【室內晾衫】落雨洗衫又難乾又有一陣「噏」味!日本洗衣業界專家話你知,原來要預防嗰陣「噏」味,係要由揀合適洗衣劑開始,而且有6大注意事項。

撰文:Carmen|編輯:RA|圖片來源:《ヒルナンデス!》

【室內晾衫】落雨晾衫6大秘訣!日本專家教你正確洗衣、晾衫技巧


室內晾衫6大注意事項

1. 洗衣機種類
2. 放入衣物的正確順序
3. 洗衣劑選擇技巧
4. 學習使用洗衣機不同清洗程序
5. 洗不同衣服有不同洗法
6. 室內晾衫如何避免一陣「噏」味


1. 洗衣機種類

洗衣機分有2大種類,佢哋喺機身大小同打開方向唔同之外,其實功能亦有小小分別㗎!

室內晾衫
洗衣機分為前置式與上置式2種。

前置式洗衣機

前置式洗衣機喺水嘅使用量上較上置式少,雖然可以慳水,但可能會有污跡殘留。

室內晾衫
前置式洗衣機比較慳水。

 

乾衣功能方面,前置式洗衣機會將衣物拋起攪動,令空氣得以穿透,將水分吹乾。

室內晾衫
前置式洗衣機乾衣功能較好。

上置式洗衣機

上置式洗衣機用大量嘅水將衣物互相摩擦,從而令污跡掉落,去污力比前置式好。乾衣功能方便,衣物會纏埋一齊,令空氣難以穿透,乾衣力比前置式遜色。

室內晾衫
上置式洗衣機乾衣功能較一般。

著重乾衣功能嘅,推薦使用前置式洗衣機,而著重去污功能嘅,則上置式洗衣機較為推薦!

室內晾衫
兩種洗衣機有不同優點,可根據自身需求選擇不同款式。

回到目錄

2. 放入衣物的正確順序

首先要將洗得嘅,同唔洗得嘅衣物分開!專家話,雨褸同泳衣係唔可以放入洗衣機洗㗎!雨褸有防水加工,若用洗衣機嘅強力水流清洗,可能會令呢層加工剝落,所以用手洗就夠。

室內晾衫
雨褸不能放入洗衣機洗!

室內晾衫
為保護雨褸,用手洗就足夠!

而泳衣則可能有鹽素或海水成分殘留,呢啲物質有機會對其他衣物造成損害,所以同樣用手洗就夠。

室內晾衫
泳衣上嘅殘留物質可能會傷害到其他衣物!

室內晾衫
為避免損害,泳衣用手洗就足夠!

將衣物分開後,就要決定放入洗衣機嘅順序,要適當清潔嘅話,原來唔可以亂咁放入洗衣機㗎!

洗衣專家教路,要先放入大件嘅衣物。咁係因為,以上置式洗衣機為例,洗衣機底部嘅波輪透過轉動製作水流波動,洗走衣物污跡,將大件衣物放到最底,令重心向下,可以有助提升洗衣機轉動效率。

室內晾衫
上置式洗衣機底部嘅波輪透過轉動製作水流波動,洗走衣物污跡。

室內晾衫
將大件衣物放到最底,令重心向下,可以有助提升洗衣機轉動效率。

室內晾衫
大件衣物如浴巾、長裙應最先放進洗衣機!

放入大件衣物後,就放入有明顯污跡嘅衣物。若將污跡嚴重嘅衣物放到表層,有機會令污跡轉移到下層衣物上!因此須盡早放入洗衣機!而且,事前喺污跡上塗上洗衣劑先再洗,去污效果會更好。

室內晾衫
若將污跡嚴重嘅衣物放到表層,有機會令污跡轉移到下層衣物上!

 

室內晾衫
事前喺污跡上塗上洗衣劑先再洗,去污效果會更好。

然後中層可放入短裙、褲、T恤等等,最後表層就放入襪、內衣褲、毛公仔等等。為咗防止衣物變形,將冷衫、襪、內衣褲、帽等衣物用洗衣袋裝好再清洗最好!

室內晾衫
將衣物放入洗衣機時的正確順序。

回到目錄

3. 洗衣劑選擇技巧

家庭用洗劑約分為3大種類,分別為洗衣液、洗衣粉、柔軟洗衣液。但3種洗劑其實係針對唔同用途㗎!

室內晾衫
常見的3種家庭用洗劑,其實係針對唔同用途㗎!

洗衣液

容易溶於水中,大部分衣物都適用。亦有只需注水1次就可以清洗衣物嘅洗衣劑,可縮短洗衫時間!

室內晾衫
洗衣液適用於大部分衣物種類。

室內晾衫
亦有只需注水1次就可以清洗衣物嘅洗衣劑,可縮短洗衫時間!

洗衣粉

洗衣粉係3種洗衣劑裡面去污力最強嘅一種,但同時亦較難溶於水中,因此,需充分嘅注水先可以將洗衣粉完全溶解,需時較長。

室內晾衫
洗衣粉係3種洗衣劑裡面去污力最強嘅一種。

而大部分洗衣粉都加入咗漂白劑成分,能夠將形成臭味嘅元兇・雜菌清除,防止「噏」味嘅出現!適合潮濕天氣使用。

室內晾衫
大部分洗衣粉都加入咗漂白劑成分,能夠將雜菌清除,防止「噏」味嘅出現!

室內晾衫
洗衣粉嘅成分可有效殺菌。

柔軟洗衣液

去污力較低,但能夠喺清洗時防止衣物褪色或變形,對於質料纖細或冷衫毛衣等素材,以及重要嘅衣物嚟講,最為合適。

室內晾衫
去污力較低,但能夠喺清洗時防止衣物褪色或變形。

室內晾衫
對於質料纖細或冷衫毛衣等素材,以及重要嘅衣物嚟講,最為合適。

回到目錄

4. 學習使用洗衣機不同清洗程序

如果用開日式洗衣機,會發現佢哋有好多唔同清洗程序選擇,經常都搞唔明「標準」程序以外嘅其他選擇,其實即係點嘅呢?

室內晾衫
「標準」程序以外嘅其他選擇,其實即係點嘅呢?

一般「標準」程序嘅步驟係:一、清洗1次。用洗衣劑同水清洗;二、注水2次。用新水將污跡同洗劑洗去;三、脫水2次。去除衣物水分。

室內晾衫
一般「標準」程序嘅清洗步驟。

室內晾衫
「標準」洗衣程序:清洗1次;注水2次;脫水2次。

急住清洗用咩程序?

污跡若然係新整嘅,趁住未完全滲透到衣物纖維中,可用洗衣液+「快速」程序清洗。「快速」程序嘅注水同脫水次數只有1次,比「標準」程序慳時間。但若然比較重視去污嘅,可用洗衣粉+「標準」程序清洗。

室內晾衫
趁住未完全滲透到衣物纖維中,可用洗衣液+「快速」程序清洗。

 

室內晾衫
可用洗衣液+「快速」程序清洗。

室內晾衫
「快速」程序嘅注水同脫水次數只有1次,比「標準」程序慳時間。

 

室內晾衫
但若然比較重視去污嘅,可用洗衣粉+「標準」程序清洗。

回到目錄

5. 洗不同衣服有不同洗法

好鍾意嘅one-piece連身裙又應該點洗?

呢個情況可用柔軟洗衣液+「輕柔」程序清洗。「輕柔」程序比「標準」程序嘅水流弱,脫水時間亦較短,適合材質纖細或需小心處理嘅衣物。

室內晾衫
可用柔軟洗衣液+「輕柔」程序清洗。

室內晾衫
「輕柔」程序比「標準」程序嘅水流弱,脫水時間亦較短。

室內晾衫
適合材質纖細或需小心處理嘅衣物。

但如果用洗衣粉洗衫,而揀咗「輕柔」程序嘅話,會因為洗衣粉無法完全溶解,導致衣物受到損害!

洗衣粉無法完全溶解,會導致衣物受到損害!
洗衣粉無法完全溶解,會導致衣物受到損害!

另外亦有「浸洗」程序選擇,呢個程序就適合清洗污跡較嚴重嘅衣物,但所需時間就比較長。

室內晾衫
「浸洗」程序就適合清洗污跡較嚴重嘅衣物,但所需時間就比較長。

夏季用毛氈嘅洗法係點呢?

針對夏季用毛氈嘅汗味,正確嘅清洗方法係用有殺菌效果嘅洗衣粉+「毛氈」程序,呢個程序所使用嘅水量比「標準」程序多,脫水時間亦比較長,對於毛氈或其他尺寸較大嘅衣物而言,係最適合嘅程序。

室內晾衫
夏季用毛氈嘅汗味要點樣至有效洗走?

室內晾衫
正確嘅清洗方法係用有殺菌效果嘅洗衣粉+「毛氈」程序。

 

室內晾衫
呢個程序所使用嘅水量比「標準」程序多,脫水時間亦比較長。

室內晾衫
對於毛氈或其他尺寸較大嘅衣物而言,係最適合嘅程序。

回到目錄

6. 室內晾衫如何避免一陣「噏」味

室內晾衫
室內晾衫如何避免一陣「噏」味?

潮濕雨季要喺室內晾衫時,大部分人都會選擇喺窗邊晾,諗住可以有些少陽光幫助乾衣。但洗衣專家就話,雨季時期窗邊濕氣較多,衣物難以晾乾,係造成衣物「噏」味嘅原由!

室內晾衫
大部分人都會選擇喺窗邊晾,諗住可以有些少陽光幫助乾衣。

室內晾衫
不應在窗邊晾衫!

室內晾衫
雨季時期窗邊濕氣較多,衣物難以晾乾。

室內晾衫
難晾乾係造成衣物「噏」味嘅原由!

另一方面,即使勾喺窗簾上,亦有機會令窗簾嘅雜菌黏附在衣物上,同樣造成「噏」味!

室內晾衫
同時都不應喺窗簾上晾衫!

室內晾衫
勾喺窗簾上,有機會令窗簾嘅雜菌黏附在衣物上,同樣造成「噏」味!

廚房附近都一樣,唔止濕氣多,仲有機會喺煮食時,令烹調味道轉移到衣物上。

室內晾衫
喺廚房附近晾衫,有機會喺煮食時,令烹調味道轉移到衣物上。

而喺冷氣機底下晾衫,雖然好似比較通風,但若果冷氣機本身較為污糟,反而會增加咗雜菌嘅滋生。

室內晾衫
冷氣機底下都不應晾衫!

室內晾衫
若果冷氣機本身較為污糟,反而會增加咗雜菌嘅滋生。

據專家所講,室內晾衫嘅最佳地點係距離門口近,又能被冷氣機嘅風吹到,屋嘅正中位置就最適合!因為既能吹到風,亦能避開牆壁、窗等濕氣較多嘅地方,再用埋風扇,就更能加快乾衣速度。

室內晾衫
室內晾衫嘅最佳地點係距離門口近,又能被冷氣機嘅風吹到嘅地方。

室內晾衫
屋嘅正中位置就最適合晾衫!

室內晾衫
可以間接吹到冷氣嘅冷風。

室內晾衫
亦能避開牆壁、窗等濕氣較多嘅地方。

室內晾衫
再用埋風扇,就更能加快乾衣速度。

晾衣物時,擺放位置都有技巧!

將長身衣物放於外側,短身衣物放於內側。

室內晾衫
晾衫時,應將長身衣物放於外側,短身衣物放於內側。

第1個理由係,長身衣物能充分地被風吹到。

第2個理由則係喺中間部分營造出空間,令空氣流動情況更佳,可有效縮短30分鐘乾衣時間!大家記住喇!

既能使長身衣物充分地被風吹到,又能令通風狀況更良好!
既能使長身衣物充分地被風吹到,又能令通風狀況更良好!

室內晾衫
而且可縮短30分鐘乾衣時間!