
秋天最啱戶外運動 即學最潮秋季運動look
秋風吹，做完運動好易冷親，但著風褸又怕太焗？著通風透氣嘅風褸就冇煩惱啦！近年流行運動休閒look，著件印花T-shirt打造層次感，可以讓你又型又舒適地行街拍拖！
如果嫌淨色太沉悶，又唔鍾意太鮮艷嘅顏色，可以選擇以下嘅暗花迷彩風褸及長褲，能夠保持低調又有啲「睇頭」，整個look有型又健康，簡直係啱晒又想型又想休閒舒適嘅你！
有時跑跑下步落雨又唔想停，就可以揀有帽短袖tee， 讓你無懼風雨繼續跑！加上設計是hoodie款式的變奏版，不禁有陣street wear味，想型就話都冇咁易啦！
鍾意跑步嘅朋友就會深深明白跑完步件衫黐住皮膚嗰種感覺，而經過quick dry處理嘅無縫T-shirt就可以幫你保持身體乾爽舒適，令你幾時都咁無拘無束！而配上一條收身淨色長褲，顯瘦之餘又百搭，係你做運動嘅必備單品！
想健康性感？著sports bra加件褸，即刻造到健康性感嘅效果！加上最新流行嘅大理石圖案，襯純白色外套，做完運動出入冷氣地方又唔會凍親，而且黑白色monotone簡單又得體，係你今個秋天嘅最佳選擇！