大家又記不記得第一次旅行且沒有父母同行的是和甚麼人去?你的心情又是如何?當所有行程由自己一手包辦,加上網絡並不發達,所以一定要預先準備好所有東西。然而,現今和從前是有所不同!

還記得人生第一次旅行的心情嗎?


我人生嘅第一次旅行,奉獻咗畀台北。仲記得當年我得十九歲。同女朋友都係第一次同家人以外嘅人出國。

因為驚趕唔切登機,提早兩個半鐘去機場,搞手續時其實好緊張,但強裝鎮定同扮晒有經驗咁。

仲記得我辦理完登機手續之後,根本唔知要點做……到底喺邊度等飛機起飛?點解周圍都見唔到飛機?

機場指示牌又多,完全不知所措,最後扮晒不經意咁跟住人哋入閘、過海關……

十幾年前的旅行與現在的差異

01 | 預先 print 定行程

以前個個手上都會攞住本俗稱「閃卡」嘅旅遊書,我除咗跟住書上面嘅建議行程去玩,都會上網蒐集晒所有資料。

攞住旅遊書周圍行。

但由於當年未流行租Wi-Fi蛋,商場或公共場所嘅Wi-Fi設備都未夠完善,

所以,所有資料都一定要喺香港查。

再用影印機print好晒地圖,自己畫定路線,或者用手機cap低。

第一次旅行
當年未流行租Wi-Fi蛋,不可以依賴上網去臨時找行程。

02 |只有地圖在手

仲好記得旅行書嘅地圖極度簡陋,又唔夠update,又冇地鐵出口標示。

去到日本仲慘,街道錯綜複雜,想喺旅遊書搵個地標知道自己位置都難,惟有數住自己由地鐵站出發行咗幾多條街……

而家就唔同晒,通訊發達,每人手執一個Wi-Fi蛋,有咩事就開Google Maps,好多食店或旅遊景點打個名就查到點去,連地鐵班次都有提供埋,唔驚搭錯車。

第一次旅行
《原諒他77次》劇照。

03 |單靠旅行社

十幾年前唔識自己上網訂機票酒店,廉航未盛行,惟有去旅行社參加自由行。而家乜都可以上網搞掂晒,機票酒店車票一手包辦。

第一次旅行
從前去自由行,只可以到旅行社代辦機票及酒店。

最大的分別其實是自己

上面講咗年代通訊科技嘅差別,而十年前後,發現最唔同咗嘅……係我自己。

最近去咗三日兩夜台北旅行,本身預咗純粹食嘢同shopping。回憶番十幾年前嘅滋味……

點知……真係想唔認老都唔得,行到第二日,去咗九份十分,對腳幾乎斷咁滯,立即縮減第三日行程。

第一次旅行
台灣九份。

另一方面,以前一個夜市可以由街頭食到街尾,依家食完塊雞扒已經飽咗一半,受唔到太過煎炸嘅食物。

頂住個懷胎三個月咁嘅肚腩返到酒店,飲番包「清熱酷」紓解喉嚨,真係叔叔不行了。

第一次旅行
台灣夜市。

嗰一刻,我終於明白,點解老一輩嘅人去旅行鍾意靜態、唔緊密嘅行程……

所以建議各位,趁住後生唔好慳,去盡啲,錢可以再賺,但時間只會流逝,唔會返轉頭。

下一頁:去旅行千祈唔好帶遊戲機,尤其係玩《Overcooked》