【Tokyo Disney Sea】東京迪士尼海洋宣布大型擴建工程啟動!今次新增嘅主題園區係《冰雪奇緣》、《魔髮奇緣》同《小飛俠》,係東京迪士尼海洋開園以來投資額最多、擴張面積最大嘅擴建計劃!除咗增設園區,仲會有新酒店落成!超級期待呀!

撰文:Carmen|圖片來源:Tokyo Disney Resort

東京迪士尼海洋新園區名稱+預覽圖公布!

日本迪士尼於2018年落實擴建新園區,今日終於開始動工並宣布新園區的名稱——「Fantasy Springs」!

而園區入口的預覽圖亦首度曝光,遊客會在園林、石景及瀑布間穿梭,仔細看更會發現有很多迪士尼人物隱藏在巨石當中,日與夜分別呈現兩種截然不同的感覺,非常夢幻!

東京迪士尼海洋Fantasy Springs

東京迪士尼海洋Fantasy Springs入口概念圖。

不愧是迪士尼樂園,每次都總是從細節位給予遊客各種驚喜,大家放大圖片後又找到多少個人物呢?

東京迪士尼海洋Fantasy Springs入口概念圖。

 

東京迪士尼海洋Fantasy Springs入口概念圖。

東京迪士尼海洋Fantasy Springs入口概念圖。

園區增設位置及概要

呢次擴建選址係連接東京迪士尼樂園同東京迪士尼海洋嘅停車場,官方將轉用呢塊地做東京迪士尼海洋嘅擴張版圖。即將增設嘅設施有:遊樂設施(4個)、飲食設施(3個)、商品設施(1個)、酒店(1間),新園區預計將於2022年中落成並開業!

綠色圈為東京迪士尼樂園,藍色圈為東京迪士尼海洋,紅色圈則為東京迪士尼海洋擴建選址。

新主題區域概要

新主題區域以「由魔法之泉引導的迪士尼夢幻世界」為主題,由3個充滿魔法元素嘅迪士尼故事所構成嘅園區。成為呢個園區嘅題材作品,就係受到各年齡層絕大歡迎嘅迪士尼動畫電影,如《冰雪奇緣》、《魔髮奇緣》、《小飛俠》。當遊客踏足呢個園區,就能探索Anna同Elsa嘅Arendelle王國、聳立在森林深處樂佩嘅高塔、小飛俠彼得潘・小叮噹・Lost Boys嘅故鄉夢幻島,體驗充滿魅力嘅夢幻世界!

新主題區域以「由魔法之泉引導的迪士尼夢幻世界」為主題。

東京迪士尼海洋今次新建嘅遊樂設施同酒店,全部都係新開發嘅概念主題,亦係世界上所有迪士尼主題樂園裡唯一「圍繞海洋嘅故事及傳說」為主題嘅樂園。

新主題樂園全景概念圖。

01|《冰雪奇緣》主題園區

以大受歡迎嘅迪士尼動畫電影《冰雪奇緣》為舞台嘅園區,遊客們可進入故事結尾,Elsa施展冰雪魔法後嘅世界,探訪打開大門嘅Arendelle王國。園區將導入環繞Anna同Elsa兩姊妹動人心弦嘅故事相關遊樂設施,以及在美麗雪山下的Arendelle王國中建餐廳。

園區以大受歡迎嘅迪士尼動畫電影《冰雪奇緣》為舞台。

遊客可乘坐小船,重溫Anna同Elsa嘅窩心故事。邊聽住電影內令人印象深刻嘅名曲,邊體驗帶有少許刺激感嘅遊樂設施。

《冰雪奇緣》主題園區概念圖。

02|《魔髮奇緣》主題園區

以迪士尼動畫電影《魔髮奇緣》為主題,環繞樂佩作為「家」嘅高塔所在地:森林深處。在此園區,你可以同樂佩一同體驗電影中所描繪嘅天燈節,亦可到喺電影登場嘅惡人們嘅隱世小店裡作客用餐。

園區以迪士尼動畫電影《魔髮奇緣》為主題。

遊樂設施方面,可體驗對樂佩嚟講「最好的一日」嘅,前往天燈節嘅路。坐到小船上嘅遊客們,可同樂佩一齊前進,旅程嘅終點,將伴同電影裡令人感動嘅名曲,被無數個美麗搖曳嘅天燈包圍,體驗充滿浪漫美景嘅經典場面。

《魔髮奇緣》主題園區概念圖。

03|《小飛俠》主題園區

以迪士尼動畫電影《小飛俠》為舞台,喺彼得潘・小叮噹・Lost Boys所居住嘅夢幻島裡,你將同佢哋一齊展開新嘅冒險旅程!喺呢個園區,你可體驗到飛越夢幻島森林與海盜戰鬥嘅大型遊樂設施、造訪小叮噹與妖精們居住嘅Pixie Hollow,又可邊飽覽夢幻島嘅美麗景色邊享用餐點。

園區以迪士尼動畫電影《小飛俠》為舞台。

喺大型遊樂設施裡,為咗拯救被海盜擄走嘅約翰(溫蒂的弟弟),遊客們將乘上小船,緊追住Lost Boys一同上天下海!加上音樂同3D角色人物影像,你可體驗到充滿震撼嘅夢幻島冒險旅程!

《小飛俠》主題園區概念圖。

04|迪士尼酒店

新酒店以新主題園區,被魔法之泉圍繞嘅主題為核心設計。喺呢個以迪士尼式夢幻為主題嘅酒店裡,你可從客室觀賞壯大而美麗嘅主題園區全景,而且可感受到與充滿魔法嘅樂園成為一體嘅入住體驗。酒店共有475間客室,其中包括家庭客房(deluxe type),以及東京迪士尼度假區最高級入住體驗嘅豪華客房(luxury type)。

另外,喺面向樂園園區嘅酒店1樓樓層,將導入商品店舖。

迪士尼新園區酒店概念圖。

相關文章