【北海道初雪】雖然昨日日本天氣網出咗預告,話今日北海道會落第一場雪,但又點估到明明上月底都仲有成37℃嘅北海道,今日就落第一場雪!要去北海道嘅朋友記得帶多件衫,等天氣穩定後,先好登山呀!

撰文:Yutorin|圖片來源:株式会社りんゆう観光、Weather News JP

北海道初雪 寒流入侵

北日本受高空寒流入侵影響,據營運大雪山層雲峽黑岳纜車嘅Rinyu觀光公司所述,今朝(17日)喺北海道嘅大雪山黑岳石室附近開始降雪,8月便迎來初雪。呢個紀錄係1974年以來最早嘅一場雪,以8月初雪嚟講,則相隔15年再次迎來。

北海道嘅大雪山黑岳石室附近開始降雪,8月便迎來初雪。

昨日(16日)因低氣壓而使日本全國受豪雨影響,低氣壓亦颳過北海道東面海域,令北海道處於該當季節以外嘅「西高東低」,冬季先有嘅氣壓配置。

颳過嘅低氣壓後方伴隨雨雲向北海道襲來,而且帶有寒氣,北海道上空近1,500m附近地方將流入約3℃寒流空氣。因此,標高1,890m附近嘅黑岳石室附近降雪,仲開始薄薄積雪。

標高1,890m附近嘅黑岳石室附近降雪,仲開始薄薄積雪。

不要強行登山

凍到落雪之餘,仲預測有15m/s嘅強風吹來,山上氣候有別於夏季該有模樣,如果非要登山,就必須做好防寒裝備,多加厚衣。強風冷雨有機會引致低溫症而出意外,對身體狀況同所持裝備冇十足把握嘅,謹記唔好登山!

高山有寒流入侵,謹記唔好強行登山,要做足保暖措施!

星期六(18日)低氣壓同寒流會向東面遠離,天氣預測會回復穩定。

相關文章