【Duffy新朋友Olu】兩星期前介紹過,Duffy有個新朋友叫做Olu,fans都好關心佢「真身」會係點,今個星期終於見到喇!快啲睇下先!

撰文:迪士琪 | 圖片來源:Disney Parks blog、Ig

夏威夷限定「Olu」

Olu唔會喺任何一個國家的迪士尼樂園登場(至少暫時都唔會)!咁點先可以見到佢呢?原來係要去到……夏威夷!

Olu剛剛於夏威夷Ko Olina的Aulani Disney Resort & Spa Aulani內登場,但暫時只見精品及食物,未見「真身」!

喜歡彈結他、唱歌的Olu!
喜歡彈結他、唱歌的Olu!

東京迪士尼官網都有介紹新朋友:香港的Cookie及夏威夷的Olu!

【Duffy新朋友Olu】率先睇Olu新登場產品!龜殼圖案超似美國隊長個盾!

Olu故事書

Fans應該好清楚,Duffy識每個新朋友都有段古,今次都唔例外!話說米奇同Duffy,因為想搵份完美的生日禮物畀ShellieMay,所以揚帆出海周圍搵。

途中被ukulele的聲音吸引住,引領到一個海灣,原來玩ukulele就係「Olu」!見面之後,Olu仲唱咗首歌畀米奇同Duffy聽!

Duffy聽完之後,覺得歌聲非常漂亮,認為係最好的生日禮物,所以就帶咗Olu去ShellieMay個生日party,唱歌畀ShellieMay聽!

震驚!龜殼有「隱藏米奇」!

之前官方的發相只得Olu的正面,當其正式登場之後,發現龜殼上有Hiddle Mickey隱藏米奇,整體感覺有點似美國隊長個盾!

產品以毛公仔為主

跟Duffy及其他朋友一樣,Olu最主要的商品是毛公仔,當然有衫賣!

美國人最愛買pin

去過美國迪士尼的朋友都會發現,特別多pin賣,因為美國人有儲pin的習慣,而Olu都唔例外,推出了不少pin。

酒店餐廳供應Olu甜品

除了精品,酒店還獨家供應Olu的甜品,我覺得macaron都算幾得意。