【 FlyJapan 】仲有2年就到2020東京奧運喇!日本陸續增建緊唔同設施,以接待來自世界各地,前來觀賞比賽嘅遊客。住宿供應梗係唔少得啦!喺呢個窮遊盛行嘅年代,日本星野旅館集團都將佢哋嘅星級服務,延伸去平價旅館!想一試星野旅館嘅高質服務?記得預早book房呀!

撰文:Carmen|圖片來源:星野リゾート、《林修のニッポンドリル》

享受最高級日式招待

星野旅館連續2年蟬聯住客滿意度調查第1位!分有「虹夕諾雅」嘅頂級豪華旅館、「界」嘅精品溫泉旅館、「RISONARE」嘅時尚度假村同「OMO」嘅都市觀光酒店等4大系列旅館。喺香港人之間較為出名嘅,相信就係位於輕井澤嘅「虹夕諾雅」豪華旅館喇!

星のや・軽井沢
星のや・軽井沢

星のや・軽井沢
星のや・軽井沢

星級服務即係點高質法?

日本綜藝節目《林修のニッポンドリル》追訪咗星野旅館,「虹夕諾雅」東京分館嘅「神級」接待服務,簡直貼心到令人感動!旅館總負責人就話,集團廢除咗接待指南,所有職員係根據同客人間嘅談話同觀察,自己思考提供咩服務畀客人最好,實現日本茶道中所體現嘅「主客一體」精神。

星のや・東京
星のや・東京

例子:

1:房內check-in

目的係令住客舒舒服服咁,放低晒所有隨身物品,先再進行check-in。女嘉賓激讚呢份細心,如果湊住小朋友去,簡直係幫大忙,可免除小朋友因「扭計」或嬉鬧而造成嘅尷尬。

1:房內check-in|星のや・東京
1:房內check-in|星のや・東京

2:勁貼心!超班照顧

從談話得知住客有花粉症,喺住客要求追加紙巾嘅同時,考慮到喉嚨會唔舒服,攞完紙巾之後,居然仲攞埋蜂蜜同花果茶畀客人!你以為咁就完喇咩?仲有呀!職員甚至準備埋空氣清新機,同king-sized垃圾桶畀客人!

提供蜂蜜同花果茶畀客人。|星のや・東京
提供蜂蜜同花果茶畀客人。|星のや・東京

準備埋大垃圾桶同空氣清新機!|星のや・東京
準備埋大垃圾桶同空氣清新機!|星のや・東京

3:連住限定!換房間setting

對住多過一晚嘅客人,職員喺住客外出後,執房時會觀察住客嘅習慣喜好,從而改變房間內嘅擺設,令住客住得更舒服方便。例如見住客鍾意觀星嘅,就將梳化移至合適嘅角度;見客人帶好多書嚟嘅,就攞埋book stand畀你,但大前提係職員唔會移動住客嘅私人物品。即時好有王子公主嘅feel呀!

3:連住限定!換房間setting|星のや・東京
3:連住限定!換房間setting|星のや・東京

5月9日開幕 新落成平價酒店

新落成平價旅館・OMO5東京大塚
新落成平價旅館・OMO5東京大塚

回到正題,星野集團最新酒店,OMO5東京大塚即將於下星期開幕,客房一人一晚大約7,000円起。最大特色為客房「YAGURA ROOM」(檜木),雖然細細間,但設置咗好多立體多功能家具,而且用上咗高床架寢具,呢度隱藏咗星野旅館嘅貼心。

使用高床架嘅原因係,直到住客入睡前,都能保持乾淨床鋪。床架下有個梳化區域,確保住客外出玩完返嚟,有位置放「戰利品」同休息,唔使扔晒啲嘢上床整污糟床鋪。

OMO5・客房「YAGURA ROOM」
OMO5・客房「YAGURA ROOM」

OMO5・客房「YAGURA ROOM」
OMO5・客房「YAGURA ROOM」

OMO5・客房「YAGURA ROOM」
OMO5・客房「YAGURA ROOM」

OMO5・客房「YAGURA ROOM」
OMO5・客房「YAGURA ROOM」

餐廳及大堂

OMO5・Cafe
OMO5・Cafe

OMO5・Cafe Menu
OMO5・Cafe Menu

OMO5・酒店大堂
OMO5・酒店大堂

OMO5・大堂休憩空間
OMO5・大堂休憩空間

地道導遊

OMO5延續星野旅館一貫嘅好客之道,為咗令住客可以充分體驗所在地嘅魅力,組成咗「OMO戰隊」,每日喺Go-KINJO Map上研發唔同路線,夜晚帶你出去體驗當地最地道嘅美食、美酒同特色活動。(*KINJO日文指鄰近。)

「OMO戰隊」每晚帶你探索大塚。
「OMO戰隊」每晚帶你探索大塚。

「OMO戰隊」每晚帶你去只有當地人先知嘅隱藏地點。
「OMO戰隊」每晚帶你去只有當地人先知嘅隱藏地點。

詳細資料:

Hishino Resorts OMO5 Tokyo Otsuka
地址:東京都豐島區北大塚2-26-1
官方網頁:omo-hotels.com/otsuka/ch/
價格:7,000円(每人每晚)
房數:125
Check-in 3:00pm, checkout 11:00am

相關文章