澳門吃厭了豬扒包和葡撻等小食,不妨到澳門沙梨頭「新水上街市」,即買新鮮海鮮,然後到熟食檔炮製海鮮大餐,性價比極高,記者帶大家到現場看看吧!

撰文:Sam | 攝影:Eric

澳門新水上街市 平買生猛活海鮮

澳門沙梨頭街市綜合大樓(又稱新水上街市)重建後於今年3月正式營運,街市設於地下至2樓,地下主要賣魚類,1樓賣蔬菜、肉類和雜貨,而2樓是冰鮮肉類及熟食檔。

記者當日早上9時多到場,街市內已有很多街坊,而大部分海鮮的價錢都較親民,更有部分海鮮已經沽清,非常誇張。因此,建議大家11時前到街市,否則到場便沒有平靚正海鮮選擇。

新水上街市與以前2層的街市,變成一共有13層的綜合大樓。

早上九時多,街市已經非常熱鬧。

記者當日所見,花甲 $40/斤。

奄仔蟹 $135/斤。

新鮮活鮑魚。

記者買海鮮時,蟶子皇已賣清了,只剩下蟶子。

街市有較少見的海鮮品種,這款橙色殼的扇貝,稱為櫛孔扇貝。

香港唔多嘅新鮮青口。

大蝦山非常澎湃!

買4款海鮮 $250有找!

這裡的海鮮當然是時價,但價錢比香港抵得多,記者買了一條鯧魚($16)、一斤花甲($40)、一斤蟶子($84)和兩隻奄仔蟹($104),4款海鮮一共花了$244,好抵!

街市的海鮮價錢不貴,而且分量很多。

買完海鮮 到熟食檔即煮即食!

在街市買完海鮮後,可以到2樓的熟食檔加工即煮海鮮大餐。不過記者上到2樓後,發現暫時只得2檔熟食檔,分別是「中國名粥」及「好記粉麵粥」,除了可帶海鮮到店即場加工用餐,兩家店都會提供一般粉麵粥和小菜。

街市除了海鮮、蔬菜、肉類和雜貨買,2樓還有熟食檔。

熟食區暫時只得兩檔食檔,店舖選擇好少。

兩間店原本在舊水上街市,不少雜誌報紙也介紹過。

由於熟食檔的座位不多,就算假日早上到場都要花5-10分鐘等位。

 

記者今次光顧「好記粉麵粥」,店舖由93年開業至今,一直由老闆娘洪大姐和她的丈夫打理。

記者試食:蟹粥+蒸魚最出色

因為場內食客多,店舖只得老闆和老闆娘2人打理,洗海鮮和煮食時間需時,大家要耐心等候。一共有4款海鮮及1款小食,讓記者現在立即試味先!

需等候15-20分鐘才有海鮮食。

好記粉麵粥有多款小食供應。

店家有不少小炒及小食,可以邊吃邊等海鮮大餐。

蟹粥軟綿 味道鮮甜入味

粥底滑軟綿夠入味,而且奄仔蟹非常爆膏,令粥的味道更鮮甜香口,蟹肉味道好新鮮!

 

粥底滑軟綿夠入味,奄仔蟹非常爆膏。

以砂窩原煲煮粥,最有風味。

豉椒蒸鯧魚 嫩滑夠鮮味

蒸魚時間剛好,因此魚肉非常嫩滑,而且豉椒不會過鹹,可襯托出魚的鮮味,好食!但記者認為一條的分量太少,愛吃魚的朋友,可以在街市買多一條或買一條較大的魚。

記者買的鯧魚較細條,但店家依然落足豆豉和蔥蒜去蒸。

粉絲蒸蟶子較淡口

蟶子鮮味不算太突出,但加上蒜頭來清蒸尚算彈牙,最欣賞店家冇落大量豉油,沒有令粉絲變得勁鹹。記者建議大家可以炒蟶子或買蟶子皇代替蟶子。

記者當日買唔到蟶子皇,但店家的烹調也令蟶子非常鮮美。

蟶子和鯧魚一同蒸,熱辣辣上枱。

重口味豉椒炒花甲

花甲的豉椒味較重較鹹,有點兒蓋過花甲本身的鮮味,配白飯較好吃。

 

花甲的豉椒味較重較鹹。

香脆滋味炸魚餅

老闆推介記者必試炸魚餅,是店內最受歡迎小食。雖然賣相平平,但味道超有驚喜,魚餅炸到外脆內軟,加入大量蔥段,十分香口滋味,完全冇腥味,記者食唔停口!

炸魚餅 $30/半份。

即煮海鮮餐 每人$90有找

這一頓海鮮大餐分量約有3-5人分量,每道海鮮加工費只收$30,蟹粥加工費則是$80一煲,再加半份炸魚餅,合共$200。再加之前買海鮮的費用,整個海鮮餐只需$444,5個人分即$89/位,超抵食!

記者認為這個海鮮大餐價錢超便宜,而且味道不錯,值得再來。

街坊推介 加工海鮮好抵食

記者當日在場發現,食客大部分都是街坊,住澳門幾十年的張太,在水上街市未重建前,已經常來買海鮮。「這個街市的海鮮有好多唔同品種,而且價錢好平!」她今次來買海鮮兼到熟食檔「好記粉麵粥」食早餐,覺得這裡的豬皮麵又便宜又好味,剛剛得知熟食檔原來可以買海鮮即場煮食,表示「下次有機會都想試下」。

食客張太認為,店內的豬皮麵($17)價錢便宜,味道不錯。

澳門居民Angel今次已是第3次到新水上街市,指街市重建後,環境有改善。「以前環境好差,冇冷氣,檔與檔之間好窄,行得唔舒服。但呢度不嬲買海鮮好平好新鮮,啲魚又多種類。」

Angel平日常幫襯熟食檔「中國名粥」的粥品,因為店舖的粥較有名,今次第一次買埋海鮮來加工煮食,認為「好抵食,唔使煮唔使洗(海鮮)」。她指,今次試蒸海鮮為主,有蟶子皇和鮑魚,另外買了奄仔蟹做蟹粥,認為每款菜式都好出色。「下次會再來食炒海鮮,試下第二種風味!」

澳門人 食客Angel。

Angel指,每次到街市都會光顧「中國名粥」。

記者評語:午餐吃海鮮超抵

新水上街市買海鮮非常抵食,不少澳門人都知道,但原來新建的熟食中心可以代工處理就不是人人都知,要吃平海鮮可以一試。不過記得早起,否則靚海鮮都賣清光,而且兩間代工餐廳都只開至中午及傍晚,沒有晚市提供。

熟食中心沒有晚市,早起的鳥兒才有平海鮮吃!

好記粉麵粥
地址:澳門沙梨頭街市綜合大樓2樓1號檔
開放時間:星期一至日 6:30am-4:30pm

中國名粥
地址:澳門沙梨頭街市綜合大樓2樓2號檔
開放時間:星期一至日 7:00am-7:00pm

新水上街市(沙梨頭街市綜合大樓)

地址:沙梨頭爹美刁施拿地大馬路(顯示地圖
開放時間:星期一至日 7:00am-7:00pm
電話:+853-2825 7797

申請DBS Black Card輕鬆賺里數,享低至1蚊1里,獎賞達80,000里!
p.nmg.com.hk/egt589

延伸閱讀:澳門街坊都推介的地道老字號|必掃10間平價小店+雀仔園街市

延伸閱讀:摩珀斯 Morpheus|澳門最新五星級酒店|15/6 開幕!率先睇:法國甜品、Sky Pool

相關文章